JOHAN 19:6 - Cho Bible Common Language 2016

⁶ Taigüpa gui la Taigüim ngäng ci gui naw, hmu u netah, “Ani cu kutlam tung ung tai ne ngawn vä, kutlam tung ung tai ne ngawn vä” cine m’lau ci gui. Pilat naw, “nami mät naw kutlam tung ung tai ne ngawn vä, ani ngawn nak vai ah mawng a i kä ka hmuk ci nei” cine pyein ci.

JOHAN 19:6 Referans Kwoze

JOHAN 18:31

Pilat naw, “Nami mät naw hteh püi ba ne nami mät ah ng’thukhän awn m’khoichaa vä” cik ci. Jew Chang gui naw, “Keimi naw chang tumat sih nak kä kami pe hning ci nei” cik ci gui.

JOHAN 19:4

Pilat cu lut law ba mä netah, chang gui-am, “Ani ung sih nak vai ah katnak kä ka hmuh ah mawng cu, nangmi naw nami hmat vai ah nami ma ah ka law püi khai nei” cik ci.

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

LUKA 23:4

Cun kawn ah Pilat bawi naw, taigüpa gui la chang khli gui-am, “Shin ah chang hniim nak vai ah a mawng kä ka hmuk ci nei” cine kyak na gui ci.

MATTHE 27:24

Pilat naw, a pyein ba gäk gäk ung kä bä khai, thüngphyong m’lau pyang law pi khai gui ah hmu netah, tui cu la ne ami ma ah “shin ah chang ah sih nak cu kei ah bi ah kä kyak ci, nangmi ah bi ah kyak ci nei,” ci netah, a kut cu m’si ci.

MATTHE 27:22

Pilat naw, “Cun ah a kyak ung Messiah ami ciah Jesuh cu a i ah ci vai ang,” cine ng’shi gui ci. Chang ami van naw, “Kutlamtung ung tai ne ngawn vai nei,” cik ci gui.

MATTHE 26:58

Peter cu ng’shawng pi pi ne Kaiaphas ah im vong pei ah khüt ne, Bawipa Jesuh cu läk lawk ci. Cun kawn ah vong kyong ah lut law tu ne, Bawipa Jesuh ah mawng a i ah ami pyein ah a hmat vai ah phäh ah taigütung ah gakap gui awn, a täng ah ngo tuk ci.

JOHAN 18:3

Cun ah kyasei hnukuk Judas naw, Roman gakap gui la, taigüpa gui la Pharisee gui ngäng gui ciah chang gui cu thäm ne law püi gui ci. Ngami cu mei im ni mei k’däi ni, sehnet gui ni kawt ci gui.

JOHAN 18:38

Pilat naw, “Düngnak cu a i ang?” cine ng’shi ba ci. Cun kawn ah Pilat cu chang gui ah ma ah lut law netah, “Ani ung m’kat nak vai ah katnak kä ka hmuk ci.