JOHAN 20:16 - Cho Bible Common Language 2016

¹⁶ Bawipa Jesuh naw, “Mari” cine khü khätah, Mari cu vang hlat ne, “Rabboni” cine pyein ci. (Hebrew thu Rabboni cu “Saya” ciah kyak ci.)

JOHAN 20:16 Referans Kwoze

JOHAN 10:3

M’kawt ngäng naw htoshäm-am m’kawt hmawn pek ci. Hto gui naw, htoshäm ah k’aw ngai ci gui. Ani naw hto gui ami ming ung khü gui ne khahpüi gui ci.

JOHAN 1:38

Bawipa Jesuh naw ani läk law hmu goi netah, “A i na ni shui ci ang?” cine ng’shi goi ci. Ngani naw, “Rabbi, a hawi na om ci ang?” cine ng’shik ci goi.

LAMKTU 10:3

Kho k’awi ät nayi thum akhin ung Khanpughi ah khankho chang cu kyum law ne, “Konelius” cine khü sei hmu ng’yak ci.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

JOHAN 6:25

Chang gui naw Bawipa Jesuh cu tui vang gaa täng ah hmu ba u netah, “Sayapa, a i yah ung shin gaa ah na gawk law ba ci-ang?” ci ne ng’shik ci gui.

ISAIAH 43:1

Israel gui aw, nangmi ning tüisho gui ciah Bawipa naw pyen ci nei, “Kä kyi en vä, kei naw ka ning hun gui khai nei. Kei naw nangmi ung ka ning khü gui khai nei. Nangmi cu ka ning chang gui nei.

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

JOHAN 20:28

Thomas naw, “Ka Bawipa La Ka Khanpughi ah na kyak ci nei” cine pyein ci.

JOHAN 13:13

“Nangmi naw kei-am, ‘Saya awi, Bawipa awi’ cine nami na khü ci. Acun ah ka kyak ci kyasei, acun ah nami na khü cu nik ci.

JOHAN 11:28

Cun kawn ah Mahta cu im ah hteit ba ne a nau Mari cu va khü ba netah, “Bawipa Lawk ci, nang ah mawng phi na ng’shik ci,” cik ci.

JOHAN 5:2

Jerusalem pigaw hto m’kawt pei ah ng’phoh hma ah ami ng’vong ah tuili tumat om ci. Cun cu Hebru ng’thu awn ‘Bethyatha’ ah pyein ci gui.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

LUKA 10:41

Bawipa Jesuh naw, “Mahta, Mahta, nang cu bilawh gui vai ah nang ä aih ci, nang ung hlü ci tumat om ci.

MATTHE 14:27

Acun vai-am Bawipa Jesuh naw, “Kä cäicat vä, kei nei, kä kyikyawk vä,” cine pyen na gui ci.

SOLOMON NG’Ä~ 5:2

Kei ka ih yah ung ka m’lung cu ng’shüm ci nei. Ka m’hni naw shoh khäk law sei ka ng’mang nak ci. Kei cu na luh sak ä, ka m’hni aw, tuihlim ciah ka m’lung, ka müm kha aw. Kei ah ka lu cu damtui naw ng’shüi ci nei, ka lusam cu goh tui awn vai ci nei.

SOLOMON NG’Ä~ 3:4

Ngami ka hteh tak gui vai am ani cu ka hmuk ci. Kei naw ani cu pang ne kä ka hteh ba sak ci ka nu ah im ka ng’tüi nak ah akhan kyong güt ah ka hteh püi ci.

1 SAMUEL 3:10

Bawipa cu law ne ng’düi ne ta, “Samuel, Samuel!” ciah a ci ta a khü ah mäih ah khü ba ci, Samuel naw, “Pyen ä, na changshäm naw ka ngai ci nei” cik ci.

1 SAMUEL 3:6

Bawipa naw Samuel cu khü ba mä ci. Ak hmaw naw khü cicu Bawipa bä ah kä hmat ci, a i ah kyasei ci ung, kä cun pha ung ani cu Bawipa naw kä ng’htau püi man ci. Cun ah kyasei, ani tho law ne, Eli ah hteit ne, “Nang na na khü ci, shin ung ka om ci nei” cik ci. Eli naw, “Kä ka ning khü ci, ka hta na ih nak ah hteit ba ä” cik ci.

PHYAWN NAK 33:17

Bawipa naw Moses am, “Tuhbäi nak thäh ah mäih ah kei naw ka bik khai nei. Kei naw nang cu akni ah ka ning hmat ci, nang ah khan ah ka yeikyai ci nei” cik ci.

PHYAWN NAK 3:4

Bawipa naw Moses ang et law cu hmu neta, Pluup ah ng’lung ah om ne khü ci, “Moses! Moses!” Moses naw, “äi, shi ah ka om ci nei” cik ci.

ATÜNNAK 45:12

Tuhbäi Benjamin la nami van naw Joseph akcang ah ka kyak ciah nami na hmuk ci.

ATÜNNAK 22:1

Cun kawn ah Khanpughi naw Abraham cu am nüm vai ah, “Abraham” cine khü ci. Abraham naw, “Abraham naw, “äi, ka om ci nei” cik ci.

MAKUH 10:51

Bawipa Jesuh naw, “Nang ah phäh ah a i ka ning bi peit vai ang nang yak hlü” ci ne ng’shik ci. A mik m’dauh ciah chang naw, “Bawipa, ka mik nam dei ba sak ä” cine pyein ci.