JOHAN 16:5 - Cho Bible Common Language 2016

⁵ Tuhbäi kei cu na tüi lawk ciah om nak ah ka hteit law ba khai. Cun ung phi kei a hawi lam ka hteh vai cu a u naw phi kä nami na ng’shik ci.

JOHAN 16:5 Referans Kwoze

JOHAN 13:36

Simon Peter naw, “Bawipa, ahawi ah na hteit khai?” cine ng’shik ci. Bawipa Jesuh naw, “Kei ah ka hteh nak ah tuhbäi kä na na läk hlawt khai, a ngawi ah vah na na läk hlawt khai” cine kiak nak ci.

JOHAN 7:33

Bawipa Jesuh naw cun ah chang gui-am,” Kei cu nangmi awn a täng ah ashäng hta bäng om ba netah, na tüi lawk ciah om nak ah ka hteit ba khai nei.

JOHAN 16:28

Kei cu Kapa ungka pawng ne m’dek khan ah ka lawk ci; tuhbäi ung m’dek khan ungka pawng ne Kapa ah ka hteit ba khai” ci ne pyein ci.

JOHAN 17:4

Khomdek khan ung kei naw na bämang nak cu kam dang pyi ci. Ka bi vai ah na na peit ah bi phi ka bi yawp pyi ci.

JOHAN 16:10

Kei cu Kapa ah ka hteh law ba ung kä nami na hmu law ba khai kia sei, düng nak cu kei ung dang ci.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

JOHAN 13:3

Apa naw hlüngtai nak akbe ah a peit cu Bawipa Jesuh naw hmat ci: Khanpughi ah kaa law ne, Khanpughi ah a hteh ba vai cun phi hmat ci.

JOHAN 16:16

“Kä shou pha sei kä nami na hmu law ba khai, cun kawn ah kä shou pha sei nami na hmu law ba khai” cine pyein ci.

JOHAN 14:28

Kei tuhbäi ka hteh ung phi nangmi ah om nak ah ka law ba khai’ ka cicu nami ng’ya pyi ci. Kapa cu kei ah hlüngtai pi ci, acun ah kyasei, nangmi naw kei nami nam hni ung, Kapa ah ka hteh ba ung nami yeikyai khai.

JOHAN 6:62

Chang ah Htapa cu a om nak htük ah kho ah a hang kai vü ba nami hmuh law ung mä, a i ah nami ngai khai ang?

JOHAN 17:13

Tuhbäi kei cu nang ah ka lawk khai nei. Ngami kei ah yeikyai ah mäih ah ami yeikyai nak a be vai ah, m’dek khan ah ka om yah ung shin ah ng’thu ka pyein ah kyak ci.

JOHAN 16:17

Ang düihpüi gui amshah naw, “Kä shou pha sei kä nami na hmu law ba khai, cun kawn ah kä shou pha sei nami na hmu law ba khai” cik ci. Cun kawn ah Kapa ah ka hteit ba khai” phi cik ci.