JOHAN 20:9 - Cho Bible Common Language 2016

⁹ (Ani cu sih nak ungka tho ba khai, ciah cacim ung om ci cu, cun güt ung ngani naw kä shüm ba ci goi.)

JOHAN 20:9 Referans Kwoze

SAM 16:10

A i ah kyasei ci ung nang naw sih nak ah huham ung ka na na phyawn ci. Kei naw bekhüt ne na khuut ka bik ci, Nang naw sihnak ah kho ung kä na na nawng khai nei.

ISAIAH 25:8

Uktu Bawipa naw sih nak cu khonglän ung m’di khai! Ani naw chang pang ah mik ungka ng’phli tui cu ghu pe ne, kho ah ka avan ung a chang gui ah thüivat nak cu lak pe gui yawp khai. Bawipa amät naw a pyen nei!

ISAIAH 26:19

Keimi ah kami chang cu a sih ung phi, ghing ba khai! Ngami ah ami pumsa cu ghing law ba khai. Ng’phuh hmun ung ip ci gui ami van tho ba u ne, yei ne ng’äi m’cu khai gui. K’daam tui naw khomdek ak chin sak ah mäih ah, khaw k’sho ung sik ciah chang gui cu Bawipa naw ghin ba sak gui khai.

1 KORIN 15:4

Cacim ung om ciah mäih ah ami k’phuh a mawng, ak hnüüp thum hnüüp sih nak ungka a thawh ba ah mawng;

LUKA 24:26

Messiah cu bämang hlüngtai nak kä a gah pha ung, ashin ah mäih ah yaica nak cu abui awt vai ah hlü ciah kä kya ne ma?” ci ne ng’shi goi ci.

MATTHE 22:29

Bawipa Jesuh naw, “Nangmi cu cacim phi kä nami hmat ci, Khanpughi ah hlüngtai nak phi kä nami hmat ci, cun ah kyasei nami m’lung ngaih cu ng’lat ci.

HOSEA 13:14

Kei naw shin ah chang gui cu sih nak ah khaw ungka kä ka hun gui khai. Sih nak ah huham ungka kä ka gung gui khai. Sih nak, na leigai cu law püi ä, Kei cu shin ah chang gui ah phäh ah kä ka yeikyai ba ci nei.

JOHAN 2:22

Cun ah kyasei angdüihpüi gui naw, Bawipa Jesuh sih nak ungka a thawh ba kawn ah, Bawipa Jesuh ah pyein gui ah thu m’kha la cacim cu shüm ba u netah yum law pi ci gui.

LUKA 9:45

Cun ung phi ang düihpüi gui naw kä hmat ci gui. Shin ah ng’thu cu kä ami hmat vai ah ng’yih ci, cun ung phi Bawipa Jesuh cu kä ng’shi veing ci gui.

SAM 22:15

Kei ah ka gawn cu m’vut ah mäih ah chawng ne, kam’lei phi ket ci. Nang naw ka sih vai ah m’dek ung na na nawng ci nei.

LAMKTU 2:24

Cung ung phi ani cu sih nak naw shung neh kä m’khüt ci, Khanpughi naw sih nak ah hlüng tai nak ung ka’ phiawn neh thawh ba sak pyi ci.

LAMKTU 17:3

Messiah naw yaica nak a bui aut vai ah mawng, la sih nak ungka a thawh ba vai ah a mawng gui cu cacim va teng teng ne ng’kheing khai ah m’thein gui ci. Paul naw, “Kei naw nangmi am ka ning m’thein gui ah Bawi Jesuh cu Messiah ah kyak ci” cine pyein ci.