JOHAN 2:11 - Cho Bible Common Language 2016

¹¹ Cun ah Bawipa Jesuh cu Kalile kho Kana gawnu ah cäi aih vai ah abäimang nak dang law htük khätah, angdüihpüi gui naw yum lawk ci gui.

JOHAN 2:11 Referans Kwoze

JOHAN 1:14

Thu cu chang ah yung tüi law pyi ci. Abäkhäk nak la thutak awn be ne mikmi ung om pyi ci. Abämang nak phi mi hmu pyi ci. Cun ah bämang nak cu Khanpughi ah Htapa ah a kyak nak awn agah ah kyak ci.

JOHAN 3:2

“Rabbi, nang cu Khanpughi ah tüih law ah saya ah na kyak ciah kami hmat ci nei. A i ah kyasei ci ung, Khanpughi naw a täng ah kä a om püi ah chang naw, nang ah bi ah cäi aih gui vai cu kä bi hlawt khai nei” cine pyein ci.

JOHAN 6:2

Gawpai ci gui a gai sak ba gui cäi aih vai ah hmu tu te ci gui ah chang akda naw a hnu ah läk lawk ci gui.

JOHAN 6:30

Cun ah chang gui naw, “Keimi naw hmu u netah, kami ning yum nak hning vai ah, a i cäi aih vai gui ang nam dang kaw?

JOHAN 6:26

Bawipa Jesuh naw, “Kei naw akcang ka pyein cu, nangmi naw kei nami na shui cu, cäi aih vai kabi nami hmuhmat su ah kä kyak ci, m’htut nami phü ah nami ei tu ah hmawk ah kyak ci.

JOHAN 6:14

Cun ah Bawipa Jesuh naw cäi aih vai abi gui hmu tuk ciah chang gui naw, “Shin ah chang cu khomdek khan ah gawk lawk khai ami ciah, profet akcang ah kyak ci nei” cik ci gui.

ISAIAH 40:5

Bawipa ah bäimang nak cu m’than lawk khai, hnicim chang avan naw hmuk khai. Shin cu Bawipa amät ah shaitak ah kyak ci nei.”

2 KORIN 4:17

Keimi naw a shäng ak yaang ah kami aut ah yaica nak naw cun ah hlüngtai pi ciah angtäi sei bämang nak cu na gah sak gui khai nei.

JOHAN 14:13

Cun ah däm pi ci phi bi hlawt khai, a i ah kyasei ci ung: kei cu Kapa ah om nak ah hteit netah, nangmi naw kei ah ming awn nami taigü phung cu, ka bik khai nei. Cun cu Khanpughi ah bämang nak A Htapa ung ang dang vai hmawk ah kyak ci.

JOHAN 12:41

Isaiah cu Bawipa Jesuh ah bämang nak hmuh pyi ciah kya ne, ani ah mawng cu shin ah apyein ah kyak ci.

JOHAN 12:37

Ami hmuh vai ah cäi aih vai gui m’dang sei phi ngami naw kä yum ci gui.

JOHAN 2:23

Bawipa Jesuh naw, phiawn nak (Pasakha) pawi yah ung Jerusalem ah cäi aih vai abi gui cu, chang gui naw hmu u netah, chang akda naw yum lawk ci gui.

JOHAN 1:50

Bawipa Jesuh naw, Ani-am, “Thei ghing kaa ah om ci sei, ka ning hmuk ci, ka ciah hmawk ah na na yum ci ma? Cun ah tah cäicat pi gui vai na hmu lawk khai nei” cik ci.

SAM 96:3

Abäimang nak cu pakhui van am m’thein ne, m’gäi ne a hnün thawh nak cu chang van ung ng’shäu vä.

1 JOHAN 5:13

Kei naw shin ah ca ka ning guk law gui ah mawng cu, nangmi cu Khanpughi ah Htapa nami yum ci kyasei, angtäi ghin nak nami gah ah mawng cu, nami hmat vai ah hmawk ah kyak ci nei.

JOHAN 4:46

Cun kawn ah Bawipa Jesuh cu tui, sapyit tui ah a pyan nak, Kalile kho kana pigawnu ah gawk law ba ci. Cun ung asoyah yung bawi tumat om tuk ci. Ani ah hta cu Kapernaum gawnu ah gaw ne om ci.

JOHAN 5:23

Cun ah kyak sei Apa kyih-aa ah mäih ah A Htapa phi chang van naw a kyih aa vai nei. A Htapa kä kyih aa ci cu, tüi lawk ciah Apa kä kyih-aa ciah kyak ci.

THUSHÄUTU 9:7

Cun ah kyasei, na buh ei ne yeikyai ä, na sapyit tui aw ne lünlawi ä. Cun cu Khanpughi ung bä ci nei.

SAM 72:19

Ang täi sei aming küi cu m’taam vä! Abämang nak cu m’dek khan avan ung be sä. Amen! Amen!

THULÄÄN NAK 5:24

ami pyen cu, “Bawipa mi Khanpughi naw a dämduh nak la a bäimang nak cu na m’dang gui ne mei ungka naw ng’thu sei kami ng’yak ci. Tuhngawi keimi naw, chang tumat cu Khanpughi naw ng’thu püi pang sei phi k’täi ne a ghin nak hning vai om ci, cicu kami hmu pyi ci.

PHYAWN NAK 4:9

Shin ah cäi aih vai goi awn phi kä ami ning yum ah a kyak ung, na ng’thu kä ami ngaih ah a kyak ung, acun na a kyak ung Nile tuinu ungka tui la ne, m’dek ung na yuk lon vai, tui cu si ah ng’lat khai nei” cine kyak ba ci.

2 KORIN 4:6

“Hnüp ah khui ung akdei ng’shü lawk khai” cine pyein ciah Khanpughi cu, Bawi Khrih ah hmai ung ng’shü ne khang ciah bämang nak ah mawng cu hmat nak vai ah, mikmi ah m’lung kyong ung, akdei cu ng’shü law sak ciah Khanpughi ah kyak ci.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

JOHAN 11:15

Ani a gaw yah ung kei kä ka gawk law cu nangmi naw nami yum vai ah phäh ah kyasei, nangmi ah phäh ah ka yei ci, ani ah mi hteit khai” cik ci.

JOHAN 1:17

Khanpughi naw Thukhän cu Moses ung na pe gui ci, cun ung phi geinsei nak la düng nak cu Jesuh Chrit ung na pe gui ci.

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

PHYAWN NAK 14:31

Bawipa naw m’gäi ciah a huham awn Egypt gui a hnim gui cu Israel gui naw hmu u neta, kyi u ne Bawipa ung ng’düi ci gui. Bawipa cu yum ci gui, ak chang Moses phi yum ci gui.

1 GHANGPUGHANG GUI 17:24

Ani naw m’shang ne, “Tuhbäi kei naw ka hmat ci, nang cu Khanpughi ah chang ah na kyak ci, Bawipa naw akcang ah nang ung ng’thu pyen ci nei!” cik ci.

JOHAN 1:43

A ngawi ung Bawipa Jesuh cu Kalile kho ah a hteh nak ba ah, Philip cu hmu netah, “Na läk ä” cik ci.

JOHAN 2:1

Hnüüp goi a lüng kawn ah Kalile kho Kana gawnu ah hta m’um nak om ci.

JOHAN 4:3

Pharise gui naw ami ng’yak cu Bawipa Jesuh naw hmat netah Judea kho ah kaa Kalile kho ah htie ba ci.

JOHAN 4:54

Cun cu Judea kho ah kaa naw Kalile kho ah alaw ba kawn ah Bawipa Jesuh naw cäi aih vai abi nak akhnih vei nak ah kyak ci.

JOHAN 7:31

Chang khli ungka akda naw Bawipa Jesuh cu, yum law u netah, “Messiah a kyum law ung, shin ah chang ah bilawh ah mä, däm pi ciah cäi aih gui vai cu m’dang lawk khai ang? cine ng’shik ci gui.

JOHAN 9:16

Pharise am shah naw, “Ani cu kyin nak thukhän kä ngai ci, Khanpughi ah kaa lawk ciah kä kyak khai” cik ci gui. Am shah naw, “Kat nak abi ah a kyak ung cäi aih vai gui kä bi hning khai sü te” cik ci gui. Cun ah kyak ne ngami cu ami ngaih ng’pai lawk ci.

JOHAN 10:41

Chang akda cu Bawipa Jesuh ah gawk law u netah, “Johan naw a i phi cäcat vai käm dang ci, cun ung phi shin ah chang ah mawng Johan ah pyein avan cu küm ci nei” cik ci gui.

JOHAN 11:47

Cun ah kyasei, taigü ng’vai gui la pharise gui naw ng’cuh u ne kawngsi ah hteit u netah,” Shin ah chang naw cäi aih vai gui akda bi pyi ci, mikmi naw a i kä bi ne mi om khai ma?

JOHAN 12:18

Cun ah cäi aih vai ah mawng gui cu ngak ba u sei, ng’yak tuk ciah chang gui cu Bawipa Jesuh ana dou vai ah gawk lawk ci gui

JOHAN 16:27

A i ah kyasei ci ung Kapa amät naw nangmi ning m’hni gui ci. Nangmi naw kei nam hni ne, Khanpughi ungka ka lawk ciah nami yum ah hmawk ah, Kapa naw ning m’hni gui ci.

JOHAN 16:30

Nang naw a päng ang nüng na hmat cu, kami hmat pyi ci, kami ning shi vai a i kä om ba ci nei. A shin gui kami hmat nak awn nang cu, Khanpughi ungka na lawk ciah kami yum ci nei” cik ci gui.