JOHAN 2:2 - Cho Bible Common Language 2016

² A cu ah Bawipa Jesuh ah nu cu om tuk ci. Bawipa Jesuh la angdüihpüi gui cun phi hta m’um nak ah khü tu gui ci gui.

JOHAN 2:2 Referans Kwoze

KOLOSE 3:17

Nami bi nüng nami ng’thu nüng cu Bawipa Jesuh ah ming awn nami bi vai, Cun cu ani ah ming awn Pa Khanpughi nami m’hlüngtai ah kia ci.

1 KORIN 7:39

Ceimah ciah hnumi cu acei a ghin yah ah chuih khihpawn nak om ci; Cun ung phi acei a sih kawn ah a u pami phi amät ah m’hni cei na tuba hning ci, acei tuba cu khriatian bäbä ah a kyak nai.

HEBRU 13:4

Chungla nak cu chang avan naw a htingling ah ang ngaih vai nei, Chu la cei cu tumat la tumat bekhüt ne ani om vai. Khanpughi naw cheishoh ci la hlawhlang ciah chang gui cu yuk m’khoichaa gui khai nei.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

MATTHE 25:45

Cun kawn ung ghangpughang naw, ‘Kei naw akcang ka pyein cu shin ah chang gui ungka ak yoken pi ah chang käm hteihtang ne nami om phung cu, kei kä nam hteihtang ne nami om ah kyak ci’ cine kyak na gui khai.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 12:19

Ani naw a i kä ng’cuh tuk khai, käm lau ng’pyang khai, Lam yung ah phi ak’aw m’can ne ng’thu a pyein nak kä om khai.

THU PHLAAN 3:20

Ngai ä! Kei cu m’kawt ung ng’düi ne shoh ka khäk ci, kei ah k’aw ng’ya ne shoh ak hmawng ciah im ung, kei cu va lut ngä sei, ani awn a täng ah kani ei awk khai, ani phi kei awn a täng ah ei awk khai.

JOHAN 2:3

Hta m’cüüm nak sapyit tui ng’pyi khätah, Bawipa Jesuh anu naw, “Ami sapyit tui ng’pyi ci nei” cine Bawipa Jesuh-am m’thein ci.

JOHAN 2:12

Cun kawn ah Bawipa Jesuh cu, anu ni, anau gui ni, angdüihpüi ni awn, a täng ah Kapernaum gawnu ah hteit ne, hnüüp goi thum om tuk ci gui.

JOHAN 2:17

Cun kawn ah ang düihpüi gui naw, Ka taigü nak Khanpughi ah im theing ah hmawk ah, kamlung kyong cu mei cang ah mäih ah ng’ling aih ci” ciah cacim cu shüm ba ci gui.

JOHAN 2:22

Cun ah kyasei angdüihpüi gui naw, Bawipa Jesuh sih nak ungka a thawh ba kawn ah, Bawipa Jesuh ah pyein gui ah thu m’kha la cacim cu shüm ba u netah yum law pi ci gui.

JOHAN 3:22

Cun kawn ah Bawipa Jesuh cu ang düipüi gui awn a täng ah Judea kho pigaw gui yung ah hteit u ne yum ci gui cu tuihnim nak pe ne om ci gui.

JOHAN 4:2

(Akcang ah Bawipa Jesuh amät naw tuihnim nak kä pek ci, ang düihpüi gui bäng naw pek ci gui.)

JOHAN 4:8

(Cun yah ung ang düihpüi gui cu pigaw ah ei vai khleih yah ci gui.)

JOHAN 4:33

Cun ci khätah ang düihpüi gui cu, “A u naw bawh ei vai thak law pyi sei ang? cine ami mät ng’thu ci gui.

JOHAN 6:8

Ang düihpüi tumat Siomn Peter ah anau Andrew naw,

JOHAN 6:12

Chang avan naw ami phü ciah ei ci gui. Chang avan naw ei ne ami phü kawn ah Bawipa Jesuh naw ang düihpüi gui-am, “Ami ei pawih gui käng theh-en khai ah m’dawn ne gim ba vä” cine kyak na gui ci.

JOHAN 6:16

Mühun lam ah Bawipa Jesuh ah ang düihpüi gui cu, Kalile tuili ah yu kyum ba u ne,

JOHAN 6:60

A hnu ah läk ci gui ah chang akda naw, shin ah ng’thu gui cu ng’ya u netah, “Shin ah am theithang gui cu ghaat aih ci, a u naw läk m’khüt khai ang?” cik ci gui.

JOHAN 6:66

Cun ung tün ne Bawipa Jesuh ah angkhah püi gui akda cu kängläk tu ba ne ng’hlat ba shüt ci gui.

JOHAN 6:67

Cun ah kyasei Bawipa Jesuh naw, angdüihpüi chang gha-li-goi am, “Nangmi mä, kei ah hnu ah nami na läk nak ungka nami ng’hlat ba hlük ci ang?” cine ng’shi gui ci.

JOHAN 6:70

Bawipa Jesuh naw, “Kei naw chang gha-lei-goi ka ning ghü gui ciah kä kya ne ang? Cun ung phi nangmi ungka chang tumat cu, khoshe ah kyak ci nei” cine pyen na gui ci.

JOHAN 6:71

Simon Iskariot ah hta Judas cu, angdüihpüi gha-lei-goi ung kaa ah kya tu pang ne phi, Bawipa Jesuh cu gaa ah kut ung ap khai ah chang ah kya khätah, cun ah a pyein ah kyak ci.

JOHAN 7:3

Cun ah kyasei Bawipa Jesuh ah anau gui naw, “Nang ah bilawh gui cu ning läk lawk ciah chang gui naw, ami hmuhmat tu vai ah shin ungka pawng ne, Judea kho ah hteit baä,

LAMKTU 11:26

Ani cu hmuh netah Antiok khaw ah law sei, ngami cu a khokum pum khrithabum gui awn ng’hmuh u ne, chang akda cu m’theithang ci goi. Bawipa yum ciah chang gui ak htük bäih ah Khritha ah ami khü nak gui cu Antiok gawnu ah kyak ci.

LAMKTU 11:29

Zum ciah chang gui naw ami m’khüt hning phäh phäh ah, Judea kho ah khritha phäi nau gui cu peit taak gui vai ah k’bäi ci gui.