JOHAN 20:26 - Cho Bible Common Language 2016

²⁶ Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

JOHAN 20:26 Referans Kwoze

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

LUKA 9:28

Cun ah ng’thu a pyein nak, ak hnüüp chih nak ung Bawipa Jesuh cu Peter, Johan, James, ni gui awn taigü vai ah khomhtung ah kai ci gui.

MATTHE 17:1

Ak hnüüp chuk nak ung Bawipa Jesuh naw, Peter ni, James la anau Johan ni cu khah püi gui ne khomhtung ah kai püi gui ci.

ISAIAH 54:10

Khomhtung, khogui gui cu pyawn khai gui, cun ung phi kei naw nangmi ka ning m’hni nak gui cu kä ng’pyi khai; Dimdeeih nak ah shai ka tak cu kei naw angtäi ah ka k’pang khai.” Ning m’hni gui ciah Bawipa Bawipa naw cun ah pyen ci.

ISAIAH 26:12

Nang naw bühmang nak na na pe gui khai nei, BAWIPA; keimi ah m’khüt näng nak phung cu, nang ah bilawk ah ng’dang nak ah kyak ci nei.

ISAIAH 27:5

Cun ung phi ka chang gui ah ami ga gui naw, kei ah shungvong nak ami m’hni al a kyak ung, kei awn dimdeeih nak bi sak gui vä. Ä, kei awn dimdeeih nak bi sak gui vä.”

MAKUH 16:14

Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

LUKA 24:36

Cun ah a mawng gui cu ang düihpüi goi naw ami m’thein tu gui yah ung, Bawipa Jesuh cu ami lung ah dang law netah, “Nangmi ung Ding gei nak om sä” cine pyein ci.

JOHAN 11:16

(Ang phi ah ming ciah) Thoma naw, “Sayapa awn a täng ah sih vai ah mi van mi hteit tuk khai” cik ne apaw gui pyen na gui ci.

JOHAN 21:1

Cun kawn ah Bawipa Jesuh cu Tiberias Tuili pei ah ang düihpüi gui ah ma ah ng’dang ba ci.

JOHAN 21:14

Bawipa Jesuh sih nak ungka a thawh ba kawn ah ang düihpüi gui ah ma ah ang dang ba cu tuhbäi awn thum vei lawk ci.

LAMKTU 1:3

Ani cu asih kawn ah hnüp phlikip ah kyawng ung ang düihpüi gui ah ma ah akda vei ng’dang ba neh a ghin ba ah mawng cu ak cang ah m’dang shüt ci. Ang düihpüi gui naw ani cu hmuk ci gui, ani naw phi Khanpughi ah uknak khaw ah mawng cu m’theithang gui ci.