JOHAN 21:18 - Cho Bible Common Language 2016

¹⁸ Kei naw akcang ka pyein cu; nang cu nak hmaw yah ung ng’düi law ne na hteh nak hlü ah na hteit man ci, cun ung phi nang cu na ghi law ung na kut vang goi vei k’shäng ci sei chang naw ning khitpawng ne, kä na hteh nak hlü ah ning hteh püi khai” cik ci.

JOHAN 21:18 Referans Kwoze

JOHAN 13:36

Simon Peter naw, “Bawipa, ahawi ah na hteit khai?” cine ng’shik ci. Bawipa Jesuh naw, “Kei ah ka hteh nak ah tuhbäi kä na na läk hlawt khai, a ngawi ah vah na na läk hlawt khai” cine kiak nak ci.

LAMKTU 21:11

Ani cu keimi ah om nak ah law ne, Paul ah khei khih nak la ne, akut a khaw cu pin netah, “Shin ah kheikhih nak ka nak ciah chang cu, Jerusalem ah Judah chang gui naw, a shin ah mäih ah khit ne pin u netah, changpakhui hei gui am ap khai gui nei, ci ne Mumcha Theing naw pyein ci nei” cine pyein ci.

2 KORIN 5:4

Khodek im ung mi om yah ung mikmi cu mi ng’hlo ei ci, cun cu khodek pumsa mi nawng hlü su ah kä kyak ci, thuka thei ci ung ng’huuk ne, angtäi ghin nak ah khankho pumsa cu ng’yak hlü ah hmawk ah kyak ci.

LUKA 12:37

Akchang shäm gui naw ami ngäng cu ami bawi alaw ba ung hmu gui ci. Changshäm gui cu yeikyai ci gui. Kei naw akcang ka pyein cu, bawi naw cun ah changshäm gui cu khin ah khän gui ne, a täng ah ngoh püi gui ne, m’sui msak gui ne, tumbei khin chah na gui khai.

JOHAN 21:17

Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

JOHAN 21:19

(Cun a cicu Khanpughi ah bämang nak dang khai ah Peter ah a sih vai ah mawng a pyein ah kyak ci.) Cun kawn ah Bawipa Jesuh naw, “Na läk ä” ci nak ci.