Biblia Todo Logo
Bib sou entènèt

- Piblisite -




JOHAN 17:13 - Cho Bible Common Language 2016

13 Tuhbäi kei cu nang ah ka lawk khai nei. Ngami kei ah yeikyai ah mäih ah ami yeikyai nak a be vai ah, m’dek khan ah ka om yah ung shin ah ng’thu ka pyein ah kyak ci.

Gade chapit la Kopi




JOHAN 17:13
17 Referans Kwoze  

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.


Cun ung phi Mumcha ah m’theih tak läi cu, m’hni nak, yeikyai nak, dimdeeih nak, hnimgei nak, ng’awi ng’gi nak, ni kyom nak, bekhüt nak;


Shin ah ng’thu ka pyein cu, kei ah yeikyai nak nangmi ung gawk sei, nangmi ah yeikyai nak a khüm be vai ah hmawk ah kyak ci.


Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.


Keimi naw yeikyai nak kümbe sei kami gah nak vai ah shin ah ca kami guk law nei.


Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.


Kei naw ka pyein vai akda om pang sei phi, ca awn kä ka gu ba hlük ci nei. Mi van kümbe sei mi yeikyai nak vai ah, nami om nak ah ka mät law ngä sei, ng’hmuh ne mi ng’thu vai ka yum ci nei.


Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.


Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.


Ang phli li sei geit m’shi phu ci gui Yeikyai ne khäm ba khai gui!


O Khanpughi na mang kiang ung ka hteh law ung, nang cu ka yeikyai nak ah ang yung ah na kyak ci. Kei naw tingtäng tum ne, ng’äi awn ka ning m’tam khai nei, O Khanpughi, ka Khanpughi.


Tuhbäi nami im ah hteit ba ne ng’ei awk vä. A ei vai kä büh ciam nami buh nami sapyit tui cu teipai tu vä. Tuhngawi cu mi Bawipa ah ma ah theingcim ci nei, cun ah kyasei kä nami thüi vai nei. Bawipa naw aning pek gui ah yeikyai nak naw nangmi cu ning khüighat sak gui khai nei.”


Antiok gawnu ah yum ciah chang gui cu yeikyai u ne Mumcha Theing awn küm be ci gui.


Bawipa Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei.


Kei cu tuhbäi nang ah ka lawk khai kyasei, m’dek khan ah kä ka om ba khai, cun ung phi ngami om ba khai gui. Theing cim ciah Kapa! Kei-am na na peit ah ming, huham mah ciah nang ming awn phiawn sak gui ä. Cun ung vah kei la nang tumat ah ni kyak ah mäih ah ngami phi tumat ah kyak khai gui.


Swiv nou:

Piblisite


Piblisite