JOHAN 19:41 - Cho Bible Common Language 2016

⁴¹ Bawipa Jesuh kutlamtung ung tai ne ami ngawn nak pei ah lo-chaam tumat om ci. Cun ah chaam ung a u phi kä ami k’phuh nak phaa ah khui cawh ak thai om ci.

JOHAN 19:41 Referans Kwoze

LUKA 23:53

Cun kawn ah kutlamtung ungka Bawipa Jesuh ah a gook cu la ba ne, yih bawk awn hlawp netah, a u ah kä ng’phuh nak man lung ami shawk ah khui akthai ung k’phuh ne m’cim ci.

MATTHE 27:60

Cun kawn ah kä shou phak ciah lung kheng ami shawk ah amät ah ng’cim hmun khui ung chum ne phuh netah, khui m’kawt cu lungnu tumat k’täng ne khai shüt netah hteit ba ci.

JOHAN 20:15

Cun ung phi Bawipa Jesuh bä ah kä hmat ci. Bawipa Jesuh naw, “Hnumi hta awi, a i ah kyasei na kyah ang? A u ang na shui?” cine ng’shik ci. Mari naw, ani cu lo-cham ngäng ciah ngai netah, “Sayapa, Bawipa ah a gook cu nang naw na laak ah a kyak ung, a hawi na tha cu nam thein ä, hteit ne ka la ba khai” cine pyein ci.

ISAIAH 22:16

“Nang cu a u ah na kyak ciah ang na ngaih? Lungkhen k’pang khui shawk ne, ng’phuh hmun pyan nak hning vai nan gung om ne ang?

2 GHANGPUGHANG GUI 23:30

A chang vai gui naw ani ah gook cu yatha ung taih u neta Jerusalem ah hteh püi ba ci gui, mang gui ah ng’phuh hmun ung k’phuh ci gui. Judah chang gui naw Josiah ah hta Joahaz cu ghü u ne ghangpughang ah hmoh ba ci gui.

JOHAN 19:42

Cun ah hnüüp cu, Jew chang gui naw a ngawi ung ami kyin nak vai ah hnüüp ah kyasei Bawipa Jesuh ah gook cu acun ah khui ung k’phuh ci gui.