JOHAN 19:25 - Cho Bible Common Language 2016

²⁵ Cun yah ung Bawipa Jesuh ah anu la anu ah anau ni, Clopas ah k’chu Mari la Mari Makdalin ni gui cu Bawipa Jesuh ah kutlamtung pei ah ng’düi ci gui.

JOHAN 19:25 Referans Kwoze

LUKA 23:49

Kalile ah kaa law tuk ci gui ah Bawipa läk lawk ci gui ah hnumi gui la Bawipa hmat ciah chang gui cu ang shawng ah ng’düi u netah, Bawipa Jesuh cu teng ci gui.

JOHAN 20:1

Hnüüp chih ung ak hnüüp ät hnüüp, kho ngawi hta ah kho thai ghi ghi sei, Mari Makadalen cu ng’cim hmun ah hteit netah, khui m’kawt ami khai nak ah lung cu ng’hmawng sei hmuk ci.

LUKA 24:18

ngani ungka Kleopas naw, “Jerusalem ah gawk lawk ciah khin gui ung kaa, nang bäng vah shin ah kho hnüüp gui ah kyong ung, Jerusalem ah hmu ng’yak ah a mawng gui cu kä na hmat tu phak ciah kiak ci,” cine kyak nak ci.

LUKA 8:2

Ang düihpüi gha-lei-goi cun phi ani awn a täng ah hteit tuk ci gui. Khoshe ah kai gui la nat nak ungka ak phiawn gui ah hnumi gui cun phi Bawipa Jesuh cu läk tuk ci gui. Cun gui cu; Ng’yo pachih naw a om nak man te phiawn nak gah ciah Mari Makdalen;

LUKA 2:35

Nang ah m’lung kyong cu khim ghaat awn k’tawk ah mäih ah nak khai nei” cine Mari-am pyen nak ci.

MAKUH 16:9

Ng’len hnüüp khongawi htasiik ah Bawipa Jesuh cu sih nak ungka a thawh ba kawn ah Mari Makdalene ah ma ah ng’dang ba ma ci. Ani cu khoshe pachih naw kai sei Bawipa Jesuh naw ak täm peit te ah chang ah kyak ci. Hnumi gui cu Peter la apaw gui ah om nak ah hteit u netah, ami hmuh ng’yak gui phung cu avan m’thein gui ci gui.

MATTHE 12:46

Bawipa Jesuh naw chang gui am theithang gui yah ung, anu la anau gui cu gawk law u neh, ani awn ng’hmuh hlü u netah akpung ah ng’düi ne ak ngäng ci gui.