JOHAN 19:28 - Cho Bible Common Language 2016

²⁸ Cun kawn ah Bawipa Jesuh naw avan küm pyi ciah hmat netah, cacim ung om ci ang dang vai ah “Kei tui ka gha ci nei” cik ci.

JOHAN 19:28 Referans Kwoze

SAM 69:21

Ei ka cawi sang ung zeeih ei na m’bei ci gui, tui ka gha sang ung ng’tuui tui na tu ci gui.

SAM 22:15

Kei ah ka gawn cu m’vut ah mäih ah chawng ne, kam’lei phi ket ci. Nang naw ka sih vai ah m’dek ung na na nawng ci nei.

JOHAN 19:30

Bawipa Jesuh-am tu ci gui. Bawipa Jesuh cu cun ah sapyit tui aw netah, “Bi ng’pyi ci nei” cine ak hngü bat ne kät lawk ci.

LUKA 22:37

Kei naw akcang ka pyein cu, ani phi ngawn phaa nak ng’küh tuk ci nei” ciah cacim cu kei ung küm khai. A i ah kyasei ci ung kei ah mawng ami guk phung cu küm ci nei” cine kyak na gui ci.

JOHAN 19:24

Gakap gui naw cun ah ami bi cu, cacim ung; ngami naw kei ah suisak ng’pai ci gui, ka suinu phi m’shüih tawk ne lak ci gui” ci cu a khüm nak vai ah kyak ci.

LUKA 18:31

Bawipa Jesuh naw, ang düihpüi gui gha-lei-goi cu khü gui netah, “Ngai vä, mikmi cu Jerusalem ah mi hteit lawk ci. Chang ah Htapa ah mawng profet gui naw ami guk ah mäih ah kümbe lawk khai nei.

JOHAN 18:4

Bawipa Jesuh naw, amät ah khan ah gawk lawk khai gui avan cu hmat pyi netah, ami ma ah vang phäi ne, “A u ang nami shui” ci ne ng’shi gui ci.

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

LAMKTU 13:29

Ngami naw cun ah Bawipa ah mawng cacim ung om ciah täng ah ami bi yawp kawn ah cun ah Bawipa ah ang düihpüi gui naw a gook cu kutlam tung ungka chang ba u ne, ng’cim hmun khui ung k’phuh ci gui.

LUKA 9:31

Ngani cu Khankho bämang nak awn kyum law ni ne, Khanpughi ah ng’yak hlü ah Jerusalem ung kä shou pha seih Bawipa Jesuh asih law vai ah mawng cu pyein ci goi.

LUKA 12:50

Kei naw tuihnim nak ka lak vai om ci, cun ah bi cu kä ka pyi pha ah chuih kei ah m’lung cu yaica ci.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

JOHAN 17:4

Khomdek khan ung kei naw na bämang nak cu kam dang pyi ci. Ka bi vai ah na na peit ah bi phi ka bi yawp pyi ci.

JOHAN 19:36

Cun cu’ani ah guh tumat phi kä hnget khai’ ciah cacim ung om ci cu a khüm nak ah kyak ci.