JOHAN 18:33 - Cho Bible Common Language 2016

³³ Pilat naw, a im kyong ah lut ba ne, Bawipa Jesuh cu khü netah, “Nang cu Jew chang gui ah ghangpughang ah na kyak ci ma?” ci ne ng’shik ci.

JOHAN 18:33 Referans Kwoze

JOHAN 19:12

Cun ah a pyein cu ng’ya netah Pilat naw, Bawipa Jesuh k’phiawn nak vai ah lam cu shui ci. Cun ung phi chang gui naw, “Ani nak phiawn ah a kyak ung, nang cu ghangpughang ah teihpüi ah kä na kiak khai. Amät naw amät ghangpughang ah pyein ciah chang cu, ghangpughang ng’küütneet püi ciah kyak ci nei” cik ci gui.

JOHAN 19:3

A pei ah hteit u netah, “Jew ghangpughang ak shou ghing sä” ci ne m’lau u ne, a hmai ung k’beeih ci gui.

JOHAN 18:37

Pilat naw, “Cun ung nang cu ghangpughang ma?” cine ng’shi ba ci. Bawipa Jesuh naw, “Nang naw kei cu ghangpughang ah na na pyein ci, kei cu düngnak bäng ka pyein khai ah ng’tüi ne m’dek khan ah ka lawk ci. Düngnak awn om ciah chang phung naw kei ah ng’thu cu ngai ci gui” ci nak ci.

JOHAN 12:13

Ngami cu hliip hnah, m’chum hnah gui kawt ne law u netah, “Khanpughi ah bämang nak cu m’hlüngtai vä! Khanpughi ah ang ming awn kyum lawk ciah Bawipa ah khan ah hlüngtai nak om sä! Israel Ghangpughang ah khan ah Khanpughi ah m’shumphyuk nak om sä!” cine m’lau ne Bawipa Jesuh cu ana dou ci gui.

MAKUH 15:2

Pilat bawi naw, “Nang cu Jew chang gui ah ghangpughang akcang ah na kyak ci ma?” cine ng’shik ci. Bawipa Jesuh naw, “Nang ah pyein ah kyak ci nei” cine pyein ci.

MATTHE 27:11

Bawipa Jesuh cu Roman bawi ah ma ah gawk law khätah, ani naw, “Nang cu Jew chang gui ah ghangpughang ah na kyak ci ma?” cine ng’shik ci.

ZEKHARIAH 9:9

Zei vä, yei vä, Zion Chang gui, Zei ne m’lau vä, Jerusalem Chang gui! Ani cu m’khüt nak la näng nak awn lawk ci nei! Teng vä, nami ghangpughang cu lawk ci nei! Cun ung phi m’lung neim nak awn Ng’sehta ng’cuum ne lawk ci, cun cu Ng’se am ca hta, ng’se a nu ah a hta ah kyak ci.

1 TIMOTHI 6:13

A päng avan am ghin nak pek ciah Khanpughi la Pontius Pilate ah ma ah a yum nak a kheng geng ah m’dang ciah Khrit Jesuh ah ma ah kei naw thukhän ka ning pek ci,

JOHAN 19:9

Cun ah kyasei kyong ah lut law ba netah, Bawipa Jesuh-am, “Nang a hawi kaa na lawk ci ang?” cine ng’shik ci.

JOHAN 12:15

Nami Ghangpughang cu ng’se nong ung cun ne gawk lawk ci nei” ciah om ci.

JOHAN 1:49

Nahtanelah naw, “Rabbi, nang cu Khanpughi ah Htapa ah na kyak ci, Israel ah Khanpughi ah na kyak ci” cik ci.

ZEPHANIAH 3:15

Bawipa naw aning m’kyuk nak gui ng’pyi sak ci nei; Ani naw nami ga avan k’täm pyi ci nei. BAWIPA, Israel ghangpughang cu nang awn atäng ah om ci nei; Tuhbäi kyih vai ah mawng a i kä om ba ci nei.

JEREMIAH 23:5

Bawipa naw pyen ci, “Ng’düng ciah David ah ghangpughang ah htangshon ghangpughang ah kei naw ka ghü nak vai ah akhin gawk lawk ci nei. Cun ah ghangpughang naw cüivai ne uk ne, khaw avan ung düng nak la taga nak cu bik ci nei.

MATTHE 27:27

Pilat ah gakap gui naw, Bawipa Jesuh cu bawi ah mang im ah hteih püi ci gui. Gakap-mo mawng ät ami van naw Bawipa Jesuh cu k’bui ci gui.

LUKA 23:2

Ngami naw, “Shin ah chang kami pha ah mawng cu Khanpughi-am k’phlam kä pe ba vä, cine chang gui m’cäi gui ne, amät naw amät phi ‘Kei Messiah nei, Kei ghangpughang nei’ cine kya sei, kami hmuk ci nei” cine kyak ci gui.

JOHAN 18:34

Bawipa Jesuh naw, “Shin cu nang gawmang, na mät ah ngaih ah na na ng’shi ang, kä cun ung kei ah mawng chang hei naw ning m’thein pyi ne ang?” cine ng’shi tu ba ci.

JOHAN 18:38

Pilat naw, “Düngnak cu a i ang?” cine ng’shi ba ci. Cun kawn ah Pilat cu chang gui ah ma ah lut law netah, “Ani ung m’kat nak vai ah katnak kä ka hmuk ci.

JOHAN 19:4

Pilat cu lut law ba mä netah, chang gui-am, “Ani ung sih nak vai ah katnak kä ka hmuh ah mawng cu, nangmi naw nami hmat vai ah nami ma ah ka law püi khai nei” cik ci.