JOHAN 18:8 - Cho Bible Common Language 2016

⁸ Bawipa Jesuh naw, “Ani cu kei nei, cine ka ning m’thein gui pyi ci, Nangmi naw kei nami na shui ci a kyak ung, shin ah chang gui hteit tei u sä” cik ci.

JOHAN 18:8 Referans Kwoze

1 PETER 5:7

Nami cäicat ng’ä ai nak phung avan ap vä, Khanpughi naw ngaih nah ne ning m’htei gui ci nei.

EPHESIAN 5:25

Pami gui, Bawi Khrit naw a hnun gui pe ne krihtabum cu am hni ah mäih ah, nami chu cu nami m’hni vai nei.

2 KORIN 12:9

Cun ung phi ani ah nam shan nak cu, “Nang nak tha a ken yah ung kei ah hlüngtai nak cu, ak kuikyang pi ah kyak ci, cun ah kyasei kei ah m’gein nak bäng cu nang ung hlü ciah kyak ci” ciah kyak ci. Cun ah kyasei kei cu Bawi Khrit ah hlüngtai nak ung ka ng’yii nak vai ah, kak tha a ken ah hmawk ah, yeikyai aih ne ka khäghah ci nei.

1 KORIN 10:13

Nangmi naw tuhbäi nami buiaut ah tüihtok nak gui cu, chang ung gawk law man ci bängbäng ah kyak ci nei. Khanpughi cu a shaitaak ah mäih ah om ciah kya ne, nangmi naw kä nami m’khüt vai ah tüihtok nak cu kä ning awt sak gui khai. Tüihtok nak nami awt law ung nami m’khütnäng nak vai ah k’thagui ning pe gui ne, nami phiawn nak vai ah lam ning m’hnuh gui khai.

JOHAN 16:32

Nangmi nami im phäh phäh ah püi ne nami dawng nak ba vai ah a khin gawk lawk khai nei. Kei cu ka mät nami na nawng shüt khai. Cun ung phi akcang ah ka mät kä ka om khai, Kapa naw na om püi khai.

JOHAN 13:36

Simon Peter naw, “Bawipa, ahawi ah na hteit khai?” cine ng’shik ci. Bawipa Jesuh naw, “Kei ah ka hteh nak ah tuhbäi kä na na läk hlawt khai, a ngawi ah vah na na läk hlawt khai” cine kiak nak ci.

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

JOHAN 10:28

Kei naw angtäi ghin nak ka peit gui ah kya ne, ngami kä si hlawt khai gui. A u naw kei ah kut ung kaa, ngami cu kä na gut hlawt khai.

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

JOHAN 18:7

Bawipa Jesuh naw, “A u nei nami shui” cine ng’shi ba gui mä ci. Ngami naw, “Nazareth Jesuh nei” cine pyein ba ci gui.

JOHAN 18:9

(Cun a ci cu, ‘Kapa, nang naw na na ap ah chang tumat phi kä dimaih khai’ a ci cu, a khüm vai ah hmawk ah kyak ci.)