JOHAN 18:4 - Cho Bible Common Language 2016

⁴ Bawipa Jesuh naw, amät ah khan ah gawk lawk khai gui avan cu hmat pyi netah, ami ma ah vang phäi ne, “A u ang nami shui” ci ne ng’shi gui ci.

JOHAN 18:4 Referans Kwoze

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

JOHAN 18:7

Bawipa Jesuh naw, “A u nei nami shui” cine ng’shi ba gui mä ci. Ngami naw, “Nazareth Jesuh nei” cine pyein ba ci gui.

LAMKTU 2:28

Ghin nak ah lam cu nah na m’shüm pyi ci, atäng ah nah na om püi nak naw na yei kiai sak khai nei” ci neh pyein ci.

SAM 27:3

Gaa kap mo ng’nän naw ami na koi ung phi kei cu kä ka kyik khai; Gaa gui naw ami na tuk ung phi, Khanpughi ung ka ng’ap kheng geng khai.

JOHAN 19:28

Cun kawn ah Bawipa Jesuh naw avan küm pyi ciah hmat netah, cacim ung om ci ang dang vai ah “Kei tui ka gha ci nei” cik ci.

JOHAN 13:11

(Bawipa Jesuh naw gaa ah kut ung ap khai ah chang cu hmat pyi ciah kya netah, tumat ah kawn ah nami van nami theing pyi ci nei’ aciah kyak ci.)

JOHAN 6:64

Cun ung phi nangmi ungka amshah naw kä yum ci” cine kyak na gui ci. (Kä yum tuk ciah chang gui la ga ah kut ung ap khai ah chang cu Bawipa Jesuh naw akhtük ge ung hmat ci.)

LUKA 24:44

Cun kawn ah Bawipa Jesuh naw, “Moses ah thukhän, profet gui ah cacim la Salan cacim ung, kei ah mawng ami guk gui phung cu, akcang ah küm khai nei, cine nangmi awn a täng ah ka om yah ung ka ning m’thein gui pyi ci. Ka pyein ah mäih ah tuhbäi küm law pyi ci nei” cine m’thein gui ci.

MATTHE 26:31

Cun kawn ah Bawipa Jesuh naw, “Khanpughi naw htoshäm cu ngawn khätah, hto gui cu püipiang yawp khai gui ciah, cacim ung a om ah mäih ah, tuhmü nangmi cu kei na nawng ne nami dawng yawp khai nei.

MATTHE 26:21

Ei ami ei yah ung Bawipa Jesuh naw, “Kei naw akcang ka pyein cu, chang tumat naw, kei cu ga ah kut ung na ap khai nei,” cine kyak na gui ci.

MATTHE 26:2

“Ak hnüüp hnih nak ung phiawn nak pawi om khai ah nami hmat ci. Cun yah ung Chang ah Htapa cu kutlam tung ung tai ne ami ngawn vai ah ga ah kut ung ap khai gui nei,” cine pyein ci.

MATTHE 16:21

Cun ah akhin ung tün ne Bawipa Jesuh naw ang düihpüi gui am akdei angdang ah am thein gui cu, “Kei cu Jerusalem ah hteit ne, pum im ung ang vai gui, taigüpa gui la thukhän saya gui ah kut ung dukdeiu nak ka gah khai, cun kawn ah sih nak ung na gawksak khai gui, cun ung phi ak hnüüp thum hnüüp sih nak ung kaa ka tho ba khai,” ciah kyak ci.

NG'THU K'THUUK~ 28:1

Chang shekha cu a u naw kä a gawt ung phi amät dawng ci, Cun ung phi düng ciah chang cu phongkawng ah mäih ah m’gäi ci.

SAM 3:6

A kit päng ung veing ne nak koi ciah ga phya khak phi kä ka kyih ci.

NEHEMIAH 6:11

Kei naw m’shang ne, “Kei cu dawng ci la ng’thup ciah chang ah ng’khaw ah kä ka kyak ci. Kei cu Taigüim ah ng’thup ne ka hnun ka k’phiawn khai ah na ngai ne ma? Cun ah kä ka kyak khai.”

1 GHANGPUGHANG GUI 18:10

Na Khanpughi, ghing ciah Bawipa ung kei ka ng’tam ci nei, khaw ah ka, a khawpäng päng ung nang cu ghangpughang naw ning shui sä. Khawpäng uktu naw a khaw ung nang kä na om ciah a pyen law ba ah a kyak ung acun ah uktu naw nang kä a ning hmuh ah mawng angkhäntam vai ah Ahab naw k’thäh khai nei.

1 PETER 4:1

Bawi Khrit cu pumsa awn geinvai nak aut pyi ci, acun ah kiasei nangmi cu Bawi Khrit ah m’lung ngaih ah mäih ah nami thamah vai. A i ah kyasei ci ung pumsa awn geinvai nak gah ciah chang cu, cheishoh nak naw kä k’phaa ba ci.

JOHAN 18:5

Ngami naw, “Nazareth Jesuh nei” cik ci gui. Bawipa Jesuh naw, “Kei cu ani nei” cik ci. Hnukuk Judas cu ngami awn a täng ah ng’düi tuk ci.