JOHAN 18:12 - Cho Bible Common Language 2016

¹² Gabawi ah khawng Roman gakap gui la, im ngäng ciah Jew chang gui naw, Bawipa Jesuh cu pha ne khit u netah, Annas ah hteh püi ci gui.

JOHAN 18:12 Referans Kwoze

JOHAN 18:3

Cun ah kyasei hnukuk Judas naw, Roman gakap gui la, taigüpa gui la Pharisee gui ngäng gui ciah chang gui cu thäm ne law püi gui ci. Ngami cu mei im ni mei k’däi ni, sehnet gui ni kawt ci gui.

MATTHE 26:57

Pha lawk ci gui ah chang gui naw Bawipa Jesuh cu taigütung Kaiaphas ah im ah hteh püi ci gui. Acun ah thukhän saya gui la ami ng’vai gui cu ng’cut ne om ci gui.

LAMKTU 21:37

Gaakap gui naw Paul cu im kyong ah luh law püi vai u khätah, Paul naw gaakap bawi am, “Nang a pi ah ka ning thu püi hlük ci” cine pyein ci. Gaakap bawi naw, “Nang Krik thu ah na ng’thu thei ne ang?

LAMKTU 21:31

Chang gui naw Paul cu ngawn vai ah ami tha nak yah ung, Roman gaakap bawi naw, Jerusalem gawnu avan ung thüngkyüng thüngphyong ci, cicu ng’ya netah,

LUKA 22:54

Cun ah chang gui naw Bawipa Jesuh cu pha u netah, taigütung ah im ah hteh püi ci gui. Peter cu ng’shawng pi pi ne läk law gui ci.

MAKUH 15:1

A ngawi ung khongawi htaksiik ah taigüpa gui cu, Jew chang ng’vai gui, thukhän saya gui la, kawngsi yung bawi gui awn ng’hmu ne ng’ge u netah, Bawipa Jesuh cu khit u ne Pilat bawi ah hteh püi ci gui.

MAKUH 14:53

Ngami naw Bawipa Jesuh cu Taigütung ah im ah hteh püi ci gui. Taigüpa gui, Jew chang ng’vai gui la thukhän saya gui cu a cun ah im ah ng’cut lawk ci gui.

MATTHE 27:2

Cun kawn ah Bawipa Jesuh cu khit netah, Roman bawi Pilat ah hteh püi ci gui.

SUKI GUI 16:21

Philistin gui naw ani cu pha u neta amik cu kawih ci gui. Cun kawn ah kaza ah hteh püi u ne, kyei gui awn khit u neta, thawng im kyong ah gawtlung gawt sak ci gui.

ATÜNNAK 22:9

Khanpughi naw am shüm nak ah hmun ah gawk ni neta, Abraham naw khawih kiang co ne, sing k’kyäng ne pyang ci. Cun kawn ah a hta Isaak cu gui awn pin ne khit neta, sing k’kyäng khan ah han taih ci.

LAMKTU 23:10

Ami ng’cuhcan nak cu däm law pi k’täi khätah, gakap ng’vaipi naw Paul cu ami ngawnsheh law vai ah ng’ä netah, gaakap gui am Paul cu m’htei ne yung im kyong ah ami hteh püi ba vai ah pyein ci.

SAM 118:27

Bawipa cu Khanpughi nei; Ani cu mikmi ah khan ah ni aih ci nei. Nami kut ung sing ban gui kawt ne, pawi cu tün vä, sonkiang cu veing ne hteit vä.

ATÜNNAK 40:3

cun goi cu pha goi ne, Joseph ami chum nak ah gabawi ah im ung chum tu goi ci.

MATTHE 27:27

Pilat ah gakap gui naw, Bawipa Jesuh cu bawi ah mang im ah hteih püi ci gui. Gakap-mo mawng ät ami van naw Bawipa Jesuh cu k’bui ci gui.

LAMKTU 10:1

Sisaria gawnu ah Konelius ming nak ciah chang tumat om ci. Ani cu Itali ming nak ciah Roman gaakap shekshen ung kaptain ah kya ci.