JOHAN 20:2 - Cho Bible Common Language 2016

² Ani cu Simon Peter la Bawipa Jesuh naw am hni pi ah ang düihpüi ah om nak ah dawng ba netah, “Chang gui naw Bawipa cu, phuh hmun ungka lak ci gui nei, a hawi ami tha kä hmat nei” cine m’thein gui ci.

JOHAN 20:2 Referans Kwoze

JOHAN 13:23

Cun yah ung Bawipa Jesuh ah am hni pi ah ang düihpüi chang tumat cu akpat lam ah ngok ci.

JOHAN 20:13

Khankho chang goi naw, “Hnumi hta awi, a i ah kyasei na kyah ang?” cine ng’shik ci goi. Mari naw, “Chang gui naw kapa cu hteh püi ci gui, a hawi ami tha kä ka hmat ci nei” cine pyein ci.

JOHAN 21:24

Shin ah a mawng gui pyein ne gu ne m’dang cicu ani ah kyak ci. Ani ah pyein gui küm ciah mikmi naw mi hmat ci.

JOHAN 21:7

Cun kawn ah Bawipa Jesuh ah a hnu ah ang düihpüi naw, “Mik mi ah Bawipa nei” cine Peter-am m’thein ci. Peter cu cun ang yak vai-am akhtu suut ne akhei k’htün netah tui ung yung phäi ci.

JOHAN 19:26

Bawipa Jesuh naw anu la a nau ah pei ah am hni ah ang düihpüi tumat cu ng’düi sei hmuk ci. Cun ah kyasei, Bawipa Jesuh naw anu-am, “nu awi, shin cu nang ah hta nei” cik ci.

JOHAN 21:20

Peter cu mang shüi shüi netah, akhnu ah Bawipa Jesuh naw, am hni ah ang düihpüi tumat cu hmuk ci. Ani cu mü-ei ami ei yah ung, “Bawipa, ga ah kut ung nang ning ap khai cu, a u ang?” cine ng’shik ciah chang ah kyak ci.

JOHAN 20:15

Cun ung phi Bawipa Jesuh bä ah kä hmat ci. Bawipa Jesuh naw, “Hnumi hta awi, a i ah kyasei na kyah ang? A u ang na shui?” cine ng’shik ci. Mari naw, ani cu lo-cham ngäng ciah ngai netah, “Sayapa, Bawipa ah a gook cu nang naw na laak ah a kyak ung, a hawi na tha cu nam thein ä, hteit ne ka la ba khai” cine pyein ci.

JOHAN 20:9

(Ani cu sih nak ungka tho ba khai, ciah cacim ung om ci cu, cun güt ung ngani naw kä shüm ba ci goi.)