JOHAN 2:19 - Cho Bible Common Language 2016

¹⁹ Bawipa Jesuh naw, “Shin ah pum im phi phye ne phlu vä, hnüüp thum ah kyong ung ka co ba khai nei” cik ci.

JOHAN 2:19 Referans Kwoze

MAKUH 14:58

“Chang ah kut awn cawh ah shin ah pum im cu kei naw ka plawh khai, cun kawn ak hnüüp thum hnüüp ung chang ah kut awn kä cawh ah pum im cu kei naw ka co khai” cine a pyein cu kami mät naw

MAKUH 15:29

Lam ung hteit hton ciah chang gui naw Bawipa Jesuh cu m’hai ne dan u netah, “Pum im cu gäi netah hnüüp thum ung co ba khai ah chang can ah maw!

MATTHE 27:40

“Pum im gäi ne hnüüp thum ah kyong ung co ba khai ah chang, Khanpughi ah Htapa ah na kyak ung na mät naw namät k’phiawn ä, kutlamtung ungka a tuhbäi kya law baä,” cine k’shedam nak ci gui.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

ROMAN 8:11

Bawi Jesuh sih nak ungka thawh ba sak ciah Khanpughi ah Mumcha cu nang mi ung akcang ah om ciah a kyak ung, Bawi Khrit sih nak ung kaa thawh ba sak ciah Bawipa naw, amät ah Mumcha awn sih thei ciah nami pumsacun phi ghin sak khai nei.

LAMKTU 3:15

Ghin nak pe hning ciah Bawipa cu na mi ngawn pyi ci, cun ung phi Khanpughi naw sih nak nung ka thawh ba sak pyi ci, cun cu kei mi naw kami mik awn kami hmuk ci.

LAMKTU 2:32

Khanpughi naw Bawipa Jesuh sih nak ung ka athawh ba sak ah a mawng ung mikmi cu mi van saksi ah mi kyak ci.

LAMKTU 2:24

Cung ung phi ani cu sih nak naw shung neh kä m’khüt ci, Khanpughi naw sih nak ah hlüng tai nak ung ka’ phiawn neh thawh ba sak pyi ci.

1 PETER 3:18

A i ah kyasei ci ung chang khli van ah hmawk ah Bawi Khrit naw ang bäng ah a sih nak cu, changshe gui ah hnün ung chang k’ni naw ak chaw ah kyak ci. Cun cu Khanpughi ah lam a ning m’shüm nak gui ah kyak ci. Bawipa cu pumsa awn sih nak a gah ung phi, Mumcha awn ghing ne tho ba ci.

ROMAN 6:4

Cun ah kya sei mikmi cu tui hnim nak awn Bawi Khrit awn a täng ah mi ng’phuh ne, ani awn a täng ah mi sik ci. Cun ah ani awn a täng ah mi sih ah mawng cu, Pa Khanpughi naw abäkhäk hlüngtai nak awn Bawi Khrit cu sih nak ungka a thawh ba sak ah mäih ah, mikmi cu ghin nak thai ung mi om vai ah hmawk ah kyak ci.

JOHAN 11:25

Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai;

MAKUH 8:31

Cun kawn ah Bawipa Jesuh naw ang düihpüi gui-am, “Chang ah Htapa cu yaica nak akda bui awt khai, chang ng’vaigui, taigüpa gui la thukhän saya gui naw hnu ng’tuk püi khai gui. Ani cu ngawn khai gui, cun ung phi ak hnüüp thum hnüüp ung tho ba ne ghing ba khai” cine m’thein thang gui ci.

KOLOSE 2:12

Tui nami ng’hniim cu Bawi Khrit awn nami ng’ciim nak ah kyak ci. Tui nami ng’hniim nak ung Bawi Khrit awn nami tho ba ciah kiak ci. Cun cu ani sih nak ungka thawh ba sak ciah Khanpughi ah tholet ciah hlüngtai nak nami yum nak awn ah kyak ci.

1 KORIN 15:12

Tuhbäi keimi naw Bawi Khrih sih nak ungka a thawh ba ah mawng thu cu kami pyein ci, a i ah kyasei nangmi ungka amshah naw ‘Sih nak ungka thawh ba nak kä om ci’ cine nami pyein ang?

ROMAN 4:24

Mikmi ah hmawk ah phi kyak ci, a i ah kya sei ci ung, Jesuh mi Bawipa sih nak ungka thawh ba sak ciah Khanpughi cu, mi yum nak awn Khanpughi naw chang düng ah na k’bäi gui ne a na dou gui ah hmawk ah kyak ci.

LAMKTU 3:26

Cun ah kiah seih nang mi naw, nami shet katnak gui nawng shüt neh, hrilham nami gah vai ah, Khanpughi naw a ghü ah a mät ah chang shäm cu, ak htük bäih ah ning tüih law gui ci nei” ci neh Peter naw pyein ci.

JOHAN 5:19

Bawipa Jesuh naw, “Kei naw akcang ka pyein cu,’ A Htapa naw amät ah ngaih ah a i kä bi hning ci, Apa ah bi bi a hmuh ah mäih ah vah bi bik ci. Apa naw abi cu A hta naw phi acun ah bi ba ci.

MATTHE 27:63

“Bawi aw, cän ah hleei ciah chang a ghin yah ung ‘Kei ak hnüüp thum hnüüp sih nak ungka ka tho ba khai,’ a cicu kami shüm ba ci nei.

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

LAMKTU 6:14

Nazaret chang Jesuh naw k’taigüim cu gäi netah, Moses ah peit ah thungyo phi m’shet ciah thu pyein sei kami ng’yak ci nei” ci ne pyän ci gui.