JOHAN 18:11 - Cho Bible Common Language 2016

¹¹ Bawipa Jesuh naw, “Na chim cu bun ba ä, Kapa naw ana peit ah yaica nak ah khap cu kei naw kä ka awk khai ah na ngai ne ma? ci ne Peter cu m’cäi ci.

JOHAN 18:11 Referans Kwoze

MATTHE 26:39

Cun kawn ah ama lam ah api vang nawn ne, khomdek ung ng’bawk netah, “Oh, Kapa bäpi khai a kyak ung shin ah yaica nak ah khap cu na hen pe ba ä, cun ung phi kei ah ng’yak hlü ah kä kyak ci, na mät ah ng’yak hlü ah kya sä,” cine taigü ci.

MATTHE 20:22

Bawipa Jesuh naw, “Nangmi a i nami ng’yoih ah nami mät naw kä nami hmat ci, Kei ah awk nak yaica nak ah khap cu, nami aw tu hlawt khai ang?” cine a hta goi cu ng’shi goi ci. Ngani naw, “Kani aw tu hlawt khai nei,” cik ci goi.

JOHAN 20:17

Bawipa Jesuh naw, “Kei cu kä na k’pang-en ä, Kapa ah kä ka kai ba phak ci, cun ung phi ka nau gui ah hteit ne, Kei ah Kapa ah kyak ciah nami Pa, Kei ah Khanpughi ah kyak ciah nami Khanpughi ah om nak ah ka kai ba vai ah mawng cu m’thein gui ä” cik ci.

JOHAN 15:10

Kei naw Kapa ah thukhän läk ne ani ah m’hni ah ka om ah mäih ah, kei ah thukhän nami läk ung kei ah m’hni ah nami om khai.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

2 KORIN 10:4

Keimi ah kawh ah likhim cu chang ah kawh ah likhim ah kä kyak ci, gaa ah manggaw näng nak ah khanpughi ah hlüngtai nak likhim ah kyak ci.

LUKA 22:42

Aw Kapa, nang yak hlü a om ung shin ah yaica nak ah khap cu kei ung nang shawng sak ä, cun ung phi kei ah ng’yak hlü ah kä kya ne, na mät ah ng’yak hlü ah kya sä” cine taigü ci.

MATTHE 26:42

Bawipa Jesuh cu ang hnih vei nak ah hteit ba mä netah, “Oh Kapa shin ah yaica nak ah khap cu kei naw kä ka awk ung käng phlän khai ah a kyak ung, nang ah ng’yak hlü ah kyak sä,” cine taigü ci.

2 KORIN 6:7

ng’düng ciah ng’thu pyein nak la Khanpughi ah hlüngtai nak awn phi bäi, keimi cu Khanpughi ah changshäm ah kami kyak ah mawng cu kami dang sak ci. Ng’tuk bi nak la gaa shung nak ung, ng’düng nak cu, kami li khim ah mäih ah kami mang ci.

JOHAN 18:36

Bawipa Jesuh naw, “Kei ah uknak kho cu shin ah m’dek khan awn kä shigaa ci; kei ah uknak kho cu shin ah m’dek khan awn ashigaa vai sü ung, Jew chang gui ah kut ung kä ka gawk khai ah ka ng’khah püi gui naw ng’tuk bik khai gui süte. Kei ah uknak kho cu shin ah m’dek khan awn kä shigaa ci nei” cine pyein ci.

JOHAN 17:24

O Kapa! Khomdek kä ah ng’tüi pha ung nang naw na na peit ah bämang nak cu, kei-am nang naw na na ap ah chang gui naw, ami hmuh tu vai ah ngami cu kei awn na om sak gui ä.

LUKA 12:30

Cun gui nangmi naw nami ng’yak hlü cu nami Pa Khanpughi naw hmat pyi ci.

EZEKIEL 23:31

Nang naw na paihta ah khaw neh cu na läk ci, Cun ah kyasei kei naw na awk vai ah m’kyuk nak cu acun ah khap ung ka ning pek khai.”

SAM 75:8

Bawipa naw khap cu a kut ung kawt ne, sü ciah am lung she nak awn be sak ci. Ani naw kei sei changshe gui ami van naw awk ci gui; m’sing ne aw yawp ci gui.

2 SAMUEL 16:10

Ghangpughang naw Abishai la ana Joab am, “Shin cu nang ah bi ah kä kyak ci, ana shai nak cu Bawipa naw a shai vai ah am thein nei, a i ah kyasei shin ah abi cu ani naw ng’shi hning ci nei.