JOHAN 17:17 - Cho Bible Common Language 2016

¹⁷ Nang ah hmawk ah ngami cu düng nak awn khoi ne om sak gui ä, Nang ah thu cu düng ci.

JOHAN 17:17 Referans Kwoze

JOHAN 15:3

Nangmi cu kei ah m’theithang nak awn nami theing cim pyi ci.

SAM 119:160

Na thumkhän ah m’lung cu k’cang nak ah kyak ci, ng’düng ciah na ng’thumcha nak avan cu ng’täi ci.

EPHESIAN 5:26

Bawipa naw a hnun gui a peit nak cu, krithtabum theing sak ne, ang thu awn Khanpughi am ap sei;

JOHAN 17:19

Ngami naw bi bi nak vai ami pumsa ami ap nak hlawt vai ah, kei naw ngami ah hmawk ah ka pumsa cu ka ap ci.

JOHAN 8:32

Nangmi naw düng nak cu nami hmat khai, düng nak naw nangmi cu ning m’hlawt gui khai,” cine pyen na gui ci.

JAMES 1:21

Cun ah kyasei, kä nik ciah om ih la shekak ciah hnünthawh nak cu nami ng’cim sak vai nei. Khanpughi cu dou ne, Khanpughi naw nami m’lung kyong ah a geit ah thu cu nami kutshum vai, acun naw nangmi cu ning hun gui hning ci.

2 THESSALONIAN 2:13

Phäi nau gui aw, Keimi naw Bawipa naw a ning m’hni gui ah nang mi ah hmawk ah angtäi sei Khanpughi cu kami m’kümto khai nei. Khanpughi naw nangmi ak htük bäih ah hun nak nami gah khai ah a ning khü gui cu, Mumcha Theing ah hlüngtai nak awn theingcim ciah akchang ah nami kyak ah hmawk la cacim nami yum ah hmawk ah kiak ci.

SAM 119:11

Na thukhän cu ka m’lung ung ka chum ci nei, Ning hnu ng’tuk püi ne katnak kä ka bik khai nei.

EPHESIAN 4:21

Bawipa ah mawng cu akcang ah nami ng’ya pyi ci nei. A hnu läk ciah ak chang gui nangmi naw Bawi Jesuh ung Thu thuuk ah mawng cu nami theithang pyi ci nei.

SAM 119:9

Chang nong naw a ghin nak cu a i cha ah theingcim sak khai ang? ci ung, nang ah thumkhän läk nak awn kyak ci.

SAM 119:104

Kei cu thukhän awn ka cüivai lawk ci kya ne, akshe bilawh phung cu ka thüi nak ci nei.

SAM 12:6

Bawipa ah a shaitak cu a ng’ciim ah kyak ci; Cun cu mei hungling ung chih vei shong ne ami m’cin ah ngui ng’siing ah mäih ah kyak ci.

LUKA 8:15

Ng’lei k’ni ung kya lawk ciah m’shi ci cu, Khanpughi ah ng’thu ang yak kwn ah nik ci la ng’düng ciah, m’lung khäng htek khai ah yum ne, vuipai m’theih tak ciah kyak ci.

2 SAMUEL 7:28

“Tuh bäi uktu Bawipa, nang cu Khanpughi nei; nang naw angtäi sei na shaitak cu na k’pang ci, nang naw shin ah cäicat vai ah shaitak cu kei ung na bik ci.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

LAMKTU 15:9

Bawipa naw ngami cu mikmi awn kä na ng’thumcha gui ci; ngah mi naw ami yum ah hmawk ah ami katnak cu m’gein gui ci.

LUKA 8:11

Shin ah m’tumtäng ne pyein nak hlü cu; m’shi cu Khanpughi ah ng’thu ah kyak ci.

JOHAN 8:40

Khanpughi ah ng’thu kang yak ah mäih ah kei naw ka ning m’thein ba gui ci, cun ung phi nami na ngawn khai ah nami tha nak ci, Abraham naw cun ah kä bi te ci.

SAM 119:144

Na m’shüm thein nak cu angtäi sei taga ci, hmuhmat nak cu na yuk pe ä, kei ka ghing khai nei.