Biblia Todo Logo
Bib sou entènèt

- Piblisite -




JOHAN 18:28 - Cho Bible Common Language 2016

28 A ngawi ung kho ngawi hta Bawipa Jesuh cu, Kaiaphas ah im ung kaa naw, gawmang ah im ah hteh püi ci gui. Jew chang ng’vai gui cu phiawn nak mü ei ami ei vai ng’et law sei, ami mät naw ami mät ami yum nak lam awn theing sak hlü u netah gawmang ah im kyong ah kä lut tuk ci gui.

Gade chapit la Kopi




JOHAN 18:28
33 Referans Kwoze  

Cun ah kyasei kyong ah lut law ba netah, Bawipa Jesuh-am, “Nang a hawi kaa na lawk ci ang?” cine ng’shik ci.


Pilat naw, a im kyong ah lut ba ne, Bawipa Jesuh cu khü netah, “Nang cu Jew chang gui ah ghangpughang ah na kyak ci ma?” ci ne ng’shik ci.


Cun cu phiawn nak pawi a ngawi ung ami tün nak vai, hnüüp ng’lunglai yah ung ah kyak ci. Pilat naw, “Teng vä, nami ghangpughang” cine Jew chang gui-am pyen na gui ci.


Pilat ah gakap gui naw, Bawipa Jesuh cu bawi ah mang im ah hteih püi ci gui. Gakap-mo mawng ät ami van naw Bawipa Jesuh cu k’bui ci gui.


Abraham, Issak, Jakob ni ah Khanpughi, mipu pa gui ah Khanpughi naw, ak changshäm Bawipa Jesuh am khankho bä khäk nak cu pe pyi ci nei. Cun ung phi nang mi naw ga am ap neh, Pilat naw k’phiawn vai ah k’bäi sei phi, Pilat ah ma ah nami k’she dam nah pyi ci nei.


Jew chang vai gui ah pasakha pawi ng’et law ciah kyasei, pigaw yung ah chang gui pawi kä a gawk law pha ung theingthap nak bi vai ah Jerusalem ah gawk lawk ci gui.


Ngahmi naw, “Nang cu vun aat nak kä bik ci gui ah chang gui ah hteit ne ngami awn a täng ah na ei awk tuk ci nei” ci nak ci gui.


Cun ah chang gui am Peter naw, “Jew chang tumat cu chang pakhui hei ung kä ah khawtsheng tu vai, kä ah ng’et sheng tu vai, ciah yum nak cu nami hmat pyi ci. Cun ung phi, a u shekak ci, a u kä theingthap ci, cine käm khoichaa vai ah Khanpughi naw nam hnuh pyi ci nei.


Cun ung phi nangmi ah thung ah phiawn nak pawi ah kyong ung thawng cun ci tumat cu ka phiawn sak ci man ci. Nangmi ah hmawk ah Jew Ghangpughang cu kak phiawn vai nami ng’ya hlü ne ang?” ci ne ng’shi gui ci.


Ang yän nak ung akshe ah ngaih-tüh neta, khaw a thaih law ung a cun akcang ah bik ciah chang gui cu katnak om ci. Cun cu a i hlawk ah ng’yiin khai aw?


Khawihnah nak hmun tumat ah hteit neta, Bawipa nami Khanpughi m’tamkhah nak ah phyawn nak pawi ei vai ah sei, kä cun ung htome tumat cu nami ngawn vai.


Kho thai law khätah Jew chang ng’vai gui ah kyak ciah taigüpa gui la thukhän saya gui cu ng’cut u netah Bawipa Jesuh cu Kongci yung ah hteh püi ci gui.


Gakap gui naw Bawipa Jesuh cu gawnu bawi ah im ah hteh püi u netah gakap nawng ät naw’ koi ci gui.


“A cha ät nak ah a hnüüp gha lei phli ung phiawn ak pawi cu nami tün khai. Khaw hnüüp chih ung chang päng naw k’caw kä shum ah m’htut cu ei khai.


Chang shekha gui cu cheishoh nak kä ami bi ung kä ip hlawt ci gui. Chang tumat kä ami m’di ung kä cimgang ci gui.


Ngami cu akshe bi vai ah kä ng’giin ci gui. Chang ngawn vai ah patyaang ci gui.


Shum khem ci ami gaih tu ah chang ah mäih ah ami hahtui ne, na gen ci gui nei.


Ani cu cun kum Taigü Tung ah kyak ciah Kaiaphas ah ak kawi ah kiak ci.


Simon Peter la a hei ang düihpüi tumat cu, Bawipa Jesuh ah hnu ah läk tuk ci goi. A hei ang düihpüi tumat cu Taigü Tung awn ng’hmat ci goi kya ne, Bawipa Jesuh awn a täng ah Taigü Tung ah im ng’vonh kyong ah hteit tuk ci.


Bawipa Jesuh naw, “Kei ah khan ah cun ah na bi nak hning vai cu, Khanpughi ah ning peit ah kyak ci. Nang ah kut ung kei na ap lawk ciah chang cu a katnak däm pi ci” cine pyen nak ci.


A cun ah mäih ah Herod lah Pontius Pilate cu, chang pa hei gui lah Israel chang gui awn a täng ah Messiah ah nam düih, na chang shäm ah Bawipa Jesuh cu hnu ng’tuk püi vai ah ng’bum man ci gui nei.


Cun ah kyasei Joppa pigaw ah chang tüi ne, Simon Peter ming nak ciah chang cu na khaw vai. Ani cu tuinu kam pei ah mehvun pyang ciah Simon ah im ah om tuk khai nei” cine pyein ci.


Swiv nou:

Piblisite


Piblisite