JOHAN 20:15 - Cho Bible Common Language 2016

¹⁵ Cun ung phi Bawipa Jesuh bä ah kä hmat ci. Bawipa Jesuh naw, “Hnumi hta awi, a i ah kyasei na kyah ang? A u ang na shui?” cine ng’shik ci. Mari naw, ani cu lo-cham ngäng ciah ngai netah, “Sayapa, Bawipa ah a gook cu nang naw na laak ah a kyak ung, a hawi na tha cu nam thein ä, hteit ne ka la ba khai” cine pyein ci.

JOHAN 20:15 Referans Kwoze

JOHAN 20:13

Khankho chang goi naw, “Hnumi hta awi, a i ah kyasei na kyah ang?” cine ng’shik ci goi. Mari naw, “Chang gui naw kapa cu hteh püi ci gui, a hawi ami tha kä ka hmat ci nei” cine pyein ci.

JOHAN 18:7

Bawipa Jesuh naw, “A u nei nami shui” cine ng’shi ba gui mä ci. Ngami naw, “Nazareth Jesuh nei” cine pyein ba ci gui.

JOHAN 1:38

Bawipa Jesuh naw ani läk law hmu goi netah, “A i na ni shui ci ang?” cine ng’shi goi ci. Ngani naw, “Rabbi, a hawi na om ci ang?” cine ng’shik ci goi.

MAKUH 16:6

Cun ah chang naw, “Kä kyikyawk vä, nangmi naw kutlamtung ung tai ne nami ngawn ah Nazaret chang Jesuh cu nami shui ciah kä kya ne ang? Ani shin ung kä om ba ci nei, sih nak ungka tho ba pyi ci nei. Teng shüm vä, shin cu ani ah a gook phuh nak te ah kyak ci nei.

MATTHE 28:5

Khankho chang naw hnumi gui-am, “Kä kyikyawk vä, kutlamtung ung tai ne, ami ngawn ah Jesuh cu nami shui ciah ka ning hmat gui ci nei.

SOLOMON NG’Ä~ 3:2

Kei naw mang gaw pum ung ng’vaak ne, lam cawh lam hta gui yung ah, kei naw ka m’hni tumat cu ka shui ci. Kei naw ka shui ci, cun ung phi kä ka hmuk ci.

1 SAMUEL 1:16

Hnumi i baw düt ah kä na ngai en ä. Kei shin ah mäih ah ka taigü ci, a i ah kyasei ci ung, kei ka thüi aih ci.

JOHAN 18:4

Bawipa Jesuh naw, amät ah khan ah gawk lawk khai gui avan cu hmat pyi netah, ami ma ah vang phäi ne, “A u ang nami shui” ci ne ng’shi gui ci.

LUKA 24:5

Cun ah hnumi gui cu kyi ne kawp u khätah, cun ah chang goi naw, “A i ah kyasei ghing ne om cicu aksi ah om nak ah nami shui ang?

MATTHE 12:34

K’pyu m’äm mah gui, nangmi cu changshe ah nami kyak ci kya ne, a i hawk chaa ah ak ni ah nami ng’thu hlawt khai aw? M’lung kyong ah be ne om cicu m’gawngshai ung ng’thu ah lut lawk ci.

SOLOMON NG’Ä~ 6:1

Kiom pikbäih ciah hnumi, Na m’hni ah chang cu a hawi ang a hteh? Na m’hni ah chang a i lam ung a hteh cu na m’thein gui ä, cun ung ani shui vai ah kami ning bawm hning khai nei.

LUKA 2:44

Chang gui ah ng’lung ah hteit tuk ciah ngai ci goi. Hnüüp ät mü ne hteit u netah, ami mätyah teihpüi gui ah ng’lung ah shui ba ci goi.