JOHAN 19:42 - Cho Bible Common Language 2016

⁴² Cun ah hnüüp cu, Jew chang gui naw a ngawi ung ami kyin nak vai ah hnüüp ah kyasei Bawipa Jesuh ah gook cu acun ah khui ung k’phuh ci gui.

JOHAN 19:42 Referans Kwoze

JOHAN 19:31

Jew chang ng’vai gui naw kutlamtung ung ami tai gui ah kho gui cu m’khep u netah, ami gook gui ami lak vai cu, Pilat ah ma ah pyein ci gui. Cun ah ami pyein ah mawng cu, cun nak hnüüp cu ak hmaa hnüüp ah kya sei, a ngawi ung ami kyin vai hnüüp ung, kutlamtung ah khan ah gook kä ah om vai la, cun ah kyin hnüüp cun phi hnüüp theing ah a kyak ah hmawk ah kyak ci.

JOHAN 19:14

Cun cu phiawn nak pawi a ngawi ung ami tün nak vai, hnüüp ng’lunglai yah ung ah kyak ci. Pilat naw, “Teng vä, nami ghangpughang” cine Jew chang gui-am pyen na gui ci.

JOHAN 19:41

Bawipa Jesuh kutlamtung ung tai ne ami ngawn nak pei ah lo-chaam tumat om ci. Cun ah chaam ung a u phi kä ami k’phuh nak phaa ah khui cawh ak thai om ci.

ISAIAH 53:9

Ani cu hnü ät phi kä cawi m’sa man ci, kä hleei man ci, cun ung phi changshe gui awn atäng ah ng’ciim hmun ung tha ci gui, Büh mang ci gui awn atäng ah phuh ci gui.

KOLOSE 2:12

Tui nami ng’hniim cu Bawi Khrit awn nami ng’ciim nak ah kyak ci. Tui nami ng’hniim nak ung Bawi Khrit awn nami tho ba ciah kiak ci. Cun cu ani sih nak ungka thawh ba sak ciah Khanpughi ah tholet ciah hlüngtai nak nami yum nak awn ah kyak ci.

1 KORIN 15:4

Cacim ung om ciah mäih ah ami k’phuh a mawng, ak hnüüp thum hnüüp sih nak ungka a thawh ba ah mawng;

LAMKTU 13:29

Ngami naw cun ah Bawipa ah mawng cacim ung om ciah täng ah ami bi yawp kawn ah cun ah Bawipa ah ang düihpüi gui naw a gook cu kutlam tung ungka chang ba u ne, ng’cim hmun khui ung k’phuh ci gui.

JOHAN 19:20

Bawipa Jesuh kutlamtung ung tai ne ami ngawn nak cu, gawnu awn ng’et ci kyasei, chang akda naw cun ah ca cu phat ci gui. Cun ah ca cu Hebrew, Latin la Kagik ca gui awn ami guk ah kyak ci.

MATTHE 12:40

Jonah cu nganu ah puk khui ah hnüüp thum la mü thum a om ah mäih ah, chang ah Htapacun phi m’dek khui ah hnüüp thum la mü thum om khai nei.

SAM 22:15

Kei ah ka gawn cu m’vut ah mäih ah chawng ne, kam’lei phi ket ci. Nang naw ka sih vai ah m’dek ung na na nawng ci nei.