JOHAN 20:20 - Cho Bible Common Language 2016

²⁰ Cun kawn ah a kut m’yaa la am hnaak cu ang düihpüi gui-am m’hnuh gui ci. Ang düihpüi gui naw Bawipa cu hmu netah ang htei ah yai ci gui.

JOHAN 20:20 Referans Kwoze

JOHAN 16:22

Nangmi tuhbäi nami thüisei ci, cun ung phi kei awn mi ng’hmu ba mä khai kyasei nami m’lung cu yeikyai nak awn be khai, cun ah yeikyai nak cu hnicim chang naw kä m’shet hlawt khai.

1 JOHAN 1:1

Ghin nak ah Thu ah mawng ca kami ning guk lawk ci, cun ah Thu cu ak htük ge ung om ciah kyak ci. Cun ah Thu cu mi ng’yak ci, mi mik awn mi hmuk ci, mi kut awn mi tawn ci.

JOHAN 20:27

Cun kawn ah, Thomas-am, “Na kut awn shin ung nam tham ä, ka kut phi na teng ä, na kut k’phiaat ne kam hnaak cu nam tham shüm ä, a i ni mä, ciah kä ngai ne yum ä” ci nak ci.

JOHAN 16:20

Kei naw akcang ka pyein cu, “Nangmi nami thüi kyap khai, khomdek chang gui yeikyai khai gui. Nangmi nami thüi sei khai cun ung phi nami thüisei nak cu yeikyai nak ah ng’lat yawp khai.

JOHAN 19:34

Cun ung phi gakap tumat naw Bawipa Jesuh ah am hnaak cu k’htei awn shun khätah, acun vai-am si la tui cu lut lawk ci.

MATTHE 28:8

Cun ah hnumi gui cu ami kyihkyawk pang ung phi ang htei ah yeikyai u ne, acun gui cu ang düihpüi gui-am m’thein ba khai gui ah dawng ba ci gui.

JOHAN 20:25

Cun ah kyasei apaw gui naw, “Bawipa kami hmu ba pyi ci nei” cine m’thein tuk ci gui. Thomas naw, “Akut ung ami khen nak ah hnün kä ka hmuh ung a kut awn ami khen nak ah ng’gai kä ka m’tham shüm ung, am’hnaak ka kut awn kä ka m’tham shüm ung, kä ka yum khai nei” cik ci.