JOHAN 16:32 - Cho Bible Common Language 2016

³² Nangmi nami im phäh phäh ah püi ne nami dawng nak ba vai ah a khin gawk lawk khai nei. Kei cu ka mät nami na nawng shüt khai. Cun ung phi akcang ah ka mät kä ka om khai, Kapa naw na om püi khai.

JOHAN 16:32 Referans Kwoze

ZEKHARIAH 13:7

Hlüngtai ciah Bawipa naw, “Tho law ä, khim ghaat aw, kei ah hmawk ah bii bik ciah htoshäm cu na tuk vai, Na ngawn vai, a htome gu cu püipyang khai gui. Kei naw ka chang gui cu ka tu gui khai.

MATTHE 26:31

Cun kawn ah Bawipa Jesuh naw, “Khanpughi naw htoshäm cu ngawn khätah, hto gui cu püipiang yawp khai gui ciah, cacim ung a om ah mäih ah, tuhmü nangmi cu kei na nawng ne nami dawng yawp khai nei.

JOHAN 8:29

Kei na tüi lawk cicu kei awn a täng ah om ci; ani ah ng’yak hlü bäng ah angtäi sei ka bik ci kyasei, ani naw kei ka mät bäng kä na nawng ci” cine m’thein gui ci.

JOHAN 8:16

Kei naw m’khoichaa nak ka bi ung phi cun cu ng’düng ci. A i ah kiasei ci ung kei cu ka mät ka om ciah kä kyak ci, na tüi lawk ciah Kapa Khanpughi awn a täng ah kani om ci.

MAKUH 14:27

Bawipa Jesuh naw, “Nangmi nami van cu kei na nawng ne nami dawng yawp khai nei, a i ah kyasei ci ung cacim ung, ‘Khanpughi naw hto shäm cu ngawn khätah, hto gui cu püipiang yawp khai gui nei” ciah om ci.

MATTHE 26:56

Cun ung phi shin ah a mawng gui a kyak law nak cu cacim ung profet gui ah pyein ah mäih ah ang dang law vai ah hmawk ah kyak ci nei,” cine pyein ci. Cun yah ung ang düihpüi gui ami van cu Bawipa Jesuh nawng shüt ne dawng yawp ci gui.

JOHAN 20:10

Cun kawn ah ang düihpüi gui cu im ah hteit ba ci gui.

JOHAN 16:25

“Shin ah mawng gui cu m’tumtäng ne ka ning m’thein gui ci, Kapa ah mawng kä tumtäng ling ne, ang dang ah pyein nak vai ah a khin gawk lawk khai.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

JOHAN 4:23

Cun ung phi Khanpughi khawihnah ci naw mümcha thamah nak awn akhawihnah vai ah akhin cu gawk law pyi ci, cun cu Khanpughi ah ng’yak hlü ah kyak ci.

JOHAN 4:21

Bawipa Jesuh naw, “Hnumi awi, ka pyein cu ngai ä; shin ah m’htung ah phi bäi, Jerusalem ah phi bäi, Khanpughi kä khawihnah nak ba vai ah akhin gawk lawk khai nei.

JOHAN 12:23

Bawipa Jesuh naw, “Chang ah Htapa ah bämang nak ang dang nak ah khin gawk lawk ci nei,

JOHAN 5:28

Cun ah phäh ah kä cäicat vä, aksi gui cu Khanpughi ah Ahtapa ah ak’o cu ng’ya u netah;

JOHAN 5:25

Kei naw akcang ka pyein cu, akhin gawk law pyi ci, chang si gui naw Khanpughi ah A Htapa ah k’o ng’ya u netah, ghin nak ami gah nak ba vai ah akhin cu, tuhbäi gawk law pyi ci nei.

MAKUH 14:50

Cun yah ung ang düihpüi gui cu Bawipa Jesuh nawng shüt ne püi ne dawng yawp ci gui.

LAMKTU 8:1

Cu hnüüp ung tün neh Jerusalem ung om ciah khritha gui cu, ak she ah dudeiu nah gui ci ci gui. Cun ah kiah sei ngah mi cu Judea khaw lah Samaria khaw yung ah püipiang yawp u sei. Ang düihpüi gui bäng om ba ci gui.

JOHAN 16:31

Bawipa Jesuh naw, “Tuhbäi nami yum ci ang? Akhin cu gawk lawk ci, tuhbäi gawk law pyi ci.

JOHAN 19:27

Cun kawn ah ang düihpüi-am, “Shin cu na nu nei” ci nak ci. Cun ung tün ne cun ah ang düihpüi naw, anu cu a im ah hteh püi ne m’hteihtang ci.

LAMKTU 21:6

Cun kawn ah ng’gidam tu u netah, keimi cu htinpaw khan ah kai u ngäh sei ngami cu ami im ah hteit ba ci gui.