JOHAN 16:4 - Cho Bible Common Language 2016

⁴ Chang gui naw shin ah mawng gui ami bi nak vai ah khin a gawk law ung, nangmi naw nami shüm ba vai ah ka ning m’thein gui ah kiak ci nei. “Kei cu nangmi awn a täng ah ka om mei yah ci kyasei, akhtük ung shin ah mawng gui kä ka ning m’thein gui ah kyak ci.

JOHAN 16:4 Referans Kwoze

JOHAN 14:29

Shin ah a mawng gui agawk law ung nangmi naw nami yum vai ah hmawk ah kä a gawk law pha ung ka ning m’thein gui ah kyak ci. Nangmi awn kei aksho kä mi ng’thu ba khai,

MAKUH 13:23

Nangmi cu ngaih na ne nami om vai, shin ah a mawng gui kä ang dang law pha ung ng’dawt ne ka ning m’thein gui nei.

JOHAN 13:19

Shin ah mawng gui ng’dawt ne ka ning m’thein gui cu, ka pyein gui akcang ah a kyak law hnüüp ung ‘Kei cu Kei’ah ka kyak ah mawng nami yum vai ah hmawk ah kyak ci.

MATTHE 9:15

Bawipa Jesuh naw, “Chumah khai ah pamihta ah a teihpüi gui cu, cun ah pamihta awn a täng ah ami om yah ung, thüisei khai gui ang? Cun ung phi cun ah pamihta cu ngami ungka la ne ami hteh nak püi vai ah a khin gawk lawk khai nei. Cun kawn ah ngami cu ei hlawi khai gui nei.

MAKUH 2:19

Bawipa Jesuh naw, “Chumah ciah pamihta ah akhin gui cu, amät awn a täng ah ami om yah ung ei hlawi hning khai gui ang? Chumah ciah pamihta a om ah chuih ei kä hlawi khai gui nei.

MATTHE 24:25

Ngai vä bäi, shin ah a mawng gui kä a gawk law pha ung kei naw ng’daut ne ka ning m’thein gui ah kyak ci nei.

2 PETER 1:14

Kei cu kä shou pha sei, shin ah sheka thei ciah pumsa cu ka nawng shüt lawk khai ah ka hmat ci nei, cun cu Bawipa Jesuh Khrit naw ang dang ah anam thein pyi ah kyak ci.

LAMKTU 9:16

Kei ah hmawk ah a yaica nak gui vai ah mawng cu, ka mät naw, ani am kam dang khai nei” cine pyen nak ci.

MATTHE 10:7

‘Khankho uknak ng’et lawk ci nei,” cine ng’thu pyein vä!

LUKA 1:2

Cun ah ami guk cu akhtük ung hmuhmat ci gui la pyeinsak ci gui ah m’thein m’kan ba gui ah kyak ci.

2 THESSALONIAN 2:5

Nangmi awn a täng ah ka om yah ung shin gui avan cu ka ning m’thein gui ci nei, kä nami shüm ba ne ma?