JOHAN 2:13 - Cho Bible Common Language 2016

¹³ Jew chang gui ah phiawn nak pawi ng’et law sei, Bawipa Jesuh cu Jerusalem ah hteit ci.

JOHAN 2:13 Referans Kwoze

LUKA 2:41

Bawipa Jesuh ah anu la apa cu phiawn nak pawi akhin päng ung akum tä sei, Jerusalem ah hteit ci ci goi.

JOHAN 11:55

Jew chang vai gui ah pasakha pawi ng’et law ciah kyasei, pigaw yung ah chang gui pawi kä a gawk law pha ung theingthap nak bi vai ah Jerusalem ah gawk lawk ci gui.

JOHAN 2:23

Bawipa Jesuh naw, phiawn nak (Pasakha) pawi yah ung Jerusalem ah cäi aih vai abi gui cu, chang gui naw hmu u netah, chang akda naw yum lawk ci gui.

JOHAN 6:4

Cun yah ung Jew chang gui ah phiawn nak pawi cu ng’et lawk ci.

JOHAN 5:1

Cun kawn ah Jew chang gui ah pawi om sei Bawipa Jesuh cu Jerusalem kho ah hteit ba ci.

THULÄÄN NAK 16:16

“Nami pakhui khaw ung chang avan cu Bawipa khawihnah vai ah khawihnah nak ah hmun tumat ung kum ät ung thum vei nami law vai nei. Cun gui cu Phyawn nak Pawi, Geit Khäm Pawi la Ng’yii nak Pawi ah kyak ci. A chang sing naw m’cümhnah nak tumat ci a law püi vai.

NEHEMIAH 13:8

Kei cu m’lungshe aih neta Tobiah ah khaw cham gui avan ka ghawt ci.

MATTHE 21:12

Bawipa Jesuh naw pum im kyong ah hteit netah, pum im kyong ah sumlei ci gui cu k’täm gui ci. Ngui m’thawng ci gui ah tawnglan la mümkha yoi ci gui ah m’küm gui cu gäi ne lat yawp ci.

MAKUH 11:15

Bawipa Jesuh la ang düihpüi gui cu Jerusalem mang gaw ah gawk u netah, Bawipa Jesuh cu pum im ah hteit ne, pum im kyong ah sumlei ci gui cu k’täm gui ci. Ngui m’thawng ci gui ah tawnglang la müm kha yoi ci gui ah ngoh nak gui cu lat pe gui ci.

LUKA 19:45

Cun kawn ah Bawipa Jesuh cu Taigüim ah hteit ne sumlei ci gui cu k’täm ne gawt gui ci.

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.