JOHAN 18:20 - Cho Bible Common Language 2016

²⁰ Bawipa Jesuh naw, “Kei naw chang gui ah ma ah ang dang ah kam thein gui ci. Jew chang gui ah ng’bum nak ah kyak ciah pum im la taigü im ung vah kei naw kam theithang gui ci, a i yah ung phi ng’yih kuh ne kä ka ng’thu man ci.

JOHAN 18:20 Referans Kwoze

JOHAN 7:26

Teng vä, ani naw, chang khli naw a hmuhmat vai ah m’theithang ci nei. Cun ung phi a u naw phi kä maa nak ci nei. Ani cu Messiah ah kyak ci, ciah ang vai gui naw phi akcang ah hmat u ne ang?

MATTHE 4:23

Bawipa Jesuh cu Kalile kho avan ung hteit ne pum im gui ung m’theithang gui ci. Khankho ah mawng ng’thu phi pyein ci, a hlü hlü ah gawpai ci gui phi gai sak gui ci.

ISAIAH 48:16

“Tuhbäi ka pei ah law ne, ka pyen cu ngai lawä. Ak htük ung kei cu akdeidang ah ka ng’thu ci, ka ng’thu angtäi sei akcang ah kyak sak ci.” (Tuhbäi uk tu Bawipa naw a huham na pe ne na tüi ci.)

LUKA 21:37

Bawipa Jesuh cu kho hnüüp yah ung pum im ah m’theithang gui ne, khomü lam ah Olive khomhtung ah kai ci ci.

JOHAN 7:4

Ming thang hlük ciah chang naw a u naw phi a bilawh cu käm yih man ci nei. Nang naw cäi aih gui vai na bi ba ung, khomdek ah khan ung chang avan naw a hmat vai ah na bi vai nei” cine pyein ci gui.

LUKA 4:15

Ani naw chang gui ah pum nak päng ah hteit ne m’theithang gui sei, chang gui naw m’hlüngtai ci gui.

MATTHE 26:55

Cun kawn ah Bawipa Jesuh naw, chang gui-am, “Nangmi cu m’gut ei pha ah mäih ah kei nami na phak khai ah, htung tawn ni khim ni kawt ne nami lawk ci ma? Kei naw ak hnüüp tä pum im ung ngo ne kam theithang yah ung nangmi naw kei kä nami na phak ci maw?

MATTHE 9:35

Bawipa Jesuh cu gawnu, gawhta apigaw päng ung hteit ne, pum im gui ung m’theithang gui ci. Khanpughi ah uknak kho a mawng thu k’ni gui cu m’theithang gui ne, gawpai nak a hlü hlü ung gawpai ci gui phi gai sak gui ci.

ISAIAH 45:19

Kei naw m’zih ne thu kä ka pyen ci, ka ng’bü nak phi kä ka thup ci. Israel chang gui naw a khaw shiu ah kei ami na shui vai ah kä ka k’thäh man ci. Kei cu Bawipa nei, düng ciah thu ka pyen ci nei; kei naw hman ci cu ka ng’hmat sak ci nei.”

JOHAN 8:26

Nangmi ah mawng ka pyein vai akda om ci, nami katnak ka ning m’kat gui vai phi akda om ci. Kei na tüi lawk cicu düng ci, ani ung kang yak gui bäng vah, khomdek chang gui-am ka ning m’thein gui ci,” cine pyen na gui ci.

JOHAN 8:2

Cun ung phi Bawipa Jesuh läi cu Olive m’htung ah kai ci. A ngawi ung kho ngawi hta ah Taigüim ah hteit ba ne chang gui akda law u sei, ngo netah m’theithang gui ci.

JOHAN 7:28

Taigü im ung m’theithang gui ne a om yah ung Bawipa Jesuh naw, “Nangmi naw kei cu nami na hmat ci, a hawi ah kaa ka law phi nami hmat ci. Cun ung phi kei cu ka mät ah ngaih ah ka lawk ciah kä kyak ci, kei na tüi lawk cicu düng nak awn kümbe ci, ani cu nangmi naw kä nami hmat ci.

JOHAN 7:14

Pawi ami bi nak kho hnüüp cawih cawih law khätah, Bawipa Jesuh cu Taigüim ah hteit ne m’theithang gui ci.

MATTHE 26:65

Cun ci khätah taigütung naw, amät ah yih sui shum ne pang netah, “shin ah chang naw Khanpughi kat na ne, thu pyein ci nei, saksi kä hlü ba te ci nei. Khanpughi kat na ne ang thu cu tuhbäi nami ng’ya yawp ci nei.

LAMKTU 26:26

Ghangpughang mang aw, nang naw shin ah a mawng cu na hmat pyi ci kiasei, na ma ah shicha ka pyein hning ah kyak ci nei. Shin ah a mawng gui cu ang thuh nak ung dang ciah kä kyak ci, nang ghangpughang naw phi avan na hmat pyi ciah ka ngai ci nei.

MATTHE 24:26

“Chang gui naw, ‘Teng vä, Messiah cu bungpuk ah om ci nei,’ ami ci ung phi kä nami teng-en vai, im kyong ah om ci nei’ ami ci ung phi kä nami yum-en vai.

SAM 40:9

Bawipa, na chang gui avan kami ng’bum nak ung, Na na hun gui ah mawng thu ni cu ka pyen khai nei. Kei naw kä ng’düm phung ne ka pyen vai cu nang naw na hmat ci nei.

SAM 22:22

Nang ah bi ah mawng cu ka chang gui-am ka m’thein gui khai nei; Ngami ah ng’bum nak ung ka ning m’taam khai nei.

MAKUH 8:32

Cun gui cu Bawipa Jesuh naw akdei dang ah m’thein gui ci. Cun ah kyasei Peter naw Bawipa Jesuh cu ang thuh nak ah khü netah, m’kat ne ng’thu püi ci.

JOHAN 6:59

Shin gui cu Kapernaum gawnu ah pum im ung Bawipa Jesuh naw am theithang gui ah kyak ci.

JOHAN 18:21

Cun ah kyasei a i vai, k’cet ne kei cu na na ng’shi ang? Kei ah m’theithang ngai ng’yak ci gui cu ng’shi gui ä, kei naw a i ah kam theithang gui cu ng’shi gui ä, ngami naw hmat ci gui nei” ci ne pyen nak ci.