JOHAN 19:30 - Cho Bible Common Language 2016

³⁰ Bawipa Jesuh-am tu ci gui. Bawipa Jesuh cu cun ah sapyit tui aw netah, “Bi ng’pyi ci nei” cine ak hngü bat ne kät lawk ci.

JOHAN 19:30 Referans Kwoze

JOHAN 17:4

Khomdek khan ung kei naw na bämang nak cu kam dang pyi ci. Ka bi vai ah na na peit ah bi phi ka bi yawp pyi ci.

PHILIPPIAN 2:8

Ani cu am lung neim sak ne kutlam tung ung asih nak ung khüt sei, Khanpughi ah ng’thu cu läk ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

JOHAN 10:11

“Kei cu Htoshäm Ni ah ka kyak ci. Htoshäm ni cu hto gui ah hmawk ah a hnun ghin nak phi pek ci.

DANIEL 9:24

“Kum chihkip chih vei lüng ci, cicu Khanpughi naw a chang gui la theingcim ciah na mawng gaw cu hmakat nak la shetkat nak ung am hlawt nak gui ah a khin ah kyak ci. Hmakat nak cu m’geinsei ne, angtäi ah taga nak cu m’düih khai nei. Cun ah kyasei muimang la cängbang nak gui cu bä khai, theingcim ciah Taigüim cu ap ba mä vai.

LUKA 23:46

Bawipa Jesuh cu, “Aw Kapa, Na kut ung Ka Mumcha ka ning ap ci nei” cine m’lau netah kät lawk ci.

ISAIAH 53:10

Bawipa naw pyen ci, “Ani a yaica vai cu kei ah ka ng’yak hlü ah kyak ci nei; Ani ah a sih cu m’geinsei nak law püi nak vai ah khawihnah nak ah kyak ci. Cun ah kyasei ani naw a hta ng’shon gui cu hmu gui khai; ani cu aghin kho ng’shäi khai, ani ung kei ah ng’bü nak cu näng m’khüt nak om khai.

ROMAN 10:4

Bawi Khrit naw thukhän ah a khin cu ang pyi sak pyi ah kya sei, yum ciah chang nüng am Khanpughi ung ng’düng nak cu pe pyi ci nei.

JOHAN 19:28

Cun kawn ah Bawipa Jesuh naw avan küm pyi ciah hmat netah, cacim ung om ci ang dang vai ah “Kei tui ka gha ci nei” cik ci.

MAKUH 15:37

Bawipa Jesuh cu shalawng khai ah m’lau netah kät lawk ci.

JOHAN 10:18

A u naw ghin nak kä na peit sak ci, ka mät ah ngaih ah ka peit ah kyak ci. Kei ung ghin nak ka peit nak hning la ka gah nak ba hning om ci. Cun ah ka bi vai ah Kapa naw ana täk ah kyak ci.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

MATTHE 20:28

Chang ah Htapa cu chang ah m’htei vai ah lawk ciah kä kyak ci, chang m’htei khai la, a hnun gui pe ne chang avan hun phiawn khai ah lawk ciah kyak ci, nangmi cu acun ah mäih ah nami kyak vai,” cine m’cäi gui ci.

MATTHE 27:50

Bawipa Jesuh cu ng’shan khai ah m’lau netah si lawk ci.

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

SAM 22:15

Kei ah ka gawn cu m’vut ah mäih ah chawng ne, kam’lei phi ket ci. Nang naw ka sih vai ah m’dek ung na na nawng ci nei.

HEBRU 9:22

Akcang ah thukhän ah pyein ah, a päng avan cu si awn vah theingcim ci. Si huk nak awn cheishoh nak cu phyawng hlawt ci.

ROMAN 3:25

Jesuh Khrit ah a sih nak awn chang gui cu, katnak ungka ami phiawn vai ah Khanpughi naw, ani cu chang m’küi nak ah m’hnüt ne k’bäi ci. Chang gui cu ani ami yum nak awn katnak ungka phiawn nak gah ci gui. Khanpughi naw cun ah abi cu, a i chaa ah chang gui ang düng sak gui ah mawng am dang nak ah kyak ci. Yanä akhin ung chang gui ah katnak cu, Khanpughi naw hnimgei nak awn m’düm gui ci.

MATTHE 3:15

Bawipa Jesuh naw, “Khanpughi ah a pyein ah bi mi bik khai kya sei, acun ah na bi vai” cine kyak na khätah, cun kawn ah Johan naw yum ci.

1 KORIN 5:7

K’caw k’phyim ah kyak ciah katnak cu nami nawng shüt vai, cun ung vah nangmi cu nami theingcim lawk khai. Cun ung nangmi cu k’caw kä shum ah m’htut den k’thai ah mäih ah nami kyak khai. Cun ah nangmi akcang ah nami kyak cu kei naw ka hmat ci. Mikmi ah phiawnnak Htome ah kyak ciah Bawi Khrih awn ng’küikyan pyi ah kya sei, phiawnnak pawi cu bige vai kyak ci nei.

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

ATÜNNAK 3:15

Hnumi la nang, hnumi ah ng’shon la nang ah ng’shon cu gaa ah nami kyak khai ah ka bik khai. Ani naw nang ah lu cu ning deeng khai, nang naw ani ah khawlek cu na m’yawk khai” cine pyen nak ci.

DANIEL 9:26

Cun ah khin ang pyi law hlü ung, Khanpughi naw a ghü ah ang vaihta cu kä taga ciah ngawn khai gui. Mang gaw la Taigüim cu huham mah ciah uktu ah m’gäi ciah gakap naw m’di khai. Ang pyi nak vai cu tuii hlaw ah mäih ah lawk khai. Khanpughi naw a pawng püi ah ng’tuk nak la dishum nak cu law püi khai.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.