JOHAN 19:17 - Cho Bible Common Language 2016

¹⁷ Bawipa Jesuh cu kutlamtung kawt ne, ‘Luguh Hmun’ ami ci nak ah hteit ci.

JOHAN 19:17 Referans Kwoze

LUKA 23:33

“Lu koihmun” ming nak ciah k’päng ah gawk u netah, Bawipa Jesuh cu kutlamtung ung tai ne ngawn ci gui. Changshe hnih cun phi tumat akpat lam, tumat ak-eng lam ah tai ne ngawn goi ci gui.

LUKA 14:27

Amät ah kutlam tung kawt ne ka hnu ah kä na läk ci phung cu, kei ah ng’düihpui ah kä kya hlawt khai.

LUKA 23:26

Gakap gui naw Bawipa Jesuh ami hteh law püi yah ung Sairin pigaw ah kaa Simon ming nak ciah chang cu ana law sei, hmu u netah, pha u ne, ktulamtung cu kawh sak u ne, Bawipa Jesuh ah hnu ah läk sak ci gui.

LAMKTU 7:58

Stephen cu phah u neh pigaw k’pung ah hteh püi u netah, ng’lung nah ne lung awn vawi ci gui. Vawi ciah chang gui cu ami suinu suut netah Soul ming nak ciah ak hmaw chang tumat am ap ci gui.

MAKUH 15:32

Israel Ghangpughang, Messiah Bawipa, kutlamtung ungka kyum law ba sä, cun kami hmuh ung kami yum khai nei” cine kyak nak ci gui. Bawipa Jesuh awn a täng ah kutlamtung ung ami ngawn goi naw phi Bawipa Jesuh cu päipih ci goi.

LUKA 23:38

Bawipa Jesuh ah alu khan ah phi, “Shin cu Jew chang gui ah Ghangpughang nei” cine ca gu ne tai ci gui.

LUKA 9:23

Cun kawn ah Bawipa Jesuh naw chang gui-am, “Kei ah ng’khahpüi ah kya hlük ciah chang naw, amät ah hmawk nawng shüt ne, amät ah kutlam tung cu, ak hnüüp tä kawt netah ka hnu ah na läk sä.

MAKUH 15:26

Bawipa Jesuh ami m’kat nak ah kutlamtung ung gu ne ami tai ah ca cu, “Jew Chang gui ah Ghangpughang” ciah kyak ci.

MAKUH 10:21

Bawipa Jesuh naw ani cu am hni nak awn kheing ne teng netah, “Nang ung tumat nabi vai hlü ba ci, hteit ba ne na khawh avan yoi netah ghawi-pyam ci gui-am na peit gui vai, cun ung nang cu khankho ah bühmang nak om khai. Cun kawn ah ka hnu ah na na läk vai” cine m’cäi ci.

MAKUH 8:34

Bawipa Jesuh naw ang düihpüi gui la chang khli gui cu a pei ah khü gui netah, “Kei ah chang ah kya hlük ciah chang naw, amät ah hmawk cu nawng ne, amät ah kutlamtung kawt ne, ka hnu ah ana läk vai.

MATTHE 27:37

“Shin cu Jesuh, Jew Chang gui ah ghangpughang nei” ciah ca gu ne tai ci gui.

MATTHE 16:24

Cun kawn ah Bawipa Jesuh naw ang düihpüi gui-am, “Kei awn atäng ah hteit tu hlük ciah chang cu, amät ah ng’yak hlü nawng shüt ne, amät ah kutlam tung kawt netah, ka hnu ah a na läk vai.

MATTHE 10:38

Amät ah kutlamtung kawt ne ka hnu ah kä na läk ciah chang cu, kei ah düihpüi ah kä kya hlawt khai.

1 GHANGPUGHANG GUI 21:13

Chang omshe goi naw chang ah ng’lung ung ani cu tawk ni ne, Khanpughi la ghangpughang yeeihkah nak ci nei, ci ni khäta, ani cu mang gaw k’pung ah hteh püi ne lung awn vawi ne ngawn ci gui.

TAIGÜTHUM 24:14

“Cun ah chang cu shaum pigaw k’pung ah hteh püi vä. Ani ah ang plah ng’ya tuk ci phung naw, ani shekak ciah m’dang nak ah a kut alu khan ah taih sä. Cun kawn ah changbum van naw lung awn vawi ne ngawn vä.

ATÜNNAK 22:6

Abraham naw Isaak am sing kawh sak ne, a mät naw khim la mei k’cak kawt sei hteit ci goi. Hteit shäng shäng ni neta,

JOHAN 5:2

Jerusalem pigaw hto m’kawt pei ah ng’phoh hma ah ami ng’vong ah tuili tumat om ci. Cun cu Hebru ng’thu awn ‘Bethyatha’ ah pyein ci gui.

JOHAN 19:13

Cun ami cicu Pilat naw ng’ya netah, Bawipa Jesuh cu ak pung ah luh law püi ba netah, lung ami pyan ah bawi ah ngoh nak ung ngok ci. (Cun ah cu Hebrew ng’thu awn Gabbatha) ah pyein ci gui.