JOHAN 2:25 - Cho Bible Common Language 2016

²⁵ Ani naw ngami ah m’lung ngaih hmat gui yawp ci kya ne, ngami ah mawng cu a u naw am thein vai kä hlü ci.

JOHAN 2:25 Referans Kwoze

JOHAN 13:11

(Bawipa Jesuh naw gaa ah kut ung ap khai ah chang cu hmat pyi ciah kya netah, tumat ah kawn ah nami van nami theing pyi ci nei’ aciah kyak ci.)

MATTHE 9:4

Bawipa Jesuh naw, ngami ah ngaih cu hmat netah, “Nangmi a i ah kiasei cän ah akshe ah nami ngaih-tüh ang?

JOHAN 6:64

Cun ung phi nangmi ungka amshah naw kä yum ci” cine kyak na gui ci. (Kä yum tuk ciah chang gui la ga ah kut ung ap khai ah chang cu Bawipa Jesuh naw akhtük ge ung hmat ci.)

JOHAN 6:61

Cun ah ami ngaih khit cu a u naw kä am thein ah, Bawipa Jesuh naw hmat netah, “Shin ah ng’thu ah hmawk ah nami m’lungk’si ne ma?

THULÄÄN NAK 31:21

Cun kawn ah kyih vai ah leigai akda ami khan ah gawk lawk khai. Cun ung phi shin ah ng’äi cu m’cu lä khai gui, a cun cu ngami hnu ng’tuk gui ne saksi ah ng’düi khai. Tuhbäi pang phi, kei naw ka pek gui vai ah ka shai tak nak ah khaw ung kä ka hteh püi gui pha ung, ngami naw a i ngaihtüh ci gui cicu kei naw ka hmat ci.”

1 GHANGPUGHANG GUI 8:39

ami taigü cu ngaih pe gui ä. Khankho na im ah ka naw ngami cu ngai gui ä, m’geinsei gui ä, m’hteihtang gui ä. Nang bäng naw vah hnicim chang ah m’lung ngaih cu na hmat ci. Chang päng cu amät ah om ah ciah om püi ä,

ISAIAH 11:3

Ani ngaih nak awn yeikyai nak gah khai. Ani naw a hmuh düt ang yak düt awn kä m’khoi m’cha khai.

JOHAN 1:42

Cun kawn ah Simon cu Bawipa Jesuh ah om nak ah hteh püi ci. Bawipa Jesuh naw, Simon cu hmu law netah, “Nang cu Johan ah hta Simon ah na kyak ci, Cun ung phi tuhbäi ung tün ne, Cephasa (cun cu Peter, ci la lungnu ciah kyak ci) na ming nak khai” cik ci.

JOHAN 1:47

Bawipa Jesuh naw Nahtanelah a law hmu netah, “Ani cu, Israel chang akcang ah kyak ci nei, ani ung hleeihlak nak kä om ci nei” cik ci.