JOHAN 2:12 - Cho Bible Common Language 2016

¹² Cun kawn ah Bawipa Jesuh cu, anu ni, anau gui ni, angdüihpüi ni awn, a täng ah Kapernaum gawnu ah hteit ne, hnüüp goi thum om tuk ci gui.

JOHAN 2:12 Referans Kwoze

MATTHE 12:46

Bawipa Jesuh naw chang gui am theithang gui yah ung, anu la anau gui cu gawk law u neh, ani awn ng’hmuh hlü u netah akpung ah ng’düi ne ak ngäng ci gui.

KALATIAN 1:19

Cun ung phi kei naw Bawipa ah nau James ah kawn ah ang düihpüi a hei a u phi kä ka hmuk ci.

1 KORIN 9:5

Peter la Bawipa ah nau gui ni, ang düihpüi m’shah gui ni ah mäih ah kei cu ka htehhtawn nak ah ka k’chu ka khahpüi hning ciah kä kya ne ang?

MAKUH 6:3

Shin ah chang cu Mari ah hta, im co ciah chang, James, Josef Judas la Simon ni ah ami phäi ah kä kya ne ang? Ani be gui phi mi pigaw chang gui ah maw?” cine ami mät ng’htau ci gui. Cun ah kyasei ngami naw Bawipa Jesuh cu maa nak ci gui.

MATTHE 4:13

Ani cu Nazaret kho ung kä om ne, Zebulun la Nahtali kho ah ng’lak Kalile tuili pei, Kapernaum gawnu ah hteit ne om ci.

JOHAN 6:17

hleiko ng’cum ne Kapenaum gawnu gaa ah vang kat vü ba ci gui. Khomü law güt sei Bawipa Jesuh cu ang düihpüi gui ah om nak ah kä gawk law ba ci.

MATTHE 11:23

Aw Kapernaum gawnu, nang cu khankho ah khüt khai ah, m’hlüngtai nak na gah khai ah na ngai ci ma? Nang cu m’hteikho ah khüt sei yuk buh nak na gah khai nei. Nang ung kamdang ah cäi aih gui vai cä, Sodom gawnu ung kamdang vai sü ung, cun ah gawnu cu tuhgüt om khai süte.

JOHAN 2:2

A cu ah Bawipa Jesuh ah nu cu om tuk ci. Bawipa Jesuh la angdüihpüi gui cun phi hta m’um nak ah khü tu gui ci gui.

JOHAN 4:46

Cun kawn ah Bawipa Jesuh cu tui, sapyit tui ah a pyan nak, Kalile kho kana pigawnu ah gawk law ba ci. Cun ung asoyah yung bawi tumat om tuk ci. Ani ah hta cu Kapernaum gawnu ah gaw ne om ci.