JOHAN 20:25 - Cho Bible Common Language 2016

²⁵ Cun ah kyasei apaw gui naw, “Bawipa kami hmu ba pyi ci nei” cine m’thein tuk ci gui. Thomas naw, “Akut ung ami khen nak ah hnün kä ka hmuh ung a kut awn ami khen nak ah ng’gai kä ka m’tham shüm ung, am’hnaak ka kut awn kä ka m’tham shüm ung, kä ka yum khai nei” cik ci.

JOHAN 20:25 Referans Kwoze

JOHAN 6:30

Cun ah chang gui naw, “Keimi naw hmu u netah, kami ning yum nak hning vai ah, a i cäi aih vai gui ang nam dang kaw?

MAKUH 16:11

Cun ah kyasei Bawipa Jesuh ghing ne a om la Mari naw a hmuh ah mawng ng’ya u ne phi kä yum ci gui.

HEBRU 3:18

Khanpughi naw shaita ne ak phyun nak gui ung, “Häi ne düm nak vai ah kei naw ka peit gui ah kholei ung, ngami cu a ngawi ah phi kä lut tuk khai gui,” a ci nak gui cu a u gui ang? A ni ng’küükneet püi ciah chang gui a pyein ah kä kya ne ang?

HEBRU 3:12

Zum ciah ka phäi nau gui, ghing ciah Khanpughi nawng nak vai amawng ah am lung kiong shekhak ciah chang, nangmi ung kä om en khai ah nami geing nak vai nei.

JOHAN 21:7

Cun kawn ah Bawipa Jesuh ah a hnu ah ang düihpüi naw, “Mik mi ah Bawipa nei” cine Peter-am m’thein ci. Peter cu cun ang yak vai-am akhtu suut ne akhei k’htün netah tui ung yung phäi ci.

JOHAN 1:41

Andrew naw anau Simon hmu netah, “Messiah ni hmu pyi ci nei” cik ci. (Messiah cu Chrit ah kyak ci.)

LUKA 24:25

Cun kawn ah Bawipa Jesuh naw, “Profet gui ah pyein man gui yum vai ah, shokshü aih ciah chang k’ang gui aw,

MATTHE 27:42

“Shin ah chang cu, chang hei lä k’phiawn hning ci, amät läi kä k’phiawn hning ne maw, ani cu Israel ghangpughang ah kä kya ne ma, kutlamtung ungka a tuhbäi a kyum law ba ung keimi naw kami yum khai nei.

SAM 78:32

Shin ah amawng gui om pang sei phi chang gui cu akshe bik ci gui; cäi aih vai gui m’dang pang sei phi ani ung kä ng’ap ci gui.

JOB 9:16

Cun tu pang ung phi avaisü ah ana ng’thu tu sak ung phi, ka pyen na ngaih pe khai ah kä ka ngai hlawt ci.

SAM 22:16

Changshe gui naw na koi u ne, ui ah mäih ah ng’na ne, ka kut kho ung na htui ci gui nei.

MAKUH 16:13

Ngani naw a hei ang düihpüi gui ah ma ah hteit ba ne a cun ah mawng cu pyein ci goi, cun ung phi ngami naw kä yum ci gui.

MAKUH 16:14

Cun kawn ah ang düihpüi chang sing gha-lei-ät naw ei vai ne ami ei yah ung, Bawipa Jesuh cu ami ma ah ng’dang lawk ci. Ngami cu ami yum nak kä a om ah hmawk la Bawipa Jesuh sih nak ungka a thawh ba kawn ah Bawipa Jesuh hmuk ciah chang gui ah ami pyein cu kä ami yum nak hning ah hmawk ah yüi gui ne m’cäi gui ci.

JOHAN 20:27

Cun kawn ah, Thomas-am, “Na kut awn shin ung nam tham ä, ka kut phi na teng ä, na kut k’phiaat ne kam hnaak cu nam tham shüm ä, a i ni mä, ciah kä ngai ne yum ä” ci nak ci.