JOHAN 20:21 - Cho Bible Common Language 2016

²¹ Bawipa Jesuh naw, “Nami khan ah ding gei nak om sä, Kapa naw kei ana tüih law ah mäih ah, kei naw nangmi cu ka ning tüi gui ci nei” cik ci.

JOHAN 20:21 Referans Kwoze

JOHAN 13:20

Kei naw akcang ka pyein cu, “Kei ah tüih law dou cicu kei na dou ciah kyak ci, kei na dou cicu kei na tüi lawk ci dou ciah kiak ci” cine m’thein gui ci.

JOHAN 3:17

Khanpughi naw A Htapa am kyum law cu, khomdek khan ah kat nak m’kat khai ah kä kyak ci, hun phiawn nak pek khai ah kyak ci.

LAMKTU 1:8

Cun ung phi na mi khan ah Mumcha Theing a kyum law ah a kyak ung, nang mi cu hlüng tai nak awn nami be khai. Cun kawn ah nang mi cu Jerusalem, Judea, Samaria lah khaw cawi ah khüt neh kei ah mawng pyein ciah saksi ah nami kyak khai” ci neh kyak na gui ci.

2 TIMOTHI 2:2

Saksi gui akda ah ma ah kei naw ka ng’shäu ah m’theithang nak gui cu, nang naw na ng’ya pyi ci nei, cun cu la netah, chang hei gui m’theithang tu ba hning khai ah ngaih gep ah chang gui am, nam thei tu ba gui vai nei.

MATTHE 10:40

‘Nangmi ning dou gui cicu kei na dou ciah kyak ci.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

JOHAN 14:27

“Kei naw dimdeeih nak ka ning nawng pe gui shüt ci, kei ah dimdeeih nak nangmi am ka ning pe gui ci. M’dek chang gui ah peit ah mäih ah ka ning peit gui ah kä kyak ci, kä ng’ä ai vä, kä kyikyawk vä.

HEBRU 3:1

Khanpughi naw a khü gui ah khritha phäunau gui aw, ngai shüm vä! Bawipa Jesuh Mi yum nak ung Taigü Tung ah kyak khai ah Khanpughi naw a tüih law ah kyak ci nei.

JOHAN 20:19

Hnüüp ät hnüüp mühun ah ang düihpüi gui cu, Jew chang vai gui kyih u netah, kyong ah shoh khai ne om ci gui. Cun sang ung Bawipa Jesuh cu ami ma ng’lung ah ng’düi law netah, “Nami khan ah ding gei nak om sä” cik ci.

LUKA 24:36

Cun ah a mawng gui cu ang düihpüi goi naw ami m’thein tu gui yah ung, Bawipa Jesuh cu ami lung ah dang law netah, “Nangmi ung Ding gei nak om sä” cine pyein ci.

JOHAN 20:22

Cun kawn ah Bawipa Jesuh naw ami khan ah phyuh theh netah, “Mumcha Theing cu dou vä,

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

LAMKTU 1:2

Khankho ah akai ba ung khüt ciah kya ci. Cun ah kä ah kai pha ung a ghü gui ah ang düihpüi gui cu Mumcha Theing awn lam shüm gui shüt ci.

3 JOHAN 1:14

Kei cu kä shou pha sei gawk law ngäh sei, nangmi awn ng’hmuh ne mi ng’thu khai ah ka ngai ci nei.