Biblia Todo Logo
Bib sou entènèt

- Piblisite -




JOHAN 18:1 - Cho Bible Common Language 2016

1 Cun ah ak taigü kawn ah Bawipa Jesuh cu ang düihpüi gui awn atäng ah Kidron tuilawng cu hei kan ci gui. A cu ah lo-chaam tumat om ci, ngami cu acun ah lo-chaam kyong ah hteit ci gui.

Gade chapit la Kopi




JOHAN 18:1
25 Referans Kwoze  

Bawipa Jesuh la ang düihpüi gui cu, Ketsemane kho hmun ah gawk law u netah, Bawipa Jesuh naw, “Kei ka taigü yah ung shin ung ana ngo vä” cine m’cäi gui ci.


Cun kawn ah Bawipa Jesuh cu ang düihpüi gui awn Ketsemane ami ciah kho hmun ah htei ci gui. Bawipa Jesuh naw, “Nangmi shin ung ana ngo vä, kei a hei ah hteit ne ka taigü khai,” cine ang düihpüi gui cu m’cäi gui netah;


David ah hnu läk gui naw hteh ta gui u sei, chang gui cu kyap m’lau ci gui. Ghangpughang naw Kidron tui lawng cu kat sei ak chang gui naw kat tuk ci gui, ngami cu a täng ah bung täng ah hteit ci gui.


Taigü Tung ah changshäm, Peter naw ak hnga a tuk hlang ah a paw naw, “Nang, ani awn a täng ah lo-cham kyong ah ka ning hmu goi ciah kä kya ne ang?” cine ng’shik ci.


Cun ung phi kei naw Kapa kam hni cu m’dek chang avan naw a hmat vai nei, Kei naw Kapa cu m’hni ne a nam cäi phung avan ka bik ci, ‘Law vä a hei ah mi hteit kaw’ cik ci.


Aksi gui ami phuh nak la ng’awt ami gawh nak ah khong nawi la kidron tuihta ah ahan khan khobung avan, ak kyang täng ng’se m’kawt ung khüt cicu kei ah phäh ah a theingcim hmun ah a kyak khai. Mang gaw cu a u naw phi ka shu sheiuh kä m’di m’shum ba khai.”


Ngami naw Jerusalem ung sonkian avan khawihnah douthak nak la ang ui m’khih nak ah avan cu la u ne, Kidron kho ng’nawi ah ghawt ci gui.


Ghangpughang Asa naw a pighi Maakah, ghangpughang ah nu ah a kyak nak cu hen pek ci, a i ah kyasei ci ung ani naw kä teng phyak ciah khaw ng’lei ah ni nak khanpughinu Asherah ah gup a pyan ah phäh ah kyak ci. Asa naw a gup cu tu hnget ne, k’shom neta, akhui ah phyit ne Kideon khaw ng’nawi ung mei awn m’khih ci.


Ghangpughang Ahaz ah om nak ah khan, mang im ah ak cih khan ung Judah ghangpughang gui naw ami cawh ah sonkiang gui la Taigüim hmun goi ah anglak ung ghangpughang Manasseh naw a cawh ah sonkiang gui cun phi Ghangpughang Josiah naw phye ne; khui ne ng’pyäuh khai ah ci neta, Kidron Khongnawi ung ghawt ci.


Ani naw khanpughinu Asherah ah a gup cu mang gaw ungka, Kidron Khongnawi ah hteh püi neta, mei awn m’khih ci, m’vut cu khui khai ah güt neta, ng’phuh-hmun ah khan ah phyang ci.


Ani naw apighi Maakah phi ghangpughangnu a kyak nak ungka k’täm ci, a i ah kyasei ci ung ani naw ng’lei ani nak khanpughinu Asherah ah gup cu shemshai khai ah a pyan ah phäh ah kyak ci. Asa naw a gup cu shawm neta Kidron khong nawi ung m’khih ci.


Khanpughi Bawipa naw chang cu ang tüi law nak ah khomdek ung kholo khai ah Eden dum ungka naw k’tääm ci.


Cun kawn ah Bawipa Jesuh la ang düihpüi gui cu, m’hlüngtai nak ng’äi m’cu u ne Olive khomhtung lam ah hteit ci gui.


Cun kawn ah ngami cu ng’äi m’cu u ne Olive khomhtung lam ah hteit ci gui.


Bawipa Khanpughi naw chang cu la ne Eden dum cu bi ne m’htei khai ah tha ci.


Nang naw hteh ta ne, Kidron tuilong aka täng ah na hteh a khoi ung, nang cu ang ghit ah na sik khai nei, na mät cu katnak na gah khai nei.”


Cun kawn ah Josiah naw Taigütung Hilkiah, aka ungka taigü gui la Taigüim luh nak ung ngäng ciah chang gui am Baala khawihnah nak ung ami mang gui ah khanpughinu Asherah, aisi gui cu Taigüim ah akpung ah hteh püi sak gui ci. Ghangpughang naw cun gui avan cu mang gaw ah akpung Kidron Khongnawi ah m’khih ne, m’vut cu Bethela ah hteh püi ci.


Taigü gui cu Taigüim theingthap sak khai gui ah akyong ah lut u neta kä theingthap ci gui cu Taigüim caw ah luh law püi u sei, cun gui cu Levit gui naw avan mang gaw akpung ah hteh püi u ne, Kidron Khongnawi ah hteh püi ci gui.


Kidron khaw ng’nawi täng ah yu kyum ne, laa ng’cuum ne k’pang cu ka teng ci. Cun kawn ah ka law nak täng ung ng’hlat ba neta, khaw ng’nawi m’kawt ungka taigü naw mang gaw kyong ah ka lut ba ci.


Ani cu keimi ah om nak ah law ne, Paul ah khei khih nak la ne, akut a khaw cu pin netah, “Shin ah kheikhih nak ka nak ciah chang cu, Jerusalem ah Judah chang gui naw, a shin ah mäih ah khit ne pin u netah, changpakhui hei gui am ap khai gui nei, ci ne Mumcha Theing naw pyein ci nei” cine pyein ci.


Cun cu chem ne ak khan ah situi awn shawi neta, douthak ne pek vai.


Law vä, mi hteit kaw, ga ah kut ung kei na ap khai ah chang cu gawk law pyi ci nei” cine pyen na gui ci.


Swiv nou:

Piblisite


Piblisite