JOHAN 19:24 - Cho Bible Common Language 2016

²⁴ Gakap gui naw cun ah ami bi cu, cacim ung; ngami naw kei ah suisak ng’pai ci gui, ka suinu phi m’shüih tawk ne lak ci gui” ci cu a khüm nak vai ah kyak ci.

JOHAN 19:24 Referans Kwoze

SAM 22:18

Kei ah ka sui gui cu, m’shüih tawk u neta, ami mät naw ng’tei ci gui.

JOHAN 19:28

Cun kawn ah Bawipa Jesuh naw avan küm pyi ciah hmat netah, cacim ung om ci ang dang vai ah “Kei tui ka gha ci nei” cik ci.

LAMKTU 13:27

Jerusalem ung om ciah chang gui la ami ng’vai gui naw cun ah Bawi cu Hunbawi ah a kyak kä hmat ci gui, kyin hnüüp päng ung ami phat ah prophet gui ah ca guk ah a mawng phi kä hmat ci gui. Cun ung phi ngah mi naw prophet gui ah ng’thu pyein a bä vai ah cun ah Bawi cu ngawn pyi ci gui.

JOHAN 10:35

Khanpughi naw ang thu a peit gui cu, “Khanpughi ah mäih ah kia ci gui” cik ci.

ISAIAH 10:7

Cun ung phi Assirian ghangpughang ung ak ghat ah bi vai ah am lung kyong ung a pawng püi om tu hnga ci. Ani naw chang pakhui akda m’di vai ah k’bäi pyi ci.

PHYAWN NAK 28:32

Acun ung lu m’hluh nak vai a shai om khai, Cun ah htu shai cu kä teek khai ah tahsa akni awn khaa vai.

MATTHE 27:35

Ngami naw Bawipa Jesuh cu kutlamtung ung tai ne ngawn ci gui. A suisak cu m’shüih tawk ne ng’pai ci gui.

MAKUH 15:24

Cun kawn ah Bawipa Jesuh cu kutlamtung ung tai ne ngawn ci gui. A suisak gui cu chang gui naw m’shüih tawk ne ng’pai ci gui.

LUKA 23:34

Bawipa Jesuh naw, “Ngami cu a i ami bi ah ami mät naw kä hmat ci gui nei, m’gein gui ä” cine pyein ci. Chang gui naw Bawipa Jesuh ah a suisak gui cu, m’shüih tawk ne ng’pai ci gui.

JOHAN 13:18

“Nangmi nami van ka ning pyein gui ah kä kyak ci; ka ning ghü gui ah kyasei ka ning hmat gui yawp ci. Cun ung phi cacim ung, “Kei ah buh ei ci naw kei na khep ba ci nei” cicu kümbe khai nei.

2 GHANGPUGHANG GUI 15:12

Bawipa naw Ghangpughang Jehu ung a pek ah shaitak cu kümbe ci, cun cu, nang ah htangshon, ang shon phli ung khüt sei, Israel ghangpughang ah kyak khai” ciah kyak ci.