JOHAN 20:31 - Cho Bible Common Language 2016

³¹ Cun ung phi Bawipa Jesuh cu Messiah, Khanpughi ah Htapa ah kyak ci, cine nami yum vai la, nami yum nak awn nangmi ung ghin nak nami gah vai ah, shin ah ca uk cu guk ah kyak ci nei.

JOHAN 20:31 Referans Kwoze

LAMKTU 10:43

Bawipa yum ci gui ah chang phung cu a hlüngtai nak ming awn ami katnak m’geinsei gui khai, cine prophet gui naw pyein man ci gui” cine pyein ci.

1 JOHAN 5:1

Bawi Jesuh cu Messiah nei cine yum ciah chang phung cu, Khanpughi ah hta ah kyak ci. Pa Khanpughi m’hni ciah chang naw ani ah a hta cun phi m’hni ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

1 JOHAN 4:15

Bawi Jesuh cu Khanpughi ah Htapa nei, cine ng’kiaa ciah chang cu, Khanpughi ung om ciah kyak ci, Khanpughi phi ani ung om ci.

JOHAN 3:36

A htapa yum ciah chang cu angtäi ghin nak gah ci. Kä yum ciah chang cu ghin nak kä hmuk khai. Ani ah khan ah Khanpughi ah m’lung she nak om khai.

JOHAN 3:18

Khanpughi ah Htapa yum ciah chang cu a hma m’kat nak kä om ci, kä yum ciah chang cu, Khanpughi ah Htapa kä ah yum ah hmawk ah, tuhbäi ge hma m’kat nak gah ci.

2 JOHAN 1:9

Bawi Khrit ah m’theithang nak ah kyong ah kä om ne, ak pung ah om ciah chang ung Khanpughi kä om ci. Bawi Khrit ah m’theithang nak kyong ung om ciah chang cu Apa la A Htapa ani nik hnih ah om nak ah kyak ci.

JOHAN 6:40

Kapa Khanpughi naw A Htapa hmu ne yum ciah chang phung cu, angtäi ghin nak a gah vai ah ng’ya hlük ci. Kei naw phi, ngami cu, akhnu hnüüp ung sihnak ung kaa, ka thawh ba sak gui khai” ci ne m’thein gui ci.

JOHAN 19:35

(Shin ah a mawng gui cu nangmi naw phi nami yum tu vai ah hmu tuk ci amät naw a pyein ah kyak ci. Ani ah pyein cu hman ci, ani naw amät akcang a pyein phi hmat ci.)

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

JOHAN 10:10

M’guk ei cu, m’guk khai, ngawn khai, plawhsheh khai ah lawk ci. Kei läi cu nangmi naw ghin nak nami gah vai la ghin nak akümbe vai ah ka lawk ci.

JOHAN 5:24

Kei naw akcang ka pyein cu, “Kei ah ng’thu ngai ne, kei na tüi lawk ci, yum ciah chang cu, angtäi ghin nak gah ci. Ani ung m’khoichaa nak kä om ba khai. Ani cu sih nak näng ne ghim nak gah pyi ciah kyak ci.

LUKA 1:4

Shin cu nang naw na hmuh ng’yak man phung akcang ah küm khai ah na shüm hmat vai ah ka guk ah kyak ci nei.

MATTHE 16:16

Simon Peter naw, “Nang cu angtäi ghing ciah Khanpughi ah Htapa, Messiah ah na kyak ci,” cine pyein ci.

LUKA 24:47

Ani ah ang ming awn kat phiawn nak la ng’yu vat ba nak ah mawng cu Jerusalem ung tün ne, akho päng ung, chang pakhui avan-am m’thein gui vai nei.

MAKUH 16:16

Zum ne tuihnim nak lak ciah chang phung cu hun phiawn nak gah khai hei; kä yum tuk ciah chang phung cu shetkat nak om khai nei.

MATTHE 27:54

Bawipa Jesuh ngäng ci gui ah gabawi la gakap gui naw, shihpi a thüng la a hmün cäicat vai gui cu hmu law u ne, ang htei ah kyikyawk u netah, “Shin ah chang cu akcang ah Khanpughi ah Htapa ah kyak ci nei” cik ci gui.

LAMKTU 9:20

Ani cu pum im ah hteit neh Bawipa Jesuh cu, Khanpughi i ah htapa ah akiak ah mawng ng’thu pyein ci.

LAMKTU 8:36

Ngah ni cu hteit gäk gäk ni netah tui ah om nak ah gawk lawk ci gawi. Cun kawn ah cun nah bawi naw, “Shin yah ung tui om ci, tui kä kang hnim cang vai ah na shung shet ciah mawng a i om ne ang?” ci neh ng’shik ci.

LAMKTU 3:16

Cun ah Bawipa ah hlüng tai ciah ang ming naw shin ah shum ciah chang cu gai sak pyi ci. Tuk bäi nami hmuh lah nami hmat cu cun ah Bawipa ah ng’ming ung yum nak awn bi ah kyak ci; nami van naw nami hmuh ah mäih ah, Bawipa Jesuh ung yum nak bäng naw shin ah chang cu gai sak ciah kyak ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

SAM 2:12

Kä cun ung ani ak yaang ah m’lung she law sei, Nangmi ang ghit ah nami si lawk khai. Am lungshe nak awn ang ghit ah nami maih khai, Ani ung yii ciah chang phung cu yeikyai nak om ci nei.

SAM 2:7

Ghangpughang naw, “Bawipa ah thu m’shäk cu kei naw ka ng’shäu khai. Ani naw kei am, “Nang cu ka ning htapa nei, Tuhngawi kei cu nang ah Pa ah ka kyak ci nei.

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

1 PETER 1:9

A i ah kyasei ci ung ani nami yum nak ah a phung ah kyak ciah, hun nak cu nami m’lung ung gawk sei nami gah pyi ah hmawk ah kiak ci.

MATTHE 4:3

Cun kawn ah khoshe naw law shi netah, “Nang cu Khanpughi ah Htapa ah na kyak ung shin ah lung gui shi, m’htut ah kyak khai ah pyang ä,” cine pyen nak ci.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

LAMKTU 8:37

(Philip naw, “Nang cu nam lung kyawng avan awn Bawipa Jesuh na yum ah a kyak ung tui nang hnim vai” ci neh pyen nak ci. Cun ah bawi naw, “Bawipa Jesuh Khrit cu Khanpughi ah Htapa ah kyak ciah, kei naw ka yum ci nei” cik ci.)