JOHAN 19:18 - Cho Bible Common Language 2016

¹⁸ (Acun cu Hebrew ng’thu awn Kolakotha) cik ci gui. Acun ah hmun ah Bawipa Jesuh cu kutlamtung ung tai ne ngawn ci gui. Bawipa Jesuh awn a täng ah a hei chang hnih cun phi, ak englam ah tumat, akpat lam ah tumat tai ne ngawn ci gui. Bawipa Jesuh cu ang lung ung tai ci gui.

JOHAN 19:18 Referans Kwoze

ISAIAH 53:12

Cun ah kyasei ani am, m’tam khah nak ah hmun, dämduh ne huham mah ci gui ah ng’lung ah hmun akni ka pek khai. Ani naw a ghin nak cu kä ng’vang ne pe ne, Changshe gui ah ham cu chaw nak ci. Ani naw hmakak ciah chang hli ah a hmun cu la neta, Ngami m’geinsei gui vai ah taigü ci.’’

KALATIAN 3:13

Cacim ung, “Singlam khan ah tai ne ami ngawn naw Khanpughi ah m’kyuk nak gah pyi ci nei,” ciah a om ah mäih-ah Bawi Khrit cu mikmi ah hmawk ah m’kyuk nak gah netah, thukhän awn m’kyuk nak mi gah nak vai sü ung na phiawn gui ci.

JOHAN 18:32

(Cun ami cicu Bawipa Jesuh naw amät ah sih vai ah mawng a pyein cu ang dang nak vai ah hmawk ah kyak ci)

MATTHE 27:44

Bawipa Jesuh awn a täng ah kutlamtung ung ami ngawn ah m’guk-ei goi naw phi acun ah mäih ah päipih tuk ci goi.

SAM 22:16

Changshe gui naw na koi u ne, ui ah mäih ah ng’na ne, ka kut kho ung na htui ci gui nei.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

JOHAN 19:32

Cun kawn ah gakap gui cu law ne Bawipa Jesuh awn a täng ah ami ngawn goi ah kho cu tumat täi ah m’khep hnget ci gui.

LAMKTU 2:23

Khanpughi naw pyein neh ak bäi pyi ah mäih ah Bawipa Jesuh cu, nami kut ung ning ap gui pyi ci; nang mi naw ani cu chang k’she gui am kutlam’tung ung na mi ngawn sak gui pyi ci.