JOHAN 16:8 - Cho Bible Common Language 2016

⁸ Ani a law ung m’dek chang gui ah katnak ah mawng düng nak ah mawng la Khanpughi ah m’khoichaa nak ah mawng gui cu dang sak yawp khai.

JOHAN 16:8 Referans Kwoze

JUDE 1:15

chang ah hta avan cu m’khoichak khai nei. Hnicim chang avan cu ami cheishoh shetkat nak ah hmawk la Khanpughi kä yum ne shekak ciah chang gui naw, Khanpughi ah kä ng’yak hlü ah ami ngetngawng ng’plahtang ah ng’thu gui ah khan ah Khanpughi naw m’shetkat gui khai nei!

LAMKTU 2:37

Cun ah ng’thu ng’yak ciah chang gui cu, ang htei ah ami lung khih gui khä tah, Peter lah a hei ang düihpüi gui am, “Phäi naü gui aw, a i ah mi kyak khai ang” cine ng’htau gui ci gui.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

1 KORIN 14:24

Cun ung phi Khanpughi ah ng’thu thuuk ng’shäu ne pyein ci a om yah ung kä yum tuk ciah chang, kä cun ung kä hmat tuk ciah chang, a luh law ah a kyak ung, nami ng’thu pyein ang yak nak tu awn, ani cu katnak bik ciah chang ah a kyak ah mawng hmat lawk khai nei.

JOHAN 8:9

Cun aci ng’ya u netah ang vai ba gui ma ba u sei, tumat täi ah hteit ba yawp ci gui. Hnumi amät bäng Bawipa Jesuh ah pei ah ng’düi ba shüt ci.

JOHAN 8:46

Kei naw katnak kabi ah mawng a u naw m’dang hning khai ang? Kei naw düng nak akcang ka pyein ung a i ah kyasei kä nami yum ang?

JOHAN 16:7

Cun ung phi kei akcang ka pyein cu, kei ka hteh law ung nangmi ah hmawk ah ni pi khai. Kei kä ka hteh ung ning m’htei gui khai cu kä lawk khai. Kei ka hteh ung vah cun ah Mumcha Theing cu ka ning tüih law gui khai.

JOHAN 16:9

Kei kä ami na yum ah hmawk ah katnak cu dang yawp khai.

TAIGÜTHUM 13:12

Kheilei cu pung law ne, cun ah chang cu alu ungka naw a khaw ah khüt ne, ak khei law ah a kyak ung,