JOHAN 17:11 - Cho Bible Common Language 2016

¹¹ Kei cu tuhbäi nang ah ka lawk khai kyasei, m’dek khan ah kä ka om ba khai, cun ung phi ngami om ba khai gui. Theing cim ciah Kapa! Kei-am na na peit ah ming, huham mah ciah nang ming awn phiawn sak gui ä. Cun ung vah kei la nang tumat ah ni kyak ah mäih ah ngami phi tumat ah kyak khai gui.

JOHAN 17:11 Referans Kwoze

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

NG'THU K'THUUK~ 18:10

Bawipa cu khänghtek ciah tänghän ah kyak ci. A cu ah dung ciah chang gui hteit u ne phyawng m’htein ci gui.

HEBRU 9:24

Bawi Khrit cu Hmun Theing akcang ah müi ah chang ah pyan ah Hmun Theing ung kä lut ci. Ani cu Khankho akcang ung lut ne, tuhbäi mikmi ah hmawk ah Khanpughi ah ma ah gawk ci nei.

EPHESIAN 4:4

Khanpughi naw a ning khü nak gui awn, ngaih u nak tumat bäng a om ah mäih ah pumsa tumat Mumcha tumat bäng om ci.

PHILIPPIAN 2:9

Shin ah a mawng ung Khanpughi naw Bawipa cu, thawh ba sak ne, Ak hlüng pi k’bäih ah Khankho hmun ung, ming thang ni ciah hlüngtai pi ciah, ming cu pek ci.

JOHAN 17:25

“Düng ciah Kapa! M’dek chang gui naw kä ning hmat u sei phi, kei naw ka ning hmat ci nei. Shin ah chang gui naw kei cu, nang naw na na tüih law ah hmat ci gui nei.

JOHAN 13:1

Akhin cu Pasakha pawi agawk nak vai hnüüp ät m’hni ba ci. Bawipa Jesuh naw khomdek nawng shüt ne Apa ah a hteh nak ba vai ah akhin a gawk law cu hmat ci. Ani naw khomdek khan ah ak chang gui cu ang htei ah m’hni gui ci, kho ang pyi ung khüt khai ah m’hni gui ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

JOHAN 16:33

Nangmi cu kei awn nami kawng ät nak awn, dimdeeih nak nami gah vai ah shin ah ng’thu ka pyein ah kyak ci. Nangmi cu m’dek khan naw ning yaica sak gui khai. Cun ung phi nami m’gäi vai nei, kei naw m’dek khan cu ka näng pyi ci” cine pyein ci.

JOHAN 14:20

Cun ah hnüüp ung, ‘kei Kapa ung ka om ci, nangmi ung kei ka om ah mäih ah, kei ung nangmi nami om ci’ ka cicu nami hmat khai.

JUDE 1:1

Jesuh Khrit ah changshäm, James ah nau Jude naw, Khanpughi naw a khü gui, Pa Khanpughi ah m’hni nak ung om ci gui, Bawipa Jesuh Khrit ah ngäng bom gui ah chang gui am ca ka ning guk law gui ci nei.

1 JOHAN 5:19

Khomdek khan avan cu khoshe ah uknak kaa ah om pang sei phi, mik mi cu, Khanpughi ah chang gui ah mi kyak cu, mi hmat ci.

JAMES 4:4

Kä bekhüt ciah chang gui! Khomdek ng’yak hlü ah teihpüi cu, Khanpughi ah gaa ah kyak ci nei, ci cu kä nami hmat ci maa?

LAMKTU 3:21

Khanpughi naw a prophet theing gui ah om yah ung a pyein ah mäih ah, a päng avan ak thai ah kä ang’pian pha ah chuih cun ah Bawi cu khankhaw ah om cang khai.

JOHAN 13:3

Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.

ISAIAH 64:2

Ngami cu mei ng’ling ah khan ung ng’kiah ciah tui ah mäih ah ng’hlet khai gui nei. Na ga gui ah ma ah law ne na huham cu m’than law sak ä, chang pakhui gui cu nama ah ng’hlet sak gui ä!

SAM 79:9

O Khanpughi, na m’htei gui ä, na hun gui ä, na mät ning m’taam vai ah hmawk ah na gung gui ne kami katnak na m’gein gui ä.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

KALATIAN 3:28

Cun ah kyasei Jew chang la khui hei, khlei htein la khui mah, pami la hnumi ciah ang lakmah nak kä om ba ci: nangmi nami van cu Bawi Khrit Jesuh ung akawng ät ah nami kyak ci.

1 KORIN 1:10

Phäinau gui aw, Mi Bawipa Jesuh Khrit ah huham awn kei naw nangmi cu ka ning m’cumcäi gui ci nei. Nami thu m’gawng ung nami kawng ät vai, cun ung nami ng’phyeekpai nak kä om khai. M’lung ngaih tumat, bü nak tumat ung nami kawng ät yawp vai.

ROMAN 12:5

Acun ah mäih ah mikmi cu mi da ung phi, Bawi Khrit ung mi kawng ät nak awn pumsa tumat ah mi kyak ci, Mikmi cu ng’phyeek ng’pai ciah pumsa tumat ah mäih ah mi ng’khih ng’kaih yawp ci.

ROMAN 9:17

Khanpughi naw Egypt ghangpughang Pharaoh am, “Kei naw nang ghangpughang ah ka ning m’düih cu, nang awn ka hlüngtai nak cu m’dang ne, m’dek ah khan avan ung kei ah ka hluicang nak cu a gawk vai ah hmawk ah kyak ci,” ciah a kyak nak cu cacim theing ung om ci.

JOHAN 16:28

Kei cu Kapa ungka pawng ne m’dek khan ah ka lawk ci; tuhbäi ung m’dek khan ungka pawng ne Kapa ah ka hteit ba khai” ci ne pyein ci.

JOHAN 7:33

Bawipa Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei.

MATTHE 10:16

‘Ngai vä! Hngei khli ah ng’lung ah htome hta chah ah mäih ah, kei naw ka ning tüi gui ci nei. Cun ah kyasei, k’phyu ah mäih ah theileh u ne, am äm kä om ciah müm kha ah mäh ah nami m’lung gei sä.

MATTHE 5:48

Khankho ah nami Pa akümbe ah mäih ah nangmi phi nami kümbe vai nei.

EZEKIEL 20:44

Kei naw kamät ah ming thang shungvong ne ka hnün thawh ah a kyak ung, nangmi Israel gui naw, kei cu Bawipa ah nami na hmat khai, a i ah kyasei ci ung, nami cheishoh, akshe ah nami hnün thawh ah ciah kei naw kä ka ning bi gui ci,” Uktu Bawipa naw a pyen nei.

EZEKIEL 20:22

Cun ung phi kei naw Egypt ah ka Israel gui ka luh law püi ba gui yah ung na hmuk ciah changpakhui gui ah ng’lung ah ka ming, a thang shek khai kyasei cun ah kä ka bik ci nei.

EZEKIEL 20:9

Cun ung phi cun naw kei ah ka ming cu thang m’shet khai kyasei cun ah kä ka bik ci. A i ah kyasei ci ung Israel gui cu Egypt ah akpung ah ka hteh püi gui khai cine, ami om nak tu ah chang gui ah ma ah ka ng’shäu pyi ah kyak ci.

JEREMIAH 14:21

Na shaitak shüm ba ä, kä na päi pih en gui ä; Bä ciah na mang kiang ah hmun ah kyak ciah Jerusalem ah khan ah Thui ng’aa nak cu kä law en püi ä. Keimi awn na bi ah thukhän cu kä m’shet en ä.

JEREMIAH 14:7

Ka chang gui cu kei ah kyap lawk ci gui, “kami katnak naw ana kyuk gui ung phi, Bawipa, na shaitak ah mäih ah na m’htei gui ä. Keimi naw nang cu akda vei kami ning hlah tak ci, katnak bi ne kami ning hnungtuk püi ci.

ISAIAH 27:3

“Kei naw a shin cu ngäng ne, ak phlüt ah tui awn ka shawi ci. Kei naw amü ak hnüüp ka ngäng ci, cun ah kyasei a i naw, a i ah kä ci hlawt ci.

THU PHLAAN 19:12

Amik cu meidäi ah pying ne, alu ung lukhu akda ng’büng ci. Amät kawn ah a u naw kä a hmat ah ang ming cu ani ah khan ah ng’guk ci.

THU PHLAAN 15:4

Nang cu kä ning kyih aa ne, A u kä om hlawt khai nei, Bawipa! Nang ah küikyang hlüngtai nak cu ng’hlahta ne, A u om hlawt khai ang? Nang bäng na theing ciim ci nei. Nang ah bilawh cu chang avan naw hmu pyi ciah kyasei, Khaw päng ungka chang nüng law ne, Ning khawihnah lawk khai gui nei” ciah kyak ci.

JUDE 1:24

Kä nami kyuk ng’täät vai ah ning venk’pang gui ne, ning theingcim sak gui ne, yeikyai nak awn abä khäk nak ah amaa ah ning gawk sak gui ne;

1 JOHAN 3:12

Mikmi cu Kain ah mäih ah kä mi kya en vai nei. Ani ung khoshe om sei, a nau Abel cu ngawn ci nei. Kain naw a i ah kyasei a ngawn ang? Ani ah bilawh gui cu cheishoh ne a nau ah bilawh gui cu ang düng ah hmawk ah kyak ci.

JOHAN 17:6

Khomdek khan ungka ghü ne, kei ah kut ung na na ap ah chang gui-am, nang ah mawng cu kam thein gui pyi ci nei. Ngami cu nang naw khäm gui ne, kei-am na na ap pyi ci, ngami naw nang thu phi ngai pyi ci gui.

JOHAN 17:23

Ngami ung kei ka om ah mäih nang cu kei ung na om ci. Cun ah kyasei ngami cu ami kawng ät nak awn, nang naw kei na na tüih law ah mawng la, kei na nam hni ah mäih ah ngami phi nam hni gui ah mawng cu, m’dek chang gui naw hmat khai gui kyak ci.