JOHAN 16:3 - Cho Bible Common Language 2016

³ Ngami cu Kapa phi kä hmat ci gui, kei phi kä na hmat ci gui ah kia ne, acun ah bik khai gui nei.

JOHAN 16:3 Referans Kwoze

JOHAN 15:21

Ngami naw acun ah bik khai gui, a i ah kyasei ci ung, nangmi cu kei ah chang ah nami kyak ci ngami naw kei na tüi lawk ci phi kä hmat ci gui.

JOHAN 17:25

“Düng ciah Kapa! M’dek chang gui naw kä ning hmat u sei phi, kei naw ka ning hmat ci nei. Shin ah chang gui naw kei cu, nang naw na na tüih law ah hmat ci gui nei.

2 THESSALONIAN 1:8

mei m’lei ah tawt ne ang dang law yah ung Khanpughi naw cun gui cu bik khai. Cun ung Khanpughi hnu ng’tuk püi ci gui la Bawipa Jesuh ah mawng Thu Ni kä ngai ci gui cu Khanpughi naw shetkat sak gui khai.

JOHAN 8:55

Nangmi naw ani cu kä nami hmat ci, cun ung phi kei naw ka hmat ci. Kä ka hmat ci ka ci ung ka hleei ka pyein ciah kyak khai. Kei naw Kapa cu akcang ah hmat ne ang thu cu ka ngai ci.

JOHAN 8:19

Ngami naw, “Napa cu a hawi ang?” cine ng’shik ci gui. Bawipa Jesuh naw, “Nangmi naw kei phi kä nami na hmat ci, Kapa phi kä nami hmat ci. Kei nami na hmat vai sü ung Kapa phi nami hmat khai sü te” cine pyen na gui ci.

1 JOHAN 4:8

M’hni nak kä om ciah chang naw Khanpughi cu kä hmat ci, a i ah kiasei ci ung Khanpughi cu hni nak ah kyak ci.

1 JOHAN 3:1

Pa Khanpughi ah anam hni nak gui cu a i hlawk ah däm ciah teng shüm vä! Anam hni nak gui cu däm aih sei, mikmi cu Khanpughi ah htanau ah mi ming tuk ci, akcang ah phi a htanau ah mi kyak ci. Cun ung phi khomdek chang gui naw cun ah mikmi kä ami na hmat gui ah mawng cu, ngami naw Khanpughi kä ami hmat ah hmawk ah kyak ci.

JOHAN 17:3

Ang täi ghin nak ci cu, nang Khanpughi ning hmat nak la na tüih law ah Bawipa Jesuh hmat nak ah kyak ci.

1 JOHAN 5:20

Khanpughi ah Htapa cu kyum law ne, Lulang nak cu na pe gui sei, Khanpughi akcang mi hmat tu cun phi, mikmi naw mi hmat ci. Mikmi cu A Htapa Bawi Jesuh Khrit awn mi kawng ät nak awn, Khanpughi akcang awn phi kawng ät ne mi ghing ci. Shin cu Khanpughi akcang ah kyak ci, ani ung mi gah cu angtäi ghin nak ah kyak ci.

1 KORIN 2:8

Khodek khan bawi gui naw cun ah cüivai nak ah mawng cu a u naw kä hmat ci. Ngahmi naw ami hmat vai sü ung bämang ciah Bawipa cu kutlam tung ung kä ngawn khai sü gui te.

JOHAN 15:23

Kei na gen ci naw Kapa phi gen ci.

LUKA 10:22

Kapa Khanpughi naw a päng avan na pyi ci. A Htapa cu a u ciah hmat cicu Kapa ah kawn ah a u kä om ci. Kapa cu a u ciah hmat ci cun phi A Htapa la A Htapa naw m’dang khai ah a ghü ah chang ah kawn ah a u kä om ci.

LAMKTU 3:17

“Phäi naü gui aw, nang mi lah nami ng’vai gui naw, Bawipa Jesuh ah khan ah nami bi gui cu, i kä nami hmat su ah kyak ci, ci cu ka hmat ci nei.

1 JOHAN 2:23

A Htapa hnu ng’tuk püi ci cu, Apa hnu ng’tuk püi ciah kyak ci: Ahtapa dou ciah chang cu Apa dou ciah kyak ci.