JOHAN 20:1 - Cho Bible Common Language 2016

¹ Hnüüp chih ung ak hnüüp ät hnüüp, kho ngawi hta ah kho thai ghi ghi sei, Mari Makadalen cu ng’cim hmun ah hteit netah, khui m’kawt ami khai nak ah lung cu ng’hmawng sei hmuk ci.

JOHAN 20:1 Referans Kwoze

MAKUH 16:9

Ng’len hnüüp khongawi htasiik ah Bawipa Jesuh cu sih nak ungka a thawh ba kawn ah Mari Makdalene ah ma ah ng’dang ba ma ci. Ani cu khoshe pachih naw kai sei Bawipa Jesuh naw ak täm peit te ah chang ah kyak ci. Hnumi gui cu Peter la apaw gui ah om nak ah hteit u netah, ami hmuh ng’yak gui phung cu avan m’thein gui ci gui.

MATTHE 27:60

Cun kawn ah kä shou phak ciah lung kheng ami shawk ah amät ah ng’cim hmun khui ung chum ne phuh netah, khui m’kawt cu lungnu tumat k’täng ne khai shüt netah hteit ba ci.

MAKUH 15:46

Josef naw Bawipa Jesuh ah a gook cu kutlamtung ung kaa, chang ba netah yih bawk awn hlawp ne k’tom ci. Cun kawn ah lung ami shawk ah ng’cim hmun khui ung k’phuh netah, khui m’kawt cu lungnu m’hlat ne khai shüt ci.

JOHAN 20:26

Cun kawn ah ak hnüüp cheit hnüüp ung ang düihpüi gui cu, kyong ah shoh khai ne ng’bum ba ci gui. Acun ung Thomas cun phi om tuk ci. Cun yah ung Bawipa Jesuh cu ami ng’lung ah ng’düi law netah, “Nami khan ah ding gei nak om sä” cik ci.

JOHAN 19:25

Cun yah ung Bawipa Jesuh ah anu la anu ah anau ni, Clopas ah k’chu Mari la Mari Makdalin ni gui cu Bawipa Jesuh ah kutlamtung pei ah ng’düi ci gui.

THU PHLAAN 1:10

Bawipa khawihnah nak hnüüp ung Mumcha cu kei ah khan ah kyum law khätah, k’phyungheng tum ah mäih ah ng’thu k’aw cu ka hnu lam ah ng’shan law sei ka ng’yak ci.

MATTHE 27:64

Cun ah kyasei a hnüüp thum ung khüt khai ah ng’cim hmun cu akni ah khai ne, ami ngäng vai ah k’bäi gui ä, Kä cun ung ak chang gui naw a gook cu m’gu u netah, sih nak ungka tho ba ci nei cine, chang gui-am m’thein khai gui nei. Cun ung ak hnu ah hleeihlak nak cu ak htük ah tah shekha law pi khai nei,” cine vah pyein ci.

1 KORIN 16:2

Kei ka gawk law ung ngui loh vai kä hlü khai ah, pum hnüüp päng ung, ak chang sing naw nami mät ah khawh gah a ciah, pe u ne, nami na m’cun vai nei.

LAMKTU 20:7

Hnüüp chih hnüüp ung keimi cu vunvai ne ei auk vai ah kami ng’bum ci. Paul cu a ngawi ung hteit law ba khai ah kya netah cu mü kho cawih ung khüt sei thu pyein ne m’thei thang gui ci.

MATTHE 27:56

Cun gui cu Mari Magdalene, James la Josef ah anu Mari la Zebedee ah chu ni gui ah kyak ci.

MATTHE 27:66

Cun ah kyasei ngami cu ng’cim hmun ah hteit u netah, Khai nak ah lung cu, ca gei ne m’hnüt ne, phuh hmun m’kawt cu khäng htek khai ah khai ci gui. Cu kawn ah gakap gui-am ngäng sak ci gui.

MATTHE 28:1

Kyin hnüüp ah ngawi ung ng’leen hnüüp kho thai ghi ghi sei, Mari Magdalene la a hei Mari cu ng’cim hmun ah hteit ci goi.

MATTHE 28:2

Cun yah ung shihpi ak tung ah thüng lawk ci. Khanpughi ah khankho chang cu khankho ah kaa kyum law ne, phuh hmun khui m’kawt khai nak ah lungnu cu lat netah, ak khan ah ngok ci.

JOHAN 11:38

Bawipa Jesuh cu ang htei ah ayä aih netah, ng’ciim hmun ah hteit ci.

JOHAN 11:41

Cun ah kyasei chang gui naw, lung cu m’hnawn ci gui. Cun kawn ah Bawipa Jesuh naw, khankho dang netah “Kapa, ka taigü na ngaih pek ci sei, ka yeikyai ci nei;