JOHAN 21:15 - Cho Bible Common Language 2016

¹⁵ Cun ah ami ei kawn ah Bawipa Jesuh naw Simon Peter-am, “Johan ah hta Simon, a hei gui naw ami nam hni ah däm pi ciah kei na nam hni ci ang?” cine ng’shik ci. Peter naw, “Ä ya Bawipa, kei naw ka ning m’hni cu nang na hmat ci nei” cik ci. Bawipa Jesuh naw, “Ka Htome gui na m’htei vai nei bäi” ci nak ci.

JOHAN 21:15 Referans Kwoze

ROMAN 15:1

Mi yum nak khäng htek ciah chang gui naw, ayum nak ken ciah chang gui cu m’hteihtang gui vai kyak ci. Mi mät ah yeikyai nak bäng vai ah mi bi khai ah kä kyak ci.

1 JOHAN 4:19

Khanpughi naw nam hni gui ma sei, mikmi naw ani cu mi m’hni ci.

ISAIAH 40:11

Ani naw a htaw gui cu htoshäm ah mäih ah m’htei gui khai; Ani naw ktome hta gui cu k’bum gui ne, a kut awn bäm gui khai; Ami nu gui cu ang awigi ah lamshüm gui khai. Israel gui ah Khanpughi.

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

EPHESIAN 6:24

Kä si hlawt ciah m’hni nak awn mi Bawipa Khrit m’hni ciah chang gui ah khan ah Khanpughi ah m’geinsei nak cu kümbe ne om sä.

LAMKTU 20:28

Cun ah kyasei nami mät naw nami mät la, Mumcha Theing naw nami kut ung a ning ap gui ah Htome gui cu nami m’htei vai. Khanpughi ah khritha bum cu htoshäm ah mäih ah nami m’htei vai, Cun cu Athapa naw a ghinnak pe ne a sih nak awn Amät ah kaa ah k’bäi pyi ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

JOHAN 16:27

A i ah kyasei ci ung Kapa amät naw nangmi ning m’hni gui ci. Nangmi naw kei nam hni ne, Khanpughi ungka ka lawk ciah nami yum ah hmawk ah, Kapa naw ning m’hni gui ci.

JEREMIAH 3:15

Kei naw, kei ah thu ngai ciah uktu ka ning pe gui khai, ngami naw cüivai nak la hmuhmat nak awn uk khai gui.

EZEKIEL 34:23

Kei naw ka changshäm David ah mäih ah htome shäm tumat ah kyak ciah ghangpughang cu ka pe gui khai, ani naw tengkhen gui khai.

1 PETER 2:25

Nangmi cu lam hma ne maih ciah htome ah mäih ah nami kyak ci, cun ung phi nami m’lung ning shum gui ciah Htoshäm ah ma ah nami gawk law ba pyi ci nei.

HEBRU 4:13

Khanpughi ah ng’thuh haih ci a i kä om ci a tüi sho phung phung cu a mik ah hmuh ah dang yawp ci. Acun ah kyasei mi bilawh, ngaih tüh gui phung cu Khanpughi-am mi ap khai nei.

LUKA 22:32

Cun ah kyasei na yum nak a htek vai ah ka ning taigü pek ci nei. Nang cu kei ah nang hlah law ba kawn ah, na phäi nau gui cu thagui na peit gui vai nei” cik ci.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

ROMAN 14:1

A yum nak ken ciah chang cu nami dou vai, cun ung phi ani ah m’lung ngaih ah mawng ung kä nami ng’cuh ng’can nen püi vai.

MATTHE 16:17

Bawipa Jesuh naw, “Johan ah hta Simon, nang ung yeikyai nak om ci, shin ah düng ciah a mawng cu chang naw kä hmat hning ci, Khankho ah om ciah Kapa naw a ning m’thein ah kyak ci.

JEREMIAH 23:4

Nangmi ning m’htei gui khai ah uktu gui cu kei naw ka m’düih gui khai. Kei ah ka chang gui cu kä kyihkyawk ba khai gui, kä cäicat ba khai gui, kei naw kä ka m’kyuk ba gui khai. Kei, Bawipa naw ka pyen ci.”

THU PHLAAN 2:23

Ani läk ciah chang gui cu ka ngawn gui khai, cun kawn ah kei cu chang nüng ah m’lung ngaih la ng’yak hlü ka hmu hmat ciah, khrithabum avan naw hmat khai gui nei.

1 PETER 2:2

Htanak thai ah ak hmawhta cu, suuktui a gha ah mäih ah, angtäi sei mümcha suuktui ah nami gha vai nei. Cun ung vah cun ah suuktui nami awk nak awn, däm ng’vai u ne, hun nak nami gah khai.

KALATIAN 5:6

Mikmi cu Bawi Khrit Jesuh ung mi kawng ät kawn ah, vun ah la kä ah cu ak tung ah kä kyak ci, ak tung cu m’hni nak dang sak ciah yum nak ah kyak ci.

JOHAN 21:12

Bawipa Jesuh naw, “Law ne ei law vä” cik ci. Ang düihpüi gui ami van naw ami Bawipa ah hmat yawp ci gui kya ne, a u naw phi, “Nang a u ang” cine käng shik ci.

JOHAN 21:7

Cun kawn ah Bawipa Jesuh ah a hnu ah ang düihpüi naw, “Mik mi ah Bawipa nei” cine Peter-am m’thein ci. Peter cu cun ang yak vai-am akhtu suut ne akhei k’htün netah tui ung yung phäi ci.

MATTHE 18:10

“Nangmi naw a u ak hmaw hta phi kä nami yoshe nak vai. Kei naw ka ning m’thein gui cu, ngami ah khankho chang gui cu, khankho kapa Khanpughi ah ma ah angtäi sei om ci gui.

EPHESIAN 4:14

Mikmi cu ak hmawhta ah kä mi kya ba ci, cun ah kyasei, ami mät ah m’lung hnga tüidawng düt awn, chang gui lam hma khai ah lam shüm ne thuvi theileh ci gui ah, m’theithang nak khokhni naw kä ning yon shüi shüi en gui sä.

1 KORIN 8:11

Cun ah kya sei ak thagui ken ciah na phäinau ah hmawk ah Bawi Jesuh si pyi ciah a kyak pang ung phi, nang ah “hmuhmat” nak awn ani cu dimaih ciah kyak ci.

JOHAN 8:42

Bawipa Jesuh naw, “Khanpughi cu nami Pa akcang ah a kyak ung, nangmi naw kei nami nam hni khai, a i ah kyasei ci ung, kei cu Khanpughi ungka law ne, ka gawk lawk ci, ka mät ah ngaih ah ka lawk ciah kä kyak ci, ani naw ana tüih law ah kyak ci.

MAKUH 14:29

Peter naw, “A hei gui ami van naw ami ning nawng ung phi, kei naw kä ka ning nawng khai nei” cine pyein ci.

LUKA 12:32

“Htome ng’bum hta, kä kyi vä, nami Pa naw a uknak a ning peit gui vai ah, ang yak hlü om ci.

ATÜNNAK 33:13

Jakob naw, “Na hmat ah mäih ah a hmaw gui cu cümbawng ci gui. Seime gui la ami hta gui phi züt ci gui. Hnüüp ät ge awn gawk vai ah hteh ah khoi ung ngami cu si yawp khai gui nei.

MATTHE 10:37

‘Kei ah mä, anu apa m’hni pi ciah chang cu kei ah düihpüi ah kä kya hlawt khai. Kei ah mä, a hta m’hni pi ciah chang cu, kei ah düihpüi ah kä kya hlawt khai.

2 GHANGPUGHANG GUI 20:3

“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.

2 SAMUEL 7:20

Kei naw a i ang ka ning pyen nak ba mä kaw! Nang naw na na hmat ci, na na changshäm.

JOHAN 13:37

Peter naw, “Bawipa, a i ah kyasei tuhbäi kä ka ning läk hlawt vai ang? Nang ah hmawk ah ka ghin nak phi ka pek khai nei” ci ne pyein ci.

JOHAN 1:42

Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

MATTHE 26:35

Peter naw, “Kei cu nang awn a täng ah ka sih vai ung phi kä ka ning hmat ciah pyein ne kä ka ning mak khai nei,” cine pyein ci. Ahei ang düihpüi gui cun naw phi, acun bäng bäng ah pyein tuk ci gui.

MATTHE 26:33

Peter naw, “A hei gui avan naw ami ning nawng ung phi, kei läi naw a i yah ung phi kä ka nin nawng hlawt khai nei,” cine khän ne pyein ci.

LAMKTU 20:29

Kei ka hteh ba kawn ah k’hnei sou gui cu nami ng’lung ah law u ne m’ghä m’ce ne ning tuten gui khai gui cicu ka hmat pyi ci.

EZEKIEL 46:24

Cun ah chang naw na m’thein ci, “Shin gui cu ei-shon im gui, Taigüim ung changshäm gui naw, chang gui naw ami douthak law ah khawihnah nak gui ami shon nak ah kyak ci.”