JOHAN 19:14 - Cho Bible Common Language 2016

¹⁴ Cun cu phiawn nak pawi a ngawi ung ami tün nak vai, hnüüp ng’lunglai yah ung ah kyak ci. Pilat naw, “Teng vä, nami ghangpughang” cine Jew chang gui-am pyen na gui ci.

JOHAN 19:14 Referans Kwoze

MATTHE 27:62

Acun ah ngawi ung kyin hnüüp ah kyasei taigüpa gui la Pharisee gui cu Pilat ah hteit u netah,

JOHAN 19:5

Bawipa Jesuh cu ng’hling lukhu ng’büng ne, suinu asen sui ne ak phung ah lut law ba ci. Pilat naw, “Teng vä, ani nei” ci ne pyein ci.

JOHAN 19:42

Cun ah hnüüp cu, Jew chang gui naw a ngawi ung ami kyin nak vai ah hnüüp ah kyasei Bawipa Jesuh ah gook cu acun ah khui ung k’phuh ci gui.

MAKUH 15:25

Bawipa Jesuh kutlamtung ung tai ne ami ngawn nak ah khin cu, kho plang k’tai nayi kaw a khin ah kyak ci.

JOHAN 19:3

A pei ah hteit u netah, “Jew ghangpughang ak shou ghing sä” ci ne m’lau u ne, a hmai ung k’beeih ci gui.

LUKA 23:54

Cun ah hnüüp cu akchuk hnüüp ah kya ne, a ngawi ung kyin nak hnüüp ah kya lawk khai kyak ci.

MAKUH 15:42

Acun ah hnüüp mühun lam ah Arimathea ah kaa, Josef ming nak ciah chang tumat cu gawk lawk ci. Ani cu chang ah kyih aa tu ah bawimang chang vai ah kyak ci. Ani cu Khanpughi ah uknak kho a gawk law vai cu yum ne ngäng ciah kyak ci. (Cu hnüüp cu a ngawi ung kyin vai kyasei ami pawng m’hteim nak ah kyak ci.) Acun ah chang naw Pilat ah ang ghit ah va hteit ne Bawipa Jesuh ah a gook cu htüm vai ah vak thäh ci.

MATTHE 27:45

Kho hnüüp lung ung tün ne nayi thum lüng khai ah kho ah khan avan cu mü ne hmüp yawp ci.

LUKA 23:44

Kho hnüüp ng’lung ung tün ne kho k’awinu a khin ung khüt khai ah khomdek khan avan ung khohni kä dei ba ne shitne hmüp yawp ci.