JOHAN 20:29 - Cho Bible Common Language 2016

²⁹ Bawipa Jesuh naw, “Nang naw kei cu hmu netah na na yum ci, kei kä na hmuh ah na yum ci gui ah khan ah yeikyai nak be ci nei” cine pyein ci.

JOHAN 20:29 Referans Kwoze

1 PETER 1:8

Nangmi naw kä nami hmuh man ung phi Bawi Khrit cu nami m’hni ci, tuhbäi kä nami hmuh ung phi, ani cu nami yum ci. Cun ah kiasei nangmi cu ng’thu awn kä pyein hlawt vai ah lünlawi yeikyai ne nami om ci.

2 KORIN 5:7

Mi ghin nak ung yum nak cu ak tung ah kyak ci, mik awn hmuh nak cu ak tung ah kä kyak ci.

HEBRU 11:1

Yumnak cicu ngaih u nak gui akcang ah dang lawk khai, kä hmuh hning gui akcang om ci gui, ciah ngaih gep nak ah kyak ci.

HEBRU 11:27

Moses naw ghangpughang ah m’lungshe nak cu kä kyih ne, Egypt kho ungka ang düih law ba cu, a yum nak awn ah kyak ci. Ani naw mik awn kä hmuh ah Khanpughi cu hmuk ciah mäih ah hnu ah ng’hlah ba vai cu maa khenggeng ci.

LUKA 1:45

Khanpughi ah ng’thu akcang ah bä lawk khai cine, na yum ah hmawk ah nak khan ah yeikyai nak om ci nei” cine m’lau ne pyein ci.

JOHAN 4:48

Bawipa Jesuh naw, “Nangmi cu cäi aih gui vai la cäicat gui vai, kä nami hmuh ung kä nami yum ci” cine pyen na gui ci.

JOHAN 20:8

Cun kawn ah ng’cim hmun ah gawk law ma ciah ang düihpüi cun phi, khui kyong ah lut law tu ne, acun gui hmu tu netah yum ge ci.

HEBRU 11:39

Ngami cu ami yum nak awn m’hlüngtai nak gah ci gui. Cun ung phi ngami cu Khanpughi ah shaitaak kä gah tuk ci gui.

MATTHE 13:16

Nangmi ah hmawk ah a i hlawk ah yeikyai vai kyak ci ang? Nangmi cu nami mik m’dei ne nami hnga ng’lang ci.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.