JOHAN 20:22 - Cho Bible Common Language 2016

²² Cun kawn ah Bawipa Jesuh naw ami khan ah phyuh theh netah, “Mumcha Theing cu dou vä,

JOHAN 20:22 Referans Kwoze

JOB 33:4

Khanpughi ah mümcha naw na pyang tham ne ghin nak na pek ci nei.

ATÜNNAK 2:7

Cun kawn ah Bawipa Khanpughi naw m’dek cu la ne chang ah pyang neta, a hngakhawng hnun ghin nak cu yuk muut khäta, ani cu chang ghing ah kya lawk ci.

LAMKTU 19:2

“Nangmi cu yum ciah nami kyak awn ah Mumcha Theing cu nami gah pyi ne ang?” cine ng’shi gui ci. Ngami naw, “Mumcha Theing a om ah mawng phi kä kami ng’ya tu man ci nei” cik ci gui.

LAMKTU 8:15

Ngahni gawk law ni netah yum ciah chang gui naw Mumcha Theing ami gah vai ah taigü pe gui ci gawi.

LAMKTU 2:38

Peter naw, “nang mi ak chang sing cu, nami katnak ung ka nami ng’yu ba vai, Bawipa Jesuh Khrih ah ming awn tui nami hnim vai, cun ung nami katnak cu ning m’gein gui seih, nang mi naw Khanpughi ah Mumcha Theing cu nami gah khai.

EZEKIEL 37:9

Khanpughi naw na pyen nak ci, “Hnicim chang, khokhi ah khan ah cängbang ä. Khokhi am m’thein ä, uktu Bawipa naw thumkhän ci, akit päng ung khokhi ne, shin ah aksi pumsa gui cu ng’ghi sak ne, ghin sak gui ä.”

SAM 33:6

Bawipa naw khankho cu ang thumkhän awn tüisho ci, Hni, cha, aisi gui phi ang thu awn tüisho ci.

LAMKTU 2:4

Ngah mi cu Mumcha Theing awn küm be u ne tah, Mumcha Theing ah ng’thu m’sak gui ah ng’thu a hei hei awn ng’thu pyän ci gui.

JOHAN 7:39

Cun yah ung Bawipa Jesuh cu a hlüngtai nak kä dang phak ciah kya sei, yum ciah chang gui-am Mumcha theing phi kä ap gui hning phak ciah kyak ci. Cun ah kyasei yum ci gui ah gha law vai ah Mumcha Theing cu pyein ne ang ng’shäu ah kyak ci.

KALATIAN 3:2

Khanpughi ah Mumcha nami gah nak cu, thukhän nami läk nak awn ang? Kä cun ung Thu Ni ngai ne nami yum nak awn ang? m’hlan ne nami pyein vai nei!

LAMKTU 4:8

Cun ah kiah khä tah Peter naw, Mumcha Theing awn be ne tah, “Chang guiah ami ng’vai gui lah a gham gui aw,

LAMKTU 10:47

Cun kawn ah Peter naw, “Shin ah chang gui cu mikmi ah mäih ah Mumcha Theing gah ci gui ah kya ci, cun ah kyasei tui ami hnim vai cu a u naw maa nah gui hning khai ang?” cine pyein ci.

JOHAN 15:26

Khanpughi ah mawng cacim awn dang sak ciah, ning m’htei gui ciah Mumcha Theing cu lawk khai, ani cu Kapa ungka lawk ciah kyak ci, kei naw Kapa ungka ani cu ka tüi lawk khai, ani naw kei ah mawng thu pyein khai.

JOHAN 14:16

Kei naw Kapa ah kang yoih ung, Kapa cu nangmi awn a täng ah om ne nangmi ning m’htei gui khai cu tüi law hnga khai. Ani cu Khanpughi ah a mawng cacim awn m’dang ciah Mumcha Theing ah kya ci.

JOHAN 16:7

Cun ung phi kei akcang ka pyein cu, kei ka hteh law ung nangmi ah hmawk ah ni pi khai. Kei kä ka hteh ung ning m’htei gui khai cu kä lawk khai. Kei ka hteh ung vah cun ah Mumcha Theing cu ka ning tüih law gui khai.

JOHAN 20:21

Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

JOHAN 20:23

Nangmi naw chang gui ah katnak cu nami m’gein ung, ngami cu phyawng khai gui; nangmi naw kä nami m’gein ung ngami naw phiawn nak kä gah khai gui.