JOHAN 21:22 - Cho Bible Common Language 2016

²² Bawipa Jesuh naw, “Kei ka law ba güt ung ani ghing ne a om vai ah kei naw kang yak hlü ah a kyak ung, nang naw a i na pyein vai kä om ci, ka hnu ah na läk ä” cine pyen nak ci.

JOHAN 21:22 Referans Kwoze

MAKUH 9:1

Cun kawn ah Bawipa naw, “Kei naw akcang ka pyein cu, hlüngtai nak awn Khanpughi ah uknak kho gawk law sei, kä ami hmuh phaa ah chuih, shin ah kho ung om ciah chang amshah gui cu kä sik khai gui nei” cine kyak na gui ci.

THU PHLAAN 2:25

Kei kä ka law pha ah chuih nami kut ung om ci cu, htek sei nami shum vai.

1 KORIN 4:5

Bawipa ah akhin kä a gawk law pha ah chuih, nangmi naw a u phi kä nami m’khoichaa en ba vai. Bawipa a gawk law ung khüt sei ak hnubäih ah m’khoichaa nak cu nami gin vai. Bawipa naw akdei law püi ne, hmüp khui ung ng’yihkuh ci gui la chang gui ah m’lung kyong ung thuhthaw gui avan cu dang sak yawp khai. Cun kawn ah chang nüng nüng naw amät awn khin ciah Khanpughi ah m’hlüngtai nak cu gah khai.

THU PHLAAN 3:11

Kei ka gawk law ge vai ci nei, nang ung om cicu m’htek ne khäm ge ä, cun ung nang ah näng nak ng’chuh cu a u naw kä ning gut hlawt khai.

JAMES 5:7

Ka phäinau gui aw, Bawipa a law ba güt hnimgei ne om vä. Lo bik ciah chang tumat naw, a lo ung, ak küikyang ah a geitkaw gui am theih tak law vai ah, kho k’aa htük ungka naw, kho k’aa ang pyi güt ung, hnimgei ne ging ci nei.

1 KORIN 11:26

Nangmi cu shin ah m’htut ei ne, shin ah khap nami awk ung Bawipa a sih ah mawng cu, a kyum law ba ung khüt sei, shäu ne nami pyein ci.

JOHAN 21:19

(Cun a cicu Khanpughi ah bämang nak dang khai ah Peter ah a sih vai ah mawng a pyein ah kyak ci.) Cun kawn ah Bawipa Jesuh naw, “Na läk ä” ci nak ci.

MATTHE 24:44

Chang ah Htapa cu nangmi naw kä nami ngaih yah ah akhin ung kyum lawk khai kyasei, nangmi cun phi angtäi yah ngaih nah ne nami om vai.

THU PHLAAN 22:20

Shin ah a mawng gui yuk pyein ciah Bawipa naw, “Kei akcang ah ka kyum law ge vai ci nei,” cine pyein ci. Cun cu akcang ah kya sä, Bawipa Jesuh yu kyum law ä!

THU PHLAAN 22:7

Bawipa Jesuh naw, “Ngai vä, kei ka kyum lawk khai nei, shin ah cauk ung om ciah ng’cäi nak gui läk ciah chang cu yeikyai nak om ci nei” cine pyein ci.

THU PHLAAN 1:7

Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.

MATTHE 24:27

Hnilaw ungka naw hni kiaak ung khüt khai ah khankho mik avan deikhang sak ciah kholailäp ah mäih ah chang ah Htapa cu kyum lawk khai nei.

MATTHE 24:3

Bawipa Jesuh cu Olive khohtung ah amät a ngoh yah ung ang düihpüi gui cu a pei ah law u netah, “Tuhbäi na pyein ah a mawng gui cu a i ah khin ung kya lawk khai ang? Nang Bawipa kyum law ba nak khin la kho ang pyi law nak vai ah khin ung a i gui dang lawk khai ang? nam thein gui ä,” cine ng’shik ci gui.

MATTHE 8:22

Cun ung phi Bawipa Jesuh naw, “Ka hnu ah na läk ä, ak si cu ak si gui naw htüm u sä,” cine pyen nak ci.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

JOHAN 21:21

Peter naw ani cu hmu netah, “Bawipa, ani mä a i ah kyak khai ang?” cine ng’shik ci.

1 THESSALONIAN 2:19

Bawipa Jesuh a kyum law ba hnüüp ung, Bawipa ah ma ah nangmi ah mawng näng nak bäng pyein ne keimi kami ng’düng nak vai om ci. Cun kawn ah nangmi cu chang a hei gui ah kä nami ng’neim pi ci, nangmi cu keimi ah ngaih u nak la längtang nak ah nami kyak ci.

JAMES 5:8

Nangmi phi hnimgei ne nami om vai nei. Nami ngaih u nak cu khäng htek sä, Bawipa a kyum law nak vai ah hnüüp ng’et lawk ci nei.