JOHAN 19:3 - Cho Bible Common Language 2016

³ A pei ah hteit u netah, “Jew ghangpughang ak shou ghing sä” ci ne m’lau u ne, a hmai ung k’beeih ci gui.

JOHAN 19:3 Referans Kwoze

MATTHE 27:29

Cun kawn ah ng’hling awn sak ah lukhu cu k’bün ci gui. Htung tawn tumat cu ak pat lam kut ung pek ci gui. Cun kawn ah ama ah m’khuukdoong u netah, “Jew ghangpughang cu ghi ne ghing sä,” cine päipih ci gui.

JOHAN 18:33

Pilat naw, a im kyong ah lut ba ne, Bawipa Jesuh cu khü netah, “Nang cu Jew chang gui ah ghangpughang ah na kyak ci ma?” ci ne ng’shik ci.

JOHAN 18:22

Bawipa Jesuh naw cun ci khätah, ngäng ciah chang tumat naw, “Taigü Tung ah ma ah a i vai shikcha ah nang thu ang” ci ne Bawipa Jesuh cu a hmai ung k’beeih ci.

LUKA 1:28

Khankho chang naw Mari ah ma ah, “Na khan ah ding gei nak om sä, Bawipa naw a täng ah ning om püi ne, küikyang ciah hrilham ning k’be sä!” pyen nak ci.

MATTHE 26:49

Judas cu Bawipa Jesuh ah yäih ne dawng law netah “Bawipa Zeikiai nak om sä,” cine Bawipa Jesuh cu m’hnam ne ng’ui ci.

MAKUH 15:18

“Jew Chang gui ah ghangpughang ghi ne ghing sä” cine ngüm täu ne päipih ci gui.