JOHAN 2:10 - Cho Bible Common Language 2016

¹⁰ Cun ah kyasei ang vai naw chu mah cu khü netah, “Chang gui naw, sapyit tui asü cu cung ma u netah, akhnu ah aktai cu cung ba man ci gui, nang läi tuhgüt asü na gim ci” cik ci.

JOHAN 2:10 Referans Kwoze

LUKA 16:25

Cun ung phi Abraham naw, “Ka hta aw, khomdek khan ah nang bühmang gui man la Layarus ah ghawipyam yaica man gui cu, ngai ba ne shüm ba ä. Tuhbäi ani cu bämang nak ung gawk sei, nang cu geinvai nak ung na gawk pyi ci.

ATÜNNAK 43:34

Buh cu Joseph ah tawnglang ungka lawh gui ci gui. Benjamin cu a phäi gui ah ta a hma ah däm pi khai ah pek ci gui. Ngami cu Joseph awn a täng ah ei aw ne yeikyai ci gui.

SOLOMON NG’Ä~ 5:1

Kei cu ka u-yin ung ka lut pyi ci, ka m’lung ung tuihlim ciah ka ng’lami hta. Ka tui ng’ui la ka muran cu ka k’bum pyi ci; Ka khoi tui la ka khoi phyai cu ka ei pyi ci; Ka seisuuk la sapyit tui cu ka awk ci nei.

SAM 104:15

Chang cu a pyan ah sing theih tui naw yei sak ne, situi naw hmai kyang sak ci, m’htut naw thagui pek ci.

MATTHE 24:49

chang shäm hnumi pami gui cu tuthat gui ne, ei awk ci gui awn a täng ah ei awk tat ne om khai nei.

LUKA 12:45

Cun ung phi cun changshäm khawngmang cicu ka bawipa kä law ba yäk khai cine ngai ne, abü bü ei-aw ne ak changshäm hnumi pami gui, m’ghuih teeuh gui ne a kyak ung,

LAMKTU 2:15

Shin ah chang gui cu nang mi ah pyein ah mäih ah awk tat ci gui ah kä kyak ci nei, tuk bäi cu ngawi lam nayi kaw ah vah kiah phak ci.

1 KORIN 11:21

Nangmi cu nami mät ah ei phäh phäh nami ei ci kya ne, am shah ei cawi sei, amshah awktat sei, nami kyak ci.

EPHESIAN 5:18

Ning m’gämce sak gui khai ah yu cu kä nami awktat vai, Mumcha awn nami kümbe vai nei.

1 THESSALONIAN 5:7

Chang gui cu mü ah ip ci gui; mü ah awktat ci gui.

THU PHLAAN 17:2

Khomdek ah khan ah ghangpughang gui cu, ani awn ng’yaw ng’pawm lä ci gui nei. Chang ah hta gui avan cun phi ani awn ng’yaw ng’pawm nak ah kyak ciah yu cu awktat ci gui nei,” cine pyein ci.

THU PHLAAN 17:6

Cun ah hnumi nu naw Khanpughi ah chang gui ah si la Bawipa Jesuh ung bekhüt u sei, ami ngawn gui ah chang gui ah si cu aw ne, awktat sei ka hmuk ci. Ani hmu netah kei cu ang htei ah cäi ne ka tu ci.