JOHAN 21:17 - Cho Bible Common Language 2016

¹⁷ Ak thum vei nak ah Bawipa Jesuh naw, “Johan ah hta Simon,” Kei na nam hni ci ang?” cine ng’shi ba mä ci. Cun ah ak thum vai nak ah ng’shi ba mä khätah, Peter cu thüi netah, “Bawipa, nang naw a päng avan na hmat ci nei, kei naw ka ning m’hni cu na hmat ci nei” cine pyein ci. Bawipa Jesuh naw, “Ka htome gui nam htei vai nei bäi,

JOHAN 21:17 Referans Kwoze

JOHAN 13:38

Bawipa Jesuh naw, “Nang naw kei ah hmawk ah na ghin nak na pek khai maa? Kei naw akcang ka pyein cu, ai kä ah khawn pha ung ani kä ka hmat ci nei cine thum vei na na mak khai nei” cine kiak nak ci.

MAKUH 14:72

Cun yah ung ai ak hnih vei nak ah khong ba ci. Cun ah kia khätah, “Ai hnih vai kä a khon pha ung, nang naw kei cu kä na nak shing ciah pyein ne, thum vei na na mak khai nei” cine Bawipa Jesuh a pyein te ah ng’thu cu shüm law ba netah Peter cu ang htei ah thüi ne kyap ci.

JOHAN 16:30

Nang naw a päng ang nüng na hmat cu, kami hmat pyi ci, kami ning shi vai a i kä om ba ci nei. A shin gui kami hmat nak awn nang cu, Khanpughi ungka na lawk ciah kami yum ci nei” cik ci gui.

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

EPHESIAN 4:30

Khanpughi ah Mumcha Theing cu kä nami m’thüi-en vai; a i ah kyasei ci ung Mumcha Theing cu Khanpughi naw nangmi a ning khäm gui ah mawng m’hnüt nak ah kyak ci, ak hnu bäih ah Hnüüp ung nangmi a ning phiawn nak gui vai ah, a kyän ah phi kyak ci.

LAMKTU 15:8

Chang gui ah m’lung ngaih, hmat yawp ciah Khanpughi naw Mumcha Theing cu mikmi am ana peit gui ah mäih ah changpakhui hei gui am phi a peit nak tu gui awn, ngah mi m’hni ne ang yaak nak hlü gui cu m’dang ci nei.

JOHAN 15:10

Kei naw Kapa ah thukhän läk ne ani ah m’hni ah ka om ah mäih ah, kei ah thukhän nami läk ung kei ah m’hni ah nami om khai.

JOHAN 14:15

“Kei nami nam hni ung ka thukhän cu nami läk khai.

SAM 17:3

Nang naw ka m’lung na hmat ci. Khomü ung kei ah na lawk ci; Nang naw kei cu akbe ah na na cet ci, cun ung phi kei ung ng’zak hlü akshe a i kä na hmuk ci.

2 PETER 3:1

Teihpüi gui aw, shin ah ca cu ak hnih vei nak ka ning guk law gui ah kyak ci nei. Shin ah caguk ani nik hnih ung, shin ah mawng gui cu shüm ba ne, nami m’lung ngaih theing sei,

1 PETER 1:6

Nangmi cu yaica geinvai nak a hlü hlü om sei tuhbäi nami thüisei ung phi, ak khan ah a mawng gui cu ngai ne yeikyai vä.

2 KORIN 1:12

Keimi ung m’lung ngaih theing awn khähghah nak vai tumat om ci, cun cu khodek khan ah ghin nak ung, ak tung pi ah, nangmi awn ng’khuihphaa nak ung chang ah cüivai nak awn ah kä kyak ciah Khanpughi ah hlüngtai ciah m’gein nak ung, Khanpughi ah na peit gui ah m’lung theing awn kami pawngpüi bilawh ah kyak ci.

LAMKTU 1:24

Cun kawn ah ngah mi cu, “Bawipa, nang naw chang ah m’lung kyawng avan na hmat ci, Judas cu amät ah ng’yak hlü ah ang’düihpüi ung ka hteit pyi ci.

JOHAN 18:27

Peter naw, “Ka, kä kei nei” cine ma ba mä ci. Acun vai-am ai khong lawk ci.

JOHAN 18:4

Bawipa Jesuh naw, amät ah khan ah gawk lawk khai gui avan cu hmat pyi netah, ami ma ah vang phäi ne, “A u ang nami shui” ci ne ng’shi gui ci.

JOHAN 12:8

Pyamthaam ci gui cu nangmi awn angtäi ah nami om ci, kei läi cu nangmi awn angtäi ah kä ka om khai” cine kyak na gui ci.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

NG’ÄI KYAH 3:33

Thüisei nak la natnak mikmi ung kyak sak ci, ani naw yeikyai nak kä lak ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

1 SHONTÄP NAK 29:17

Nang naw chang ah m’lung päng m’nüm ne, ni nak om ciah chang cu na yeikyai nak ci. Kei naw ng’düng nak la ni nak awn shin gui avan yum nak awn ka ning pek ci, na chang gui shin ung ng’bum lawk ci gui naw, khawihnah nak, nang ah ami law püi ah phäh ah a i hlawk ah ami yei cu kei naw ka hmuk ci nei.

1 GHANGPUGHANG GUI 17:18

Ani naw Elijah pyen nak ci, “Khanpughi ah chang, a i ah kyasei kei ah khan ah shin ah na bi ang? Khanpughi am kei ah katnak gui m’thein ci sei, acun ah cheng ah ka hta a sih vai ah na lawk ci ang?”

JOSHUA 22:22

“Hlüngtai säih ci tumat cu Khanpughi nei! Ani cu Bawipa nei! Hlüngtai säih ci tumat cu Khanpughi nei! Ani cu Bawipa nei! A i ah kyasei shin ah kami bi cu ani naw hmat ci nei. Nangmi naw phi nami hmat vai ah kami ng’ya hlük ci nei. Keimi naw hungtuk u ne, Bawipa ung bekhüt nak kä kami paang ciah a kyak ung, keimi kä na ghin ba sak gui vä!

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

2 SAMUEL 7:20

Kei naw a i ang ka ning pyen nak ba mä kaw! Nang naw na na hmat ci, na na changshäm.

JOHAN 21:18

Kei naw akcang ka pyein cu; nang cu nak hmaw yah ung ng’düi law ne na hteh nak hlü ah na hteit man ci, cun ung phi nang cu na ghi law ung na kut vang goi vei k’shäng ci sei chang naw ning khitpawng ne, kä na hteh nak hlü ah ning hteh püi khai” cik ci.

1 SHONTÄP NAK 17:18

Kei naw a i ka pyen ba khai ang! Nang naw akni ah na na hmat ci, nang naw na changshäm cu na m’tamkhah ci.

JOHAN 4:16

Bawipa Jesuh naw, “Hteit ne na cei va khü baä” cik ci.

LAMKTU 11:10

Cun kawn ah ka om nak ah im ah chang sing thum gawk law ghet ci gui.